San Juan 16:26 - Dibshon Mengi-kan Ni Pansigshan

²⁶ No onsabi sotan na timpo, si Apo Shiyos ja Amak i mismon pansheẃatan jo ta si‐kayoy mengi‐edagey son si‐kak. Aliẃen si‐kak may mengshaw para son si‐kayo,

San Juan 16:26 Iomraidhean Croise

San Juan 14:16

Ikowan ko son Amak ey pan‐iyan to ali sota Ispirito Santo to son si‐kayo, jet si‐katoy ontolong son si‐kayo ingkatod ingka, ja si‐katoy mengiredan son si‐kayo shi podno. Saja tood ja dobong ja eg emati son si‐kak, eg mebedin na man‐iyan son si‐kara i Ispirito Santo nen Apo Shiyos, ta eg sha am‐amta, tan eg sha indasin. Nem si‐kayo, amtayo mango, ta ẃara son si‐kayo ja man‐iyan ni olay.

San Juan 14:20

No onsabi ali sota timpo ja panbiyag ko mowan, si‐katoy amta‐anan jo so ey agpayson si Amak ket ẃara son si‐kak, jet angken si‐kayo ngo, ẃara kayo son si‐kak, tan si‐kak, ẃara‐ak son si‐kayo.

San Juan 16:19

Nem si Jesus, amta to ey piyan nonta ira apostol ton ibaga i olog nonta inkowan to, isonga kowan to son si‐kara ey, “Jet kayoka manbibinaga no ngantoy olog da nonta inkowan ko ey eg jowak ma nin asen ni sanka‐atikan, nem asen jowak met laeng nga shagos?”

San Juan 16:23

No onsabi sotan alin akew, aliẃen si‐kak may pansheẃatan jo, no diket si Amak. Jet no ẃaray sheẃaten jo son si‐kato, pangkep ni joka pengi‐edagey son si‐kak, i‐akan to son si‐kayo.

San Juan 16:30

Jet niman, amta mi ma ey si‐kam, amtam ma emin, angken saja ẃared nemnem mi. Angken eg kami mansedodsod, ta amtam; isonga kamika memati ey si Apo Shiyos i edapo‐an mo.”

San Juan 17:19

Jet saja bakdang ko, itolok kon metey pangkep son si‐kara, say agpayson maydesin ira para son si‐kam.

San Juan 17:24

Ama, si‐kam i engi‐ẃat ira niyay ya too son si‐kak, jet say piyan ko, ondaw ngo ira shi dangit ja daẃan ko, say asen sha sota shayaw ja in‐akan mo son si‐kak, nonta pilmiro ja eg pay laeng epalsowa iya dobong. Sajay i inpasing mo nontan da ta ensemek mowak ngoreshan.

San Juan 17:9

“Ama, aliẃen sota eg emati i naka pan‐ishawati, no diket saja toon kokowam ja in‐awat mo son si‐kak ja emati son si‐kak.

I-Roma 8:34

Angken sipa, enshiy kanebengan shen mengigsheng ey meshosa kito tep imed ma petek ni kanawan nen Apo Shiyos si Cristo Jesus; isonga enshiy en ma‐an‐ano son si‐katejo, tep shakitoka itakshel so nen Apo Shiyos. Nemnem jo ey saja si Cristo Jesus, si‐katoy etey, nem nanbiyag mowan.