San Juan 15:7 - Dibshon Mengi-kan Ni Pansigshan

⁷ No si‐kak ni olay i pati‐en jo, ja onoren jo ni olay sota inkowan ko, i‐akan koy ibaga jo son si‐kak.

San Juan 15:7 Iomraidhean Croise

San Mateo 7:7

“No ẃaray mesepol jo, si Apo Shiyos i panbeka‐an jo, jet i‐akan to. No eg kayo on‐ekdas ja mansheẃat son si‐kato, eẃaten joy mesepol jo. Panogtog kayo nin et idokatan tokejo.

San Juan 14:13

No ngarantoy sheẃaten jo son Amak pangkep ni joka pengi‐edagey son si‐kak, i‐akan ko son si‐kayo, say si Amak i mayshedjaw.

San Juan 15:16

Aliẃen si‐kayoy emili son si‐kak ja maistoro jo, nem si‐kak i emili son si‐kayo. Jet ibetkag takejo so ni totoo ja en mengikowan ni maypangkep son si‐kak, jet sota dag‐en jo, ebadeg i panbenagan to, ja eg mepokaw. Jet no ngantoy sheẃaten jo son Amak, pangkep ni joka pengi‐edagey son si‐kak, i‐akan to son si‐kayo.

San Juan 16:23

No onsabi sotan alin akew, aliẃen si‐kak may pansheẃatan jo, no diket si Amak. Jet no ẃaray sheẃaten jo son si‐kato, pangkep ni joka pengi‐edagey son si‐kak, i‐akan to son si‐kayo.

San Juan 8:31

Jet si Jesus, kowan to so nonta ira Hodiyos ja emati ey, “No sota intorok son si‐kayo ket si‐katoy nemnemnemen jo, si‐kayoy podnon took.

San Juan 8:37

Amtak ey poli shakejo nen Abraham, nem ẃara ira met son si‐kayoy piyan shen onbono son si‐kak, ta eg jo pati‐en sota inkowan ko son si‐kayo.

I-Galasia 4:2

Enshiy to nandasinan, ta ẃara pay laeng i emengajowan son si‐kato. Nem no onsabi sota timpo ja inkowan nen ameto ey i‐elbat to so nontan na tawid, eẃaya ma.

I-Galasia 5:16

Isonga kowan ko ey itodok joy Ispirito Santo nen Apo Shiyos ja mengiredan son si‐kayo, say eg jo onoren sota pipiyan ni bakdang jon dag‐en ja ngaaw.

I-Kolosas 3:16

Jet niman, say eg jo dibdibkan sota toro ja intenengan jo ja esel nen Cristo, osal jon emin sota amtayon pesing nga mengitosho, tan memanshaan, ni sakey tan sakey son si‐kayo. Tan i‐shom jo pay shi iyaman jo son Apo Shiyos sota kankansiyon ja pengiredjaw son si‐kato, pati sota ira salmo.

1 San Juan 2:14

Mebedin na mansodatak son si‐kayon a‐anak tep amtayos Apo Shiyos ja Ametayo. Mebedin pay ja mansodatak son si‐kayon amma tep amtayos Jesus ja sigod ja ẃara ngoreshan nonta eg pay laeng epalsowa iya dobong. Mebedin na mansodatak son si‐kayon bedoleki tep makedsang kayo. Ta say joka nemnema ni olay, sota esel nen Apo Shiyos; isonga inebak jos Satanas.

1 San Juan 2:27

Wara pay laeng son si‐kayo sota Ispirito Santo nen Apo Shiyos ja in‐akan nen Cristo, jet si‐katoy emengitosho son si‐kayo ni emin na podno ja enshiy o‐owap to. Isonga angken eg jo itolok ja itod‐an shakejo nonta ira aliẃen kait jod pamati. Sota intoro ngoreshan nonta Ispirito Santo nen Apo Shiyos son si‐kayo, si‐katoy nemnemnemen jo; karekayo mebegnad nodta apil la toro.

1 San Juan 3:22

Jet no mengshaw kito son si‐kato ni angken nganto, i‐akan toy kekshawen tayo, ta tayoka pati‐a i bilin to, tan tayoka dag‐a i piyan to.

1 San Juan 5:14

Asan sakey pay ja piyan kon penigorado‐an jo, sota maypangkep ni pansheẃat jo son Apo Shiyos. Ta no mansheẃat kito son Apo Shiyos, sintilen to, no maykompas nodta piyan ton medeka.