San Juan 15:18 - Dibshon Mengi-kan Ni Pansigshan

¹⁸ “No saja tood ja dobong nga eg emati ket okesen shakejo kabol ni pamatiyo son si‐kak, karekayo messhaaw, ta amtayo met ey si‐kak i epangdon inokes sha.

San Juan 15:18 Iomraidhean Croise

San Mateo 10:22

Jet angken si‐kayo, sota joka pemati son si‐kak, si‐katoy kabol la okesan shakejo so ni karakdan na too. Nem sota mengitoded ni angken nganton digat ja onsabi son si‐kato, si‐katoy maysedakan.

San Mateo 24:9

“Jet si‐kayo, i‐awat shakejo shi toray jet pedigaten shakejo asan shakejo bono‐a. Karakdan ni tood ka‐ili‐ili, okesen shakejo maypangkep ni joka pemati son si‐kak.

San Mateo 5:11

“Si Apo Shiyos, bindisiyonan shakejo no somangen shakejo ni kait jon too, ja kompormiy ikokowan sha, angken enshiy basol jo, ono bebaingan shakejo, ono pedigaten shakejo tep too takejo.

San Marcos 13:13

Jet angken si‐kayo, sota joka pemati son si‐kak, si‐katoy kabol la okesan shakejo so ni karakdan na too. Nem sota mengitoded ni angken nganton digat ja onsabi son si‐kato, si‐katoy maysedakan.

San Lucas 6:22

Mebindisiyonan kayo no okesen shakejo ono eg sha ikarin kait shakejo, ono bebaingan shakejo, ono ikowan sha ey ngaaw kayo tep too takejo.

San Juan 16:1

Wara pay i inkowan nen Jesus son si‐kara ja kowan to ey, “Insigod kon inkowan iyay son si‐kayo, say eg medingding i pamatiyo son si‐kak.

San Juan 16:33

Insigod kon inkowan iyay son si‐kayo, say meẃad‐an kayo nonta talna ja edapo son si‐kak. Shiya dobong, pedigaten shakejo, nem karekayo manshanag, ta si‐kak ngoreshan i emengebak ni olay, aliẃen sota toon eg memati son si‐kak!”

San Juan 3:20

Jet sota ira ngaaw i aramid sha, shaka a‐dema ja on‐esop son si‐kak ta entakot ira ey deẃagan koy aramid shen ngaaw.

San Juan 7:7

Si‐kayo, aliẃen kontra shakejo niya tood ja dobong, nem si‐kak, kontra sha‐ak, tep naka pan‐ikowan son si‐kara sota ngaaw wa aramid sha.

Inpaspasing 14:22

Jet tinokon sha ira nin sota emati nodtan na dogad ja shinshindan sha, say onkedsang i pamatira. Inkowan sha pay son si‐kara ey, “Karejo ibi‐bi‐jag i pamatiyo angken ngantoy dag‐en ni apil la too son si‐kayo; nemnem jo ey si‐katejon mayda‐kam shi pantoshayan nen Apo Shiyos ket kenshat ta manda‐kam kito ni digat.”

Hodiyos 12:2

Jet topogen tayo ja si Jesus i nemnemen tayo, ta si‐katoy nanshogi‐an ni pamati tayo, jet si‐kato met laeng i onoren tayo ingkatod meksheng. Jet anam ton si‐katoy onoran tayo, ta inenosan toy digat nonta naydansa shi koros, ta amta to ey ẃaray mapmapteng ja naysagana shi dangit ja para son si‐kato; isonga angken na dinamsis sha tan binebaingan sha, inenosan to. Jet niman, ẃara ma shi petek ni kanawan nonta tinongawan nen Apo Shiyos, jet si‐kato ngo ma i Kangeto‐an na toray.

Santiago 4:4

Apay nga aliẃa eshan na si Apo Shiyos bengat i naymongsanan ni semek jo? Eg jo aya amta ey sota toon pipiyan ton onoran i aramid ni toon eg memati son Apo Shiyos ket emaykontra son si‐kato? No say piyan ni toon dagdag‐en ket saja kompormin aramid ni toon eg memati, kenshat ta naykontra ngo son Apo Shiyos.

1 San Juan 3:1

Iyay i nemnemen jo koma. Say semek nen Apo Shiyos son si‐katejon annak to, ebadeg ga pasiya, isonga mayngadnan kito ey annak to. Aliẃen awag bengat, no diket podnon naykari kito ey annak to. Sota toon eg memati son si‐kato, eg sha eẃatan i kasesaad tayo ta angken si Apo Shiyos, eg sha pati‐en.

1 San Juan 3:13

Isonga si‐kayon kait ko, karekayo messhaaw nem en‐oges shakejo ni karakdan na tood ja dobong, ja enshiy Shiyos sha.

1 San Juan 3:3

Jet emin na toon sajay i namnama sha, ja emansessesked son Jesucristo, mesepol la enshi komay sha panbesolan, ta si Jesus, enshi ngoy toka panbesoli.