San Juan 16:4 - Dibshon Mengi-kan Ni Pansigshan

⁴ Insigod ko iyay ya inkowan son si‐kayo say no onsabi sotan na digat ja dag‐en sha son si‐kayo, eg kayo messhaaw, no diket nemnemen jo iyay ya inkowan ko son si‐kayo. “Ekak inkowan iyay son si‐kayo nonta pilmiro ta ẃara‐ak nin son si‐kayo.

San Juan 16:4 Iomraidhean Croise

San Mateo 10:7

Emin na dawdaẃan jo, ikowan jo son si‐kara ey sota naypadton pantoshayan nen Apo Shiyos, shanshani may timpo to.

San Mateo 24:25

Naka pan‐isigod i banshaan son si‐kayo say amta‐en joy mepesamak ali.

San Mateo 9:15

Jet si Jesus, say songbat to son si‐kara, in‐arig toy bakdang to shi dakin engaseẃa. Isonga kowan to ey, “Piyan jon ikowan ey sota ira bisita shi kasal, eg ira mengan angken ẃara sota dakin engaseẃa? Enshi, kenshat ta mengan ira. Nem ẃara et mangoy timpon onmotok ali ja ma‐enshi son si‐kara sota dakin engaseẃa, jet si‐katoy timpon ibiyang sha so ni pangan sha maypangkep ni daringit sha.”

San Marcos 13:23

Nem tanshaaniyo ira jay! Naka pan‐isigod iya banshaan son si‐kayo say amta‐en joy mepesamak ali.

San Marcos 2:19

Jet si Jesus, say songbat to son si‐kara, in‐arig toy bakdang to shi dakin engaseẃa. Isonga kowan to ey, “Piyan jon ikowan ey sota ira bisita shi kasal ket eg ira mengan angken ẃara sota dakin engaseẃa? Enshi a! Kenshat ta mengan ira.

San Lucas 1:2

jet inonod sha ni olay sota intoro met laeng nonta apostol nen Jesus, tep si‐karay sigod ja eki‐odo‐odop son si‐kato, si‐karay engasas ni inpaspasing to, tan si‐kara pay i inbetkag ton engitosho ni esel to.

San Juan 13:19

Insigod ko ja inkowan son si‐kayo niman iyay ta no onsabi sota timpo ja medeka son si‐kak iyay, piyan kon memati kayo ey si‐kak sota naypadton mengisedakan ja inbetkag nen Apo Shiyos alid ja dobong.

San Juan 14:29

Insigod kon inkowan son si‐kayo iyay, ta no onsabi ma sota timpo ja medeka son si‐kak iya inkowan ko la, piyan kon memati kayo son si‐kak.

Inpaspasing 9:16

Jet niman, ipa‐sas ko ngo son si‐kato no kas‐ano i digat alin da‐kaman to ni pengikowan to ni maypangkep son si‐kak.” Kowan nen Apo Jesus.

2 I-Tisalonika 2:5

Apay dinibkan jo aya? Inkowan ko met iyay ja emin nonta ẃara‐ak son si‐kayo,

2 San Pedro 1:14

Ta amtak ey say ketey ko, shanshani may timpo to, ta si‐katoy inpa‐amta nen Jesucristo ja Apo tayo son si‐kak nontan da.