San Juan 15:15 - Dibshon Mengi-kan Ni Pansigshan

¹⁵ Aliẃen baga‐en may pengibidang ko son si‐kayo, ta say baga‐en, eg ikowan nonta apo to son si‐kato i emin na toka dagdaga. Isonga say awag ko son si‐kayo, kagajem takejo, ta emin sota inkowan nen Amak son si‐kak, inpa‐amtak son si‐kayo.

San Juan 15:15 Iomraidhean Croise

San Mateo 13:11

Simongbat si Jesus ja kowan to son si‐kara ey, “Si‐kayo nin i naypalobos ja on‐awat so ni maypangkep nonta pantoshayan nen Apo Shiyos, nem si‐kara, enshi nin.

San Lucas 10:23

Si Jesus, sinengo to sota ira too to et kowan to son si‐kara ni abos sha ey, “Ekasat kayo, ta inon‐an jo ira jay ya naka dagdag‐a.

San Juan 12:26

Sota toon makapiyan ja mansilbi son si‐kak, mesepol la si‐kak i onoren to. No toway kad‐an ko, si‐kato ngoy kawad‐an to, jet sota ira toon emati ja emansilbi son si‐kak, i‐aknan nen Amak ni shayaw sotan na too.”

San Juan 13:16

Kinapodpodno iya ikowan ko son si‐kayo. Sota baga‐en, aliẃen si‐kato et ngo mowan i ibaingan ni totoo ey say sota apo to. Jet inges niyay sota emaybetkag. Sota emaybetkag, aliẃen engatngato ey say sota emengibetkag son si‐kato.

San Juan 15:20

Karejo dibdibkan sota inkowan ko la son si‐kayo, ey say baga‐en, aliẃen si‐kato et ngo mowan i ibaingan ni totoo ey say sota apo to. Jet si‐kak ja apo jo, pedikaten sha‐ak; isonga angken si‐kayo, sigoradon pedigaten shakejo ngo ali pangkep ni pamatiyo son si‐kak. Nem no pinatiray esel ko, pati‐en sha ngoy ikowan jo.

San Juan 16:12

“Eshakel pay iya piyan kon ikowan son si‐kayo, nem niman, eg jo pay nin kabaalan na eẃatan.

San Juan 17:26

Inpa‐amtak son si‐kara sota maypangkep son si‐kam, jet itoloy kon ipa‐amta iyay son si‐kara, say mayda‐kam ngo ira nodta semek mo ja ẃara son si‐kak, say si‐kak, ẃara‐ak ngo son si‐kara, ja ontolong.” Sajay i shawat nen Jesus so nen Ameto.

San Juan 20:17

Nem si Jesus kowan to ey, “Karamak egni‐an, ta ekak pay laeng dimaw ja nay‐oli so nen Amak shi dangit. Daw ka, mo ikowan so nonta ira a‐akik ey ondawak ma ja on‐oli so nen Amak ja Shiyos ko, ja si‐katoy Shiyos jo tan Amejo ngo.”

San Juan 4:19

Jet sota bii, kowan to ey, “Apo, naka eẃati ma ey si‐kam, para padto ka gayam nen Apo Shiyos.

San Juan 8:26

Jet no sota maypangkep son si‐kayo, eshakel pay i naka bedawa; isonga eshakel i piyan kon ikowan son si‐kayo ja inkowan nonta engibetkag ali son si‐kak, jet emin na kowan to, agpayso. Jet sajay i naka panpa‐amta so ni tood ja dobong, ta si‐katoy intenengan ko son si‐kato.”

Inpaspasing 20:27

Ta enshiy nak inikotan ja ekak inkowan son si‐kayo; intorok ka emin sota koston piyan nen Apo Shiyos ja amta‐an ni totoo.

I-Roma 7:15

Ekak eẃatan shorog i bakdang ko, ta sota piyan kon dag‐en, aliẃen si‐kato, no diket say naka dag‐a et ngo mowan, sota mismon ekak kosto.

1 I-Korinto 2:16

Sajay met laeng i kowan ni padto nonta bayag, ja kowan to ey, “Sipay toon maka‐amta ni nemnem nen Apo? Enshi, isonga enshi ngoy toon mengitosho son Apo ni dag‐en to.” Kowan to. Jet si‐katejo, ẃaray amta tayon nemnem nen Cristo, isonga eg shakito eẃatan nonta toon enshiy Ispirito Santo son si‐kato.

