San Juan 14:26 - Dibshon Mengi-kan Ni Pansigshan

²⁶ Sota Ispirito Santo, si‐katoy ibetkag ali nen Amak son si‐kayo ja ontolong son si‐kayo, tep naykasakey kayo son si‐kak, say eg jo dibkan sota emin na inkokowan ko la son si‐kayo. Jet sotan i mengitosho son si‐kayo ni emin.

San Juan 14:26 Iomraidhean Croise

San Mateo 1:18

Iyay i shoki‐an ni inkay‐anak nen Cristo. Nonta aneng pay laeng nga may‐enak si Cristo, si Maria ja mengi‐nak ali son si‐kato, naykari ja esaw‐en nen Jose. Jet si Maria, nonta eg ira pay laeng nan‐aseẃa nen Jose, na‐amta‐an ey malokon. Nem sotan na dokon to, in‐iyan gayam ni Ispirito Santo nen Apo Shiyos.

San Mateo 1:20

Nem idi sajay i toka nemnemnema ja kowan to ey dag‐en to, nanpa‐sas i anghil nen Apo Shiyos shi kokokip to, ja kowan nonta anghil son si‐kato ey, “Jose ja poli nen Ari David, kareka manshanag ja mengesawa so nen Maria, ta sama dokon to, Ispirito Santo nen Apo Shiyos i engi‐jan so.

San Mateo 28:19

Isonga ikowan ko son si‐kayo ey daw kayo shi emin na ili shiya dobong, jet itoshoyo i maypangkep son si‐kak say memati ira. Bonjagi jo ira shi ngaran nen Apo Shiyos ja Amak, shi ngaran ko ja Anak to, tan shi ngaran ni Ispirito Santo.

San Mateo 3:11

Jet kowan pay nen Juan ey, “Nem si‐kak, dimawak ali ja shanom i inpamonjag ko son si‐kayo, ni inpanbebawi jo, nem ẃaray ondaw alin maysa‐dat son si‐kak ja ebadbadeg i panakabalin to nem say si‐kak. Jet ekak pay maykeshi ja angken baga‐en to koma ja mengkal ni sapatos to. Sotan aliy onbonjag son si‐kayo ni Ispirito Santo nen Apo Shiyos, asan pay ya apoy.”

San Marcos 12:36

Ta angken si Ari David shorog, inkowan to ey pangolo to sota mengisedakan ali. Intorong met ni Ispirito Santo nen Apo Shiyos si David nonta engikowanan to ey, ‘Si Apo Shiyos, inkowan to so nonta pangolok ey ontongaw si‐kato shi apit ni kanawan to, ingkatod enshiy mebedin nonta kabakal to, ja ẃara ma ired shalokap ni shapan to.’

San Marcos 13:11

No ma‐shel kayo ja mebistigal shi oskaro, karekayo meshanagan no ngarantoy isongbat jo son si‐kara, no diket sota maypa‐amta met laeng son si‐kayo nontan na oras ja shakejosoka pan‐ibag‐i, sotan i isongbat jo. Ta aliẃen si‐kayon mismo i onsongbat so, no diket sota Ispirito Santo nen Apo Shiyos.

San Lucas 1:15

Bigbigen ali nen Apo Shiyos si Juan ja eshayaw. Eg ali menginom ni adak, ono ngaranton memoteng. Ishalan ali ni Ispirito Santo nen Apo Shiyos ni olay manipod kay‐enak to.

San Lucas 1:35

Kowan nonta anghil ma ey, “Sota Ispirito Santo nen Apo Shiyos i maka‐amta. Sota panakabalin nen Apo Shiyos, ẃara di son si‐kam. Isonga sajay alin nga‐nga, esanto‐an ja enshiy to di panbesolan, jet maykowan ali ey Anak nen Apo Shiyos.

San Lucas 1:41

Idi intenengan nen Elisabet sota esel nen Maria, nay‐inshas ngon kimeykey sota nga‐nged ekes nen Elisabet. Inkedsang nen Elisabet i esel ton intorong ni Ispirito Santo nen Apo Shiyos, ja kowan to ey, “Eshakel i bii, nem si‐kam i pinidi nen Apo Shiyos ja in‐aknan to ni ebadeg ga kaasi. Jet kaasi‐an to pay ali ta nga‐ngen i‐anak mo di.

