San Juan 14:14 - Dibshon Mengi-kan Ni Pansigshan

¹⁴ No ẃaray ibaga jo pangkep ni joka pengi‐edagey son si‐kak, i‐akan ko.

San Juan 14:14 Iomraidhean Croise

San Juan 14:13

No ngarantoy sheẃaten jo son Amak pangkep ni joka pengi‐edagey son si‐kak, i‐akan ko son si‐kayo, say si Amak i mayshedjaw.

San Juan 14:16

Ikowan ko son Amak ey pan‐iyan to ali sota Ispirito Santo to son si‐kayo, jet si‐katoy ontolong son si‐kayo ingkatod ingka, ja si‐katoy mengiredan son si‐kayo shi podno. Saja tood ja dobong ja eg emati son si‐kak, eg mebedin na man‐iyan son si‐kara i Ispirito Santo nen Apo Shiyos, ta eg sha am‐amta, tan eg sha indasin. Nem si‐kayo, amtayo mango, ta ẃara son si‐kayo ja man‐iyan ni olay.

San Juan 15:16

Aliẃen si‐kayoy emili son si‐kak ja maistoro jo, nem si‐kak i emili son si‐kayo. Jet ibetkag takejo so ni totoo ja en mengikowan ni maypangkep son si‐kak, jet sota dag‐en jo, ebadeg i panbenagan to, ja eg mepokaw. Jet no ngantoy sheẃaten jo son Amak, pangkep ni joka pengi‐edagey son si‐kak, i‐akan to son si‐kayo.

San Juan 16:23

No onsabi sotan alin akew, aliẃen si‐kak may pansheẃatan jo, no diket si Amak. Jet no ẃaray sheẃaten jo son si‐kato, pangkep ni joka pengi‐edagey son si‐kak, i‐akan to son si‐kayo.

San Juan 16:24

Enshi pay nin i jo shineẃat son si‐kato ni pangkep ni sajay. Panshawat kayo niman son si