San Juan 14:3 - Dibshon Mengi-kan Ni Pansigshan

³ No meksheng nga isaganak sotan na dogad ja pan‐iyanan jo, on‐oli‐ak ali et al‐en takejo, ta piyan kon shima kad‐an ko ket si‐kato ngoy pan‐iyanan jo.

San Juan 14:3 Iomraidhean Croise

San Juan 12:26

Sota toon makapiyan ja mansilbi son si‐kak, mesepol la si‐kak i onoren to. No toway kad‐an ko, si‐kato ngoy kawad‐an to, jet sota ira toon emati ja emansilbi son si‐kak, i‐aknan nen Amak ni shayaw sotan na too.”

San Juan 14:28

Intenengan jo met sota inkowan ko la ey angken idekjas takejo, on‐oli‐ak mowan ali son si‐kayo. No ẃara komay semek jo son si‐kak, istay nan‐imdeng kayo koma, ta si Amak ja daẃan ko, engatngato ngo eshan ey say si‐kak.

San Juan 14:4

Jet amtayo i shalan ja ondaw shima dogad ja daẃan ko.” Kowan nen Jesus.

San Juan 17:24

Ama, si‐kam i engi‐ẃat ira niyay ya too son si‐kak, jet say piyan ko, ondaw ngo ira shi dangit ja daẃan ko, say asen sha sota shayaw ja in‐akan mo son si‐kak, nonta pilmiro ja eg pay laeng epalsowa iya dobong. Sajay i inpasing mo nontan da ta ensemek mowak ngoreshan.

Inpaspasing 1:11

Kowan nonta anghil son si‐kara ey, “Daleki ja i‐Galilia, ngantoy tinangkakan jo pay laeng shi dangit? Sajay ya si Jesus ja engilekjas son si‐kayo ni indaw to la shi dangit ja nay‐olop shi kolpot, inges niyay met laeng aliy i‐oli to.”

I-Roma 8:17

Jet niman ma, ta annak shakito nen Apo Shiyos, mayda‐kam kiton mekiteẃid son Cristo nodta i‐akan nen Apo Shiyos: mayshedjaw kito ngo shi dangit ja kait nen Cristo. Mayda‐kam kito nodtan, ta kitoka manda‐kam ngo ni digat niman kabol ni tayoka pengonod son si‐kato, ja singa kitoka mekilikat son si‐kato.

I-Pilipos 1:23

Isonga entapik i showen panpidi‐an ko et ekak tongolan no towed jay ya showa. Singa piyan kon metey say ondawak shagos shima kad‐an nen Cristo, ta si‐katoy kamaptengan.

2 I-Tisalonika 1:12

tan say mayshedjaw i ngaran nen Apo Jesus ni sajay ya dag‐en jo, jet kasta met ngo son si‐kayo, mayshedjaw kayo ngo pangkep son si‐kato. Enshiy eshom ma kedepo‐i ni mesepol tayo nem eg sota kaasi nen Apo Shiyos tayo, tan si Apo Jesucristo.

2 Timoteo 2:12

No enosan tayo ja manda‐kam ni digat maypangkep son si‐kato, mayda‐kam kito ngo son si‐kato ja mekitoshay; nem no idibak tayo ja ikowan tayo ey eg kito emati, ikowan to ngo di ey eg shakito am‐amta.

Hodiyos 9:28

Jet si Cristo, etey ngo ni pinsak, nem nontan, indaton ton mismoy bakdang to say si‐katoy mengikesho ni basol ni totoo. Jet ondaw mowan ali, nem apil i dag‐en to: aliẃen mengkal ni basol, no diket anayen toy kaysedakan ira nonta emansessesked ja pasiya son si‐kato.

Inpa-Amta Nen Jesucristo 3:21

Sota mengenos ni digat, ja eg ma‐ebak, si‐karay ikowan ko ey mayda‐kam ja mekitongaw son si‐kak shima pantoshayan ko. Ta angken si‐kak, inenosan koy digat et nayda‐kamak ngo ja mekitongaw so nen Amak shi pantoshayan to.