San Lucas 1:67

Jet si Sakarias, intorong ni Ispirito Santo nen Apo Shiyos ja mengikowan ey,

San Lucas 11:13

Si‐kayo, angken ngaaw i aramid jo, amtayo met ja mengi‐kan ni mapteng nga ibaga ni anak jo. No satan i ẃara son si‐kayo, mas pay ya amta nen Apo Shiyos ja Amejod dangit ja mengi‐kan ni mapteng nga banag so nonta emengshaw son si‐kato ni kasapolan to. I‐akan toy Ispirito Santo to so ira nonta manbeka son si‐kato.”

San Lucas 2:25

Jet nontan, ẃaray tood man ja si Simeon i ngaran to ja nanbaley shi Jerusalem. Makedsang i pamati to son Apo Shiyos, tan eshayaw ey mapteng nga too. Jet toka sesseskera i ketongpal nonta kari nen Apo Shiyos ey ẃaray ibetkag ton mengisedakan ni tood Israel. Jet say Ispirito Santo nen Apo Shiyos, ẃara son si‐kato.

San Lucas 24:49

Jet iyay pay: ibetkag ko sota Ispirito Santo nen Apo Shiyos ja Amak ja inkari ton pan‐iyan to son si‐kayo. Nem panseked kayo nin shiya Jerusalem ingkatod eẃaten jo sota panakabalin nonta Ispirito Santo ja edapod dangit.” Kowan nen Jesus.

San Lucas 3:22

Jet dimespag aliy Ispirito Santo nen Apo Shiyos son si‐kato, ja na‐sas ja singa inges toy itsora ni kalopati. Jet si Apo Shiyos, imesel alid dangit ja kowan to ey, “Si‐kam i Anak ko et ensemek taka, tan si‐kam i naka pan‐imdengi.”

San Juan 1:33

Istay ekak pay laeng amta ey si‐kato sota kaytoshongan nonta padto, nem si Apo Shiyos, ja engibetkag son si‐kak ja memonjag ja shanom i osalen ko, inkowan to pay ey sota asen ko ja despagan ni Ispirito Santo to ja pan‐iyanan to, si‐kato sotan na too ja say pemonjag to di ket Ispirito Santo.

San Juan 12:16

Sajay ya padto, eg nin ineẃatan nonta iratoo nen Jesus i olog to nonta pilmiro. Nem idi etey si Jesus et nanbiyag mowan asan ka‐oli mowan da shi dangit, ninemnem sha ma ey sajay ya padto ket si‐kato gayam i naytorongan nonta padto et etongpal.

San Juan 14:16

Ikowan ko son Amak ey pan‐iyan to ali sota Ispirito Santo to son si‐kayo, jet si‐katoy ontolong son si‐kayo ingkatod ingka, ja si‐katoy mengiredan son si‐kayo shi podno. Saja tood ja dobong ja eg emati son si‐kak, eg mebedin na man‐iyan son si‐kara i Ispirito Santo nen Apo Shiyos, ta eg sha am‐amta, tan eg sha indasin. Nem si‐kayo, amtayo mango, ta ẃara son si‐kayo ja man‐iyan ni olay.

San Juan 14:25

“Inkowan ko la iyay son si‐kayo, ta ẃara‐ak pay laeng nin son si‐kayo.

San Juan 15:26

Sota Ispirito Santo ja mandepo so nen Amak, si‐katoy ontolong son si‐kayo say eẃatan joy podno. Ibetkag ko di ja man‐iyan son si‐kayo, jet si‐kato met laeng i mengipaneknek ni maypangkep son si‐kak.

San Juan 16:7

Ikowan ko son si‐kayoy podno: sota pengilekjas ko son si‐kayo ni i‐olik so nen Amak, panmaptengan jo. Ta no ekak ondaw, sota Ispirito Santo nen Amak, ja ontolong son si‐kayo, eg ngo ali ondaw ja man‐iyan son si‐kayo. Nem no on‐oli‐ak so nen Amak, sota Ispirito Santo to, ibetkag ko ali ja man‐iyan son si‐kayo.

