San Juan 16:32 - Dibshon Mengi-kan Ni Pansigshan

³² Nem simabi ma sota timpon kebodak jo, jet emin kayo, sakey ey on‐akad shi baley to. Si‐kayo, bay‐an jowak, nem aliẃen saksakey kon mebay‐an, ta si Amak, ẃara son si‐kak.

San Juan 16:32 Iomraidhean Croise

San Mateo 26:31

Jet si Jesus, kowan to so nonta ira too to ey, “Niman na dabi, ibaing jowak ka emin jet onbetik kayo, ta si‐katoy ketongpal nonta padton naysolat nonta bayag da, ja kowan to ey, ‘Bono‐en ko sota para bantay ni kalniro, jet sota eman‐o‐odop ja kalniro, mebodak ira.’

San Mateo 26:56

Nem mesepol la sajay i medeka ta say metongpal sota insolat ni para padto nonta bayag da.” Kowan nen Jesus. Jet emin ira sota too to, namtik ira jet indekjas shes Jesus.

San Marcos 14:27

Jet si Jesus, kowan to so nonta ira too to ey, “Nem ekay, ibaing jowak ka emin et onbetik kayo, ta si‐katoy tongpal nonta padton naysolat nonta bayag da, ja kowan to ey, ‘Bono‐en ko sota para bantay ni kalniro et sota eman‐o‐odop ja kalniro, mebodak ira.’

San Marcos 14:50

Jet emin ira sota too to, namtik ira jet indekjas shes Jesus.

San Juan 12:23

Jet si Jesus, simongbat ja kowan to ey, “Sota timpon i‐olik shi dangit, simabi ma, ta si‐kak sota Anak ni Too.

San Juan 16:2

Ta a‐kalen shakejo pay shima dogad ja sa‐nopan ni Hodiyos, ja eg shakejo ma ipalobos ja mekisa‐sa‐nop son si‐kara. Aliẃen sotan bengat: sota pay ira memono son si‐kayo, say ẃared nemnem sha, kowan sha ey sotan na dag‐en sha, aliẃen basol, no diket shaka pandag‐a ja para son Apo Shiyos.

San Juan 16:25

“Nontan da, say naka pengitosho son si‐kayo, arig ni olay; nem ẃaray timpon onsabi ja aliẃa men arig i pengitoshok, no diket idiritsok ma ja ikowan son si‐kayo i maypangkep son Amak.

San Juan 16:31

Jet si Jesus, simongbat ja kowan to ey, “Jet niman, kayoka mala ememati son si‐kak?

San Juan 19:27

Jet inkowan to ngo so nonta apostol ey, “Si‐kato may inam!” Jet nontan ma ja akew, inodop nonta apostol sota ina nen Jesus shi baley to ja meki‐iyan ma shiman.

San Juan 20:10

Jet idi naksheng nga inon‐an sha iyay, imakad ired baley sha.

San Juan 4:21

Jet si Jesus kowan to so nonta bii ey, “Patim iya naka pan‐ikowan. Waray timpon onsabi ali ja say panshedjaw son Apo Shiyos, aliẃen sota idaw nodta shontog shiyay, ono shi Jerusalem.

San Juan 4:23

Jet niman, simabi ma sota timpo, ja say koston panshedjaw son Apo Shiyos ja Ama, mesepol la sota podno ja mandepod poso, tep si Apo Shiyos ja Ametayo, sajay i piyan ton pesing nga manshedjaw son si‐kato.

San Juan 5:25

“Kinapodpodno iya ikowan ko son si‐kayo. Say too, singa may‐eshig ey etey pangkep ni basol, nem no itenengan sha niman sota ikowan ko, may‐aknan ira ni biyag, ta si‐kak sota Anak nen Apo Shiyos.

San Juan 5:28

Karekayo messhaaw ni sajay ya inkowan ko la, ta ẃaray onsabi alin timpo, ja sota ira nanketey, itenengan shay esel ko,

San Juan 8:16

Nem angken bilang ey ẃaray ikowan ko ey mapteng ono ngaaw, aliẃen abos kon mengigsheng so, no diket ẃaray kadẃak; aliẃen nak iba‐ba‐ngat. Jet say kadẃak, si Amak ja engibetkag ali son si‐kak.

San Juan 8:29

Sota engibetkag son si‐kak, ẃara son si‐kak, jet eg towak baybay‐an ni abos ko, ta say piyan ton dag‐en ko, si‐kato iya naka dagdag‐a ni olay.” Kowan nen Jesus.

Inpaspasing 21:6

Kami nandogan nodta barko ey si‐kara, nay‐oli ired baley sha ngo.

Inpaspasing 8:1

Si Saulo i sakey ya makapiyan ey angken bono‐en sha si Esteban. Nontan na timpo, epaladoy shaka pesing so nonta ira emati shi Jerusalem, isonga ebokal ira ja nayẃaris shi emin na ili ni Jodia, tan shi Samaria, nem sota ira apostol, si‐kara bengat i ebay‐an ja eg nansisi‐jan.