San Juan 14:23 - Dibshon Mengi-kan Ni Pansigshan

²³ Jet si Jesus, simongbat ja kowan to ey, “Sota toon ẃaray semek to son si‐kak, pati‐en to sota ikowan ko son si‐kato, jet si Amak, ensemek to ngo sotan na too. Jet si‐kak tan si Amak, man‐iyan kami son si‐kato.

San Juan 14:23 Iomraidhean Croise

San Juan 10:30

Si‐kamin Amak, saksakey kami.”

San Juan 14:15

“Jet no ensemek jowak, say pati‐en jo, sota bilin ko.

San Juan 14:21

Sota etod‐an ni bilin ko, ja mengonod so, si‐kak i ensemek to, jet sota ẃaray semek to son si‐kak, ensemek ngo nen Amak, jet angken si‐kak, ensemek ko ngo. Jet ẃara pay i pa‐amtak so nontan na too say amta‐en towak ka pasiya.” Kowan nen Jesus.

San Juan 14:24

Sota toon enshiy semek to son si‐kak, eg to pati‐en i naka ikowan. Sota inkowan ko la son si‐kayo, aliẃen edapod nemnem ko, nem eg mismon inkowan nen Amak ja engibetkag alid jay son si‐kak.

San Juan 15:10

No say nemnemnemen jo ket sota inkowan ko la son si‐kayo ja bilin, ẃara ni olay son si‐kayo sota semek ko. Ta si‐kak ngo, naka pati‐a i bilin nen Amak, jet ẃara ni olay son si‐kak sota semek to.

San Juan 16:27

ta si Amak, mismon ensemek tokejo, ta ensemek jowak ngo, tan joka pati‐a ey si‐kak ket edapo‐ak son si‐kato.

San Juan 6:56

Jet sota mengan niya daman ko, tan menginom niya shalak, si‐karay ẃara son si‐kak, jet si‐kak, ẃara‐ak ngo ni olay son si‐kara.

San Juan 8:51

Kinapodpodno iya ikowan ko son si‐kayo. Sota memati niya naka pan‐ikowan, eg sha da‐kaman i patey, no diket ẃaray biyag sha ingkatod ingka.”

San Juan 8:52

Jet sota ira Hodiyos, kowan sha son Jesus ey, “Niman amta mi ma ey agpayson ẃaray dimonyo son si‐kam. Toway inpasing nitan? Si Abraham ket etey met da; angken pay sota ira para padto, etey da ngo ira. Nem si‐kam, say kowan mo, sota memati ni esel mo, eg metey?

2 I-Korinto 6:16

Si‐katejo i may‐eshig ey Timplo nen Apo Shiyos et na‐alas no ikadẃa i Timplo nen Apo Shiyos nodta inemag ni toon sinan shiyos. Ta si Apo Shiyos, ẃared biyag. Isonga ẃara sota naysolat nonta bayag ja esel to, ja kowan to ey, “Panbedin ko ira ja may‐eshig ey baley ko et man‐iyanak son si‐kara say ẃara‐ak ni olay son si‐kara. Jet si‐kak ma i metopog ga Shiyos sha et si‐kara ngo ma i took.”

I-Ipiso 3:17

say si Cristoy nemnemen jo koma ni olay, ni joka pemati son si‐kato. Say shawat ko pay son Apo Shiyos, maynadnad kayo shi pamati ja singa ondamot i semek jo,

1 San Juan 2:24

Jet niman, say pesing jo say eg kayo ma‐eẃis son si‐kara, sajay. Sota toron intenengan jo ngoreshan pangkep son Cristo, sotan komay nemnemnemen jo; karejo sa‐datan. No sajay i pesing jo, ẃara kayo ni olay son Apo Shiyos, tan si Jesus ja Anak to.

1 San Juan 2:5

Nem sota toon ememati ni bilin to, sajay ya too, si‐katoy sigoradon enshiy kolang ni semek to son Apo Shiyos. Isonga say amta‐an tayo so ey ẃara kito son si‐kato, sajay.

1 San Juan 4:4

Nem si‐kayon naka ikarin annak ko, ẃares Apo Shiyos son si‐kayo, isonga inebak jo ira jay; eg kayo na‐awis. Ta si Apo Shiyos ja ẃara son si‐kayo, makedkedsang nem say si Satanas ja ẃara so nonta ira karakdan shiya dobong ja eg emati.

1 San Juan 5:3

Say ka‐asan ni semek tayo son Apo Shiyos, sota pemati tayo ni bilin to. Jet sajay ya bilin to, aliẃen edigat ta mepati,

2 San Juan 1:6

Jet say ka‐asan ni semek tayo son Apo Shiyos, mesepol la pati‐en tayo sota inbilin to. Jet say inbilin to, ja intenengan tayo manipod nonta pilmiro, mesepol la mansinemek kitejo ni olay.

Inpa-Amta Nen Jesucristo 21:22

Nodtan na siyodad, enshiy nak inon‐an na Timplo. Eg mesepol, ta si Apo Shiyos ja Kangeto‐an, tan sota Kalniro, ẃara iren mismo nodtan et si‐karay singa Timplo nodtan.

Inpa-Amta Nen Jesucristo 21:3

Jet nontan, ẃaray intenengan kon makedsang nga esel ja edapod ma empotin tongawan, ja kowan to ey, “Jet niman ma, sota dogad ja pan‐iyanan nen Apo Shiyos, ẃara ma shi kad‐an ni too! Si Apo Shiyos, meki‐iyan son si‐kara et si‐kara may too to; ẃara ma son si‐kara et si‐katoy etopog ga Shiyos sha.

Inpa-Amta Nen Jesucristo 22:3

Jet sota toon engi‐kan ni digat ni totoo nontan da shi dobong, enshi nodtan na siyodad, ta si Apo Shiyos, tan sota Kalniro, ẃara nodtan ja timongaw. Jet sota ira emansilbi son si‐kato, manshedjaw iren mismo son si‐kato.