San Juan 2:22

Isonga nonta inpan‐ongal nen Jesus nonta maykatdon akew ni inkatey to, ninemnem nonta ira too to sotan na inkowan to, jet sajay i kabol la pinati‐an sha so ni emin na inpasodat nen Apo Shiyos nonta bayag da, tan sota emin na inkowan nen Jesus.)

San Juan 20:22

Sajay i inkowan nen Jesus, asan toka ira si‐boka, ja kowan to ey, “Awat joy Ispirito Santo.

San Juan 6:45

Jet angken nonta bayag da, ẃaray naysolat ja inkowan ira nonta para padto, ja kowan sha ey, ‘Emin na too, tod‐an ira nen Apo Shiyos.’ Sajay i inkowan ni para padto, jet sota metod‐an tan mengitneng son Amak, si‐karay ondaw ali ja memati son si‐kak.

San Juan 7:39

(Sajay ya inkowan nen Jesus, piyan ton ikowan ey si‐katoy kedepo‐an nonta Ispirito Santo nen Apo Shiyos ja eẃaten ira di nonta memati son si‐kato. Nem aneng nin, ta mesepol la metey si Jesus, jet manbiyag mowan. Ondaw pay shi dangit, asan toka i‐eẃat ma sota Ispirito Santo.)

Inpaspasing 1:2

ingkato nonta akew wa indaw to la shi dangit. Nonta aneng nin i idaw to led dangit, inshalan ni Ispirito Santo jet inkowan toy pesing ira nonta pinidi ton too to ja apostol.

Inpaspasing 1:4

Idi nonta esa‐nop ira son si‐kato, inkowan to son si‐kara ey, “Karejo nin idekjas i Jerusalem, no diket seked jo nin sota Ispirito Santo nen Apo Shiyos ja inkari to, ja pan‐iyan to so ni totoo. Inkowan ko met iyay nontan.

Inpaspasing 1:8

Nem iyay i ikowan ko son si‐kayo. Sota Ispirito Santo nen Apo Shiyos, man‐iyan so ni sakey tan sakey son si‐kayo say ẃaray panakabalin jon mengikowan ni maypangkep son si‐kak shi totoo, manshoki shi Jerusalem, Jodia, Samaria, tan shi emin na sakop niya dobong.”

Inpaspasing 11:16

Jet ninemnem ko sota inkowan nen Apo Jesus nontan ja kowan to ey, ‘Shanom bengat i inpamonjag nen Juan, nem say pemonjag nen Apo Shiyos son si‐kayo, Ispirito Santo.’

Inpaspasing 13:2

Jet sajay iren too, nonta pinsak, inbiyang shay pangan sha ta maramen ireka emanshedjaw son Apo Shiyos. Jet inkowan ni Ispirito Santo nen Apo Shiyos son si‐kara ey, “Ilesin jo si Bernabe nen Saulo, ta ẃaray obda ja piyan kon dag‐en sha para son si‐kak.”

Inpaspasing 13:4

Jet si Bernabe nen Saulo, ja inbetkag ni Ispirito Santo, shimalong ira shi Silosia, jet nandogan ired man shi barko ingkatod Cyprus.

Inpaspasing 15:28

Nantatabalan mi sota inba‐ngat nonta edapod jay den inkowan jet singa mapteng so ni Ispirito Santo nen Apo Shiyos, tan kasta met son si‐kami, ey enshiy eshom ma mi ibilin son si‐kayo nem eg saja epateg bengat; eg mikejo piditen na mengonod ni ogadi min emin.

Inpaspasing 15:8

Jet si Apo Shiyos ja maka‐amta ni nemnem ni too, si‐kato met laeng i engipa‐sas son si‐katejo ey ineẃat toy toon aliẃen Hodiyos, ta inpan‐iyan to i Ispirito Santo to son si‐kara, ja inges toy inpasing to son si‐katejo nonta pilmiro.

Inpaspasing 16:6

Istay ondaw si Pablo shi Asiya, nem eg inpalobos ni Ispirito Santo nen Apo Shiyos ja sha ikowan i esel nen Apo Shiyos shiman; isonga nanshalan ira shi Prigia, tan shi Galasia.