I-Galasia 4:6

Niman ma, annak shakejo nen Apo Shiyos; isonga inbetkag to sota Ispirito Santo ni Anak to ja man‐iyan shi poso tayo. Jet sajay i amta‐an tayo so ey Ametayo ma si Apo Shiyos.

I-Ipiso 3:5

Sajay ya plano nen Apo Shiyos, eg to inpa‐amta so ni angken sipen too nonta epalabas den pigen dasos sa tawen, nem niman inpa‐amta ni Ispirito Santo to iyay so ira nonta apostol to, tan sota ira para padto.

I-Kolosas 1:26

Sajay ya naka panpa‐amta, enshiy maka‐amta, angken sipa, ni dinesos den tawen ja epalabas, nem niman, inpa‐amta nen Apo Shiyos so nonta ira too to.

Filemon 1:16

Nontan da, kowan tayo ey baga‐en bengat, nem niman ma, epateg ga agi tayo shi pamati son Cristo. Jet si‐kak, ensemek kon pasiya si Onisimo, jet sigosho si‐kam, mas pay ya sesmeken mo koma ey say sota naka penmek son si‐kato, ta niman, aliẃen baga‐en mo bengat, no diket emati pay so nen Apo Jesus, isonga agim ma shi pamati.

Santiago 1:1

Si‐kak si Santiago ja makasolat niyay, ja mismon inbetkag nen Apo Shiyos tan si Apo Jesucristo ja mansilbi son si‐kara, jet sajay ya solat ko, para son si‐kayon emin na too nen Apo Shiyos ja nayẃaris shiya intiron dobong. Sapay koma ta mapteng kayon emin.

Santiago 2:23

Isonga say kowan nonta naysolat nonta bayag da, kowan to ey, “Si Abraham, emati son Apo Shiyos jet sotan i kinosto‐an nen Apo Shiyos son si‐kato ja naybilangan to ey singa enshiy basol to.” Jet etongpal iyay nonta pinati to sota kowan nen Apo Shiyos ey dag‐en to. Isonga kowan sha nonta bayag da ey si‐katoy kajem nen Apo Shiyos.

1 San Pedro 1:11

Sota ira para padto nonta bayag da, pineshas shen pasiya ja inashal sota maypangkep ni inpa‐amta ni Ispirito Santo nen Cristo son si‐kara, tep eg sha ineẃatan sotan na inpa‐amta to, ja ipadtora. Inpa‐amta ni Ispirito Santo son si‐kara ey ẃara diy ibetkag nen Apo Shiyos ja mengisedakan, nem kowan to ey manda‐kam nin ni digat asan ka‐oli shi dangit. Piyan ira nonta para padto ja amta‐en no pigan i ketongpal niyay ja inpadtora, tan no sipa sotan na ibetkag to ali.

2 San Pedro 1:1

Si‐kak si Simon Pedro ja makasolat niyay, jet sajay ya solat ko, para son si‐kayon tinodongan nen Jesucristo ja emati son si‐kato. Epateg i pamatiyo son si‐kato ja inges toy pamati mi. Tinodongan shakejo nen Cristo ta nan‐i‐inges i toka pesing so ni totoo. Jet niman ma, si‐kato may Shiyos tayon emin, ja engisedakan son si‐katejo. Si‐kak i sakey ya apostol nen Jesucristo ja shinotokan ton mansilbi son si‐kato, isonga itnengi jon pasiya iya ikowan ko.

San Judas 1:1

Si‐kak si Judas ja agi nen Santiago. Sajay ya solat ko, para son si‐kayon emin na toon pinidi nen Apo Shiyos ja Ametayo ja nanbalin ni too to. Si Apo Shiyos, ebadeg i semek to son si‐kayo, isonga si‐kato met laeng i mengajowan son si‐kayo, ingkatod ondaw ali si Jesucristo. Si‐kak i sakey ya shinotokan nen Jesucristo ja mansilbi son si‐kato, isonga itnengi jon pasiya iya ikowan ko.

Inpa-Amta Nen Jesucristo 1:1

Saja naysolat shiyay ya dibsho, si‐katoy inpa‐amta nen Jesucristo maypangkep ni mepesamak alin shagos. Istay ya enshiy maka‐amta so, nem inpa‐amta nen Apo Shiyos iyay so nen Jesucristo, say ipa‐amta to ngo son si‐katejon emansilbi son si‐kato. Jet inbetkag to sota anghil to ja to ngo ipa‐amta ali son si‐kak ja emansilbi son si‐kato.