San Juan 16:1 - Dibshon Mengi-kan Ni Pansigshan

¹ Wara pay i inkowan nen Jesus son si‐kara ja kowan to ey, “Insigod kon inkowan iyay son si‐kayo, say eg medingding i pamatiyo son si‐kak.

San Juan 16:1 Iomraidhean Croise

San Mateo 11:6

Si Apo Shiyos i onbindisiyon so nonta enshiy showashowa to son si‐kak.” Kowan nen Jesus so nonta ira inbetkag nen Juan.

San Mateo 13:57

Jet sotan iren kaidiyan to, dinamsis sha si Jesus. Nem si‐kato, say kowan to son si‐kara, “Emin ira sota toon inbetkag ali nen Apo Shiyos, mebedin na mayshedjaw shi emin na ili. Nem shi mismon ili to bengat i eg to kayshedjawan, tan angken pay sota mismon pamilja to, eg sha ishayaw.”

San Mateo 24:10

Jet eshakel ma i took ja mengi‐ibjag ni pamatira tan mengibaag ni kait sha so ni makakontra son si‐kara, tan asdeg to so ni took ja emati i mankokontra.

San Juan 15:11

Sajay i kowan ko son si‐kayo, say mayda‐kam kayo nodta imdeng ja ẃara ngo son si‐kak, jet mas pay ya man‐imdeng kayon pasiya.

San Juan 16:4

Insigod ko iyay ya inkowan son si‐kayo say no onsabi sotan na digat ja dag‐en sha son si‐kayo, eg kayo messhaaw, no diket nemnemen jo iyay ya inkowan ko son si‐kayo. “Ekak inkowan iyay son si‐kayo nonta pilmiro ta ẃara‐ak nin son si‐kayo.

I-Roma 14:21

Say mapteng nga medeka, sajay. No sota pengan ni apag, ono penginom ni adak, ono pandeka ni kompormi, i kabol la kepoyan ni pamati ni eshom, mesepol la maybi‐jag.

I-Pilipos 1:10

Sajay i shawat ko, say amta‐en jon memidi ni kamaptengan na ogadi, say eg kayo manbesol, tan say enshiy jo kebedawan niman na kawashayo pay laeng shiya biyag, ingkatod onsabi sota akew wa idaw ali nen Cristo.

1 San Pedro 2:8

Jet ẃara pay i naypadto nonta bayag da ja esel nen Apo Shiyos met laeng ja kowan to ey, “Sajay sota baton inba‐ngat ira nonta tooy katin jet naysokbab ira et eto‐dang ira.” Sotan i kowan nonta padton mepesamak son si‐kara ta oltimon eg ira memati nonta esel nen Apo Shiyos. Nem sigod ja amta nen Apo Shiyos ey sotan i medeka son si‐kara.