Inpaspasing 2:33

Jet niman, ẃared apit ni kanawan nen Apo Shiyos; isonga in‐akan nen Ameto sota Ispirito Santo son si‐kato ja inkari to, jet sajay ya Ispirito Santo iya intenengan jo niman tan inon‐an jo ja in‐awat ngo nen Jesus son si‐kami.

Inpaspasing 2:4

Jet nontan ma, enapno ira ni Ispirito Santo nen Apo Shiyos, jet nan‐esel ira ni ekalkalasin esel ja aliẃen sigod ja esel sha. Nan‐esel ira ni apil ngon esel tep inshalan ira ni Ispirito Santo.

Inpaspasing 20:28

“Isonga niman, si‐kayon pangolo, asas joy bakdang jo shorog, tan asas jo pay sota ira emati son Apo Jesus ja inpiyal ni Ispirito Santo son si‐kayo ja bantayan jo. Singpet joy bantay son si‐kara ta kokowa ira nen Apo Shiyos. Nemnem jo ni olay ey kowinta ey binayshan to ira ni shala nonta Anak to ja imayos shi koros.

Inpaspasing 20:35

Emin iyay, dingkak say ẃaray onoran jon mapteng nga pesing, ta mesepol la man‐obda kiton pasiya, say metodongan i eg maka‐obda. Nemnemnem jo sota kowan nen Apo Jesus, ja kowan to ey, ‘Ebadbadeg i imdeng nonta mengi‐kan ey say sota mengeẃat.’ ”

Inpaspasing 28:25

Jet nontan ma, sajay iren emati tan eg emati, eg ira man‐inawatan, jet indekjas shes Pablo. Nem inkowan nen Pablo nin ey, “Nayto‐to‐ẃa niman sota intorong ni Ispirito Santo nen Apo Shiyos ja inkowan ni para padto ja si Isaias so nonta ira ammayo da, ja kowan to ey,

Inpaspasing 5:3

Nem si Pedro, kowan to son Ananias ey, “Ananias, apay nga intolok mo ja si Satanas i engitoshay son si‐kam? Nakol ni nan‐o‐owap ka so ni Ispirito Santo nen Apo Shiyos. Isonga intalom i eshom ma dako nonta bo‐day.

Inpaspasing 7:51

Jet si Esteban, intoloy to ja kowan to so ira nonta esa‐nop pa toray ni Hodiyos ey, “Epalado kayo, etangken i toktok jo! En‐asneng jon itenengan i bilin nen Apo Shiyos! Nay‐inges kayo met laeng so ira nonta appoyo la, ja eg jo kosto ni olay ja ishalan shakejo ni Ispirito Santo!

Inpaspasing 7:55

Nem si Esteban ja inshalan ni Ispirito Santo, timangkak shi dangit jet inon‐an toy emenenilin edapo son Apo Shiyos, tan inon‐an to pay si Jesucristo ja dimayat shi apit ni kanawan nen Apo Shiyos.

I-Roma 14:17

Ta say epateg koma ja nemnemen tayo niman na nayda‐kam kitod pantoshayan nen Apo Shiyos, sota mapteng nga ogadi, sota talna, tan sota imdeng ja medepod Ispirito Santo nen Apo Shiyos; eg kito koma mansosongbat pangkep nonta emengidin ja eg mekan ono ma‐inom.

I-Roma 15:13

Jet say shawat ko son Apo Shiyos ja kedepo‐i ni namnama tayo, sapay koma ta si‐katoy mengi‐kan son si‐kayo ni ebadeg ga imdeng jo, tan talnayo, ni joka pemati son Cristo, jet sota Ispirito Santo nen Apo Shiyos, si‐katoy ontolong son si‐kayo, say asdeg toy koston panshinel jo son Cristo.

I-Roma 15:16

jet naka mansilbi so nen Cristo Jesus niya naka pengitosho so nonta ira aliẃen Hodiyos pangkep son si‐kato. Naka mansilbi ja singa sota parin para akan ni daton; nem say inpasing ko, intorok sota mapteng nga shamag ja edapo so nen Apo Shiyos, say eẃaten nen Apo Shiyos ira sota aliẃen Hodiyos. Jet ineẃat to ira ta singa indaton sha shorog i bakdang sha son si‐kato, ni intolok sha so ey sota Ispirito Santo to i mengitoshong son si‐kara.

I-Roma 5:5

Jet sota tayoka namnama‐a ja tayoka sesseskera, agpayson tongpalen nen Apo Shiyos, ta ebadeg ga pasiyay semek to son si‐katejo. In‐akan nen Apo Shiyos i Ispirito Santo to son si‐katejo, isonga amta tayo ey ebadeg i semek to son si‐katejo.

1 I-Korinto 12:3

Nem niman ma, piyan kon eẃatan jo no ngantoy pesing jon mengilesin no sipay intorong ni Ispirito Santo nen Apo Shiyos. Sota intorong ni Ispirito Santo nen Apo Shiyos, enshiy shaka ikowan ja ngaaw maypangkep so nen Jesus. Jet angken sipa, enshiy mengeẃag son Jesus ey Apo no eg intorong ni Ispirito Santo nen Apo Shiyos.

1 I-Korinto 6:19

Baka et ey dinibkan jo ey say bakdang jo ket, Timplo ni Ispirito Santo ja inpan‐iyan nen Apo Shiyos son si‐kayo. Isonga say bakdang jo, aliẃen kokowayo.

2 I-Korinto 13:14

Jet say shawat ko son Apo Shiyos, sota kaasi nen Apo Jesucristo, tan sota semek nen Apo Shiyos, ja ẃara son si‐kayon emin, sapay koma ta si‐katoy ma‐shoman, tan kasta met sota inpankagait jo ta ẃara sota Ispirito Santo nen Apo Shiyos so ni sakey tan sakey son si‐kayo.

2 I-Korinto 6:6

Jet say mika pesing pay ja mengipa‐sas ey si Apo Shiyos i mika pansilsilbi‐i, poro mapteng i pangkep mi, mika pan‐itoro sota inpa‐amta nen Apo Shiyos son si‐kami, na‐anos kami pay ja mika todongiy kait min too. Mika ipa‐sas ni olay ey sota Ispirito Santo nen Apo Shiyos i emengitoshong son si‐kami, jet ẃaray podnon semek mi shi eshom.

I-Ipiso 1:13

Jet niman, ẃara kayo ngo son si‐kato. Intenengan jo sota podnon esel nen Apo Shiyos, ja engipa‐amta ni kaysedakan jo et emati kayo son Cristo. Jet si Apo Shiyos, in‐awat to sota inkari ton Ispirito Santo say man‐iyan son si‐kayo, ja singa malka to son si‐kayo ja mengipa‐sas ey kokowa shakejo ma.

I-Ipiso 1:17

Jet kowan ko ni shawat ko so nen Apo Shiyos ja Kangeto‐an, ja Ama nen Apo Jesucristo, ey si‐kato komay mengi‐kan ni daing son si‐kayo ja medepo son si‐kato, tan ipa‐amta to pay ya emin i maypangkep ni pamati, say eẃatan jo pay i maypangkep son si‐kato.

I-Ipiso 4:30

Aliẃen kayo mandeka ni ngaaw ja kesekitan ni Ispirito Santo nen Apo Shiyos. Sota Ispirito Santo ja ẃara son si‐kayo, si‐katoy may‐eshig ey malka nen Apo Shiyos son si‐kayo. Si‐katoy ka‐asan to ey kokowa shakejo ma et si‐katoy amta‐an so ey enayen to ali sota inkaysalakan jo.

1 I-Tisalonika 4:8

Jet sota eg memati niyay ya toro, aliẃen na sota toon emengitosho niyay i eg to pinati, no diket si Apo Shiyos, ja engi‐kan son si‐kayo ni Ispirito Santo to.

2 Timoteo 1:14

Sota Ispirito Santo nen Apo Shiyos ja nan‐iyan son si‐katejo, nemnemnem mo ni olay sota epateg ga inpiyal to son si‐kam; karam baybay‐an.

Tito 3:5

ni insalakan tokito so. Jet sajay ya dingka to son si‐katejo, aliẃen sobadit ni kompormin mapteng ja dingdingka tayo, no diket dingka to iyay ta ebadeg i kaasi to son si‐katejo. Inomas toy basol tayo, tan inpan‐iyan to pay sota Ispirito Santo to son si‐katejo; isonga ẃara ma son si‐katejo i badon biyag, ja singa ikay‐anak kito.

Hodiyos 10:15

Jet amta tayo ey agpayso iyay, ta sota Ispirito Santo nen Apo Shiyos, ẃaray intorong ton engisodat nonta esel nen Apo Shiyos, ja kowan to ey,

Hodiyos 2:4

Jet angken si Apo Shiyos, pineneknekan to ey agpayso iyay, nonta inpalobos ton nandaga sota ira too nen Jesus ni kaskasshaaw, tan eshakel la kilasin milagro. Jet ẃara pay i inẃaris to so ni emati ja amta‐an so ni karakdan ey podno sota esel ton emankaitoro, jet sajay ya inẃaris to, kilasin daing, ja osalen nonta nayẃarisan to shi pansigshan ira ni eshom ma emati jet sajay ya inẃaris nen Apo Shiyos, in‐akan ni Ispirito Santo so nonta piyan nen Apo Shiyos ja pengi‐kanan.

Hodiyos 3:7

Isonga mesepol la nemnemen tayo sota inkowan ni Ispirito Santo ey, “Niman, no itenengan jo sota kowan nen Apo Shiyos,

Hodiyos 9:8

Jet sajay, edawag i toro nonta Ispirito Santo nen Apo Shiyos ja kowan to ey nontan da, angken sipen too, eg mebedin na ondaw nodta Kapatkan na dogad nen Apo Shiyos, ta ẃara pay laeng sota sigod ja bilin ja shaka on‐onora.

1 San Pedro 1:12

Nem inpa‐amta nen Apo Shiyos son si‐kara ey eg sha sa‐kopen iyay ya inpadtora, no diket si‐kayon too niman na timpo i mena‐kop. Jet siya, sota mapteng nga shamag maypangkep so nen Jesucristo, inpa‐amta nonta ira emansilbi so nen Apo Shiyos son si‐kayo, ja intorong ni Ispirito Santon inbetkag ali nen Apo Shiyos ja edapod dangit. Kaskasshaaw iyay! Isonga angken sota ira anghil nen Apo Shiyos shi dangit, piyan shen ẃara komay angken ootik ja amta‐en shen maypangkep niyay.

2 San Pedro 1:21

Ta sajay ya toro, aliẃen edapod nemnem ni too bengat, no diket si Apo Shiyos met laeng. Jet sajay, inpa‐amta to so nonta ira para padto nonta bayag da jet si‐karay engisodat, ja intorong nonta Ispirito Santo nen Apo Shiyos.

1 San Juan 2:20

Nem si‐kayo, amtayon mengilesin nonta podno, ta tinod‐an shakejo nonta Ispirito Santo nen Apo Shiyos.

1 San Juan 2:27

Wara pay laeng son si‐kayo sota Ispirito Santo nen Apo Shiyos ja in‐akan nen Cristo, jet si‐katoy emengitosho son si‐kayo ni emin na podno ja enshiy o‐owap to. Isonga angken eg jo itolok ja itod‐an shakejo nonta ira aliẃen kait jod pamati. Sota intoro ngoreshan nonta Ispirito Santo nen Apo Shiyos son si‐kayo, si‐katoy nemnemnemen jo; karekayo mebegnad nodta apil la toro.

1 San Juan 5:7

Isonga ẃaray tedo ja sesakey i kowan sha pangkep son Cristo, jet sajay ira sota tedo: sota Ispirito Santo nen Apo Shiyos, sota shanom, tan sota shala, jet saja tedo, nan‐i‐inges i kowan sha.

San Judas 1:20

Nem si‐kayon ensemek ko, say kowan ko son si‐kayo, pantitinolong kayo say onkedsang i pamatiyo ja in‐awat nen Apo Shiyos. Panshawat kayo ni olay son si‐kato jet i‐onod jo i pesing ni Ispirito Santon mengitoshong son si‐kayo ni joka pansheẃat.

Inpa-Amta Nen Jesucristo 2:11

Isonga singpet jon itenengan iya kowan ni Ispirito Santo nen Apo Shiyos so nonta ira emati. Jet sota ira mengenos ni digat, ja eg ma‐ebak, eg sha da‐kaman i maykadẃen patey.” Sajay day isolat mo para so nonta ira i‐Simirna.