San Juan 16:20 - Dibshon Mengi-kan Ni Pansigshan

²⁰ Kinapodpodno iya ikowan ko son si‐kayo. Saja ira tood ja dobong nga eg emati son si‐kak, man‐imdeng ira; nem si‐kayo, mandeshingit kayon pasiya. Nem sota daringit jo, mesa‐datan met laeng ali ni imdeng.

San Juan 16:20 Iomraidhean Croise

San Mateo 21:38

Nem idi inon‐an ira nonta engajowan sota mismon anak nonta makabo‐day, nantatabal ira ja kowan sha ey, ‘Sajay sota anak nonta makakokowa niya gardin na tayoka pan‐obda‐i. Bono‐en tayo et say saja bo‐day ya tawid to, kokowa‐en tayo ma.’

San Mateo 5:4

“Si‐kayon emandeshingit, bindisiyonan shakejo nen Apo Shiyos, tep si‐katoy mengkal ali ni daringit jo.

San Marcos 14:72

Jet idi inkowan to iyay, kimagang i kawitan ni maykepinshowa. Jet idi intenengan nen Pedro, ninemnem to ma sota inkowan nen Jesus ey, “Isaot mowak ni memintedo, ja kowan mo ey eg mowak am‐amta, jet no meksheng iyay, onkagang ngoy kawitan ni maykepinshowa.” Jet idi ninemnem nen Pedro iyay, nimangis sa pasiya tep naydaw‐an.

San Marcos 16:10

Jet si Maria ngo, dimaw so nonta ira too nen Jesus ja nay‐olop ni olay son si‐kato nontan da et sina‐kop to iren esa‐nop ja emandeshingit tan emannengis ni inkabono nen Jesus. Jet inkowan to son si‐kara ey, “Nanbiyag mowan si Jesus! Inon‐an kon mismo!” Nem idi intenengan sha, eg sha pinati.

San Lucas 22:45

Idi imekẃas ni toka pansheẃat, dimaw et to inon‐an sota ira too to, jet simbi to iren na‐ogip. Nabdey ira ni nemnemnem sha ni shaka pandeshingit.

San Lucas 22:62

Jet si Pedro, dimaw shima powisha ja epaladoy nangis to tep naydaw‐an.

San Lucas 23:27

Jet eshakel iray totoon nay‐olop son Jesus, tan ẃaray eshom ma bibiin ekidaw ja epaladoy shaka pannengis ni daringit sha son si‐kato.

San Lucas 24:17

Imesel si Jesus ja kowan to ey, “Ngaran ni joka pantabtabala aya ni joka pan‐ekad?” Kimi‐neng sota shadẃa et ma‐sas shi dopara ey enshiy imdeng sha.

San Lucas 24:21

Si‐kato komay namnama min mengisedakan ni Israel, nem binonora met. Jet maykatdon akew to niman.

San Lucas 6:21

Mebindisiyonan kayon nanka‐agang niman, ta mepnek kayo di! Mebindisiyonan kayon emannengis niman ni daringit jo, ta mandadsak kayo di!

San Juan 16:33

Insigod kon inkowan iyay son si‐kayo, say meẃad‐an kayo nonta talna ja edapo son si‐kak. Shiya dobong, pedigaten shakejo, nem karekayo manshanag, ta si‐kak ngoreshan i emengebak ni olay, aliẃen sota toon eg memati son si‐kak!”

San Juan 16:6

Jet niman ta inkowan ko iyay son si‐kayo, kayoka mandeshingit ta pasiya.

San Juan 20:20

Idi naksheng nga inkowan nen Jesus iyay, inpa‐sas to sota takday to son si‐kara ja kawad‐an ni sogat nonta indansara so shi koros, tan sota tagdang ton natbek. Jet nontan ma, ireka man‐imdeng nga pasiya tep inon‐an shen mismo si Apo Jesus.

Inpaspasing 5:41

Jet sota ira apostol, indekjas sha ira sota esa‐nop pa toray ja ireka eman‐imdeng nga pasiya tep si Jesus i kabol ni ebebaingan sha. Ninemnem sha ey sajay i ka‐asan to ey kinosto‐an ira nen Apo Shiyos.

I-Roma 5:11

Aliẃen na say pan‐imdengan tayo bengat ket sota eg tayo ma keshosa, no diket kitoka man‐imdeng ta ẃara kito son Apo Shiyos niman na na‐olnos sota istay inkaysi‐jan tayo son Apo Shiyos. Si Jesucristo ja Apo tayo, si‐katoy dimaga so niyay; isonga nay‐esop kito ma son Apo Shiyos.

2 I-Korinto 6:10

Kamika emandeshingit, nem ẃara met laeng ni olay i imdeng mi; ebiteg kami, nem eshakel met i singa inpabaknang mi; enshin polos i kokowa mi, nem singa in‐akan nen Apo Shiyos son si‐kami i emin na ẃaray banol to.

I-Galasia 5:22

Nem sota toon kaishalan ni Ispirito Santo nen Apo Shiyos, iyay iray ma‐sas son si‐kato: semek, imdeng, talna, anos, pengaasi, mapteng nga nemnem, tan emepiyal pay;

1 I-Tisalonika 1:6

Jet siya, si‐kami, tan si Apo Jesus, i inonoran jo. Nanda‐kam kayo pay ni ebadeg ga digat, pangkep bengat ni inpamatiyo nonta esel to, nem ebadeg met laeng i imdeng jo ta sota Ispirito Santo nen Apo Shiyos, ẃara son si‐kayo.

Santiago 1:2

Si‐kayon a‐akik shi pamati, no ẃaray onsabi son si‐kayon digat — angken nganton digat — karejo nemnemnemen ey ngaaw sotan na simabi son si‐kayo, no diket nemnem jo ey sotan na digat ta simabi ket panmaptengan jo.

San Judas 1:24

Si Apo Shiyos bengat i makabaal ja mengitoshong son si‐kayo, say enshiy jo pankodangan ja kaybebaingan jo ingkatod onsabi kayo son si‐kato shima kawad‐an tod dangit. Jet ebadeg i imdeng jo no onsabi kayod man.

Inpa-Amta Nen Jesucristo 11:10

Jet sota ira tood ja dobong, mandaladsak ira ni imdeng sha ni inkatey nonta showen para padto et man‐i‐inakan pay ira ni kompormin i‐akan sha, shi kait sha, ta kowan sha ey, “Siya, enshi mala sota kaondistorbo son si‐katejo!”

Inpa-Amta Nen Jesucristo 18:7

Epaladoy toka pengi‐tek shorog ni bakdang to, jet basta nganton piyan to, al‐en to. Isonga say pesing jo, i‐enam jo nodtan na aramid to i shosa to: i‐akniyo ni pandikatan to, ja pannengnengisan to, ta say ẃared nemnem to, kowan to ey si‐katoy toray ja ari, jet kowan to pay ey, ‘Apay ebalo‐ak? Enshiy nak pandeshingitan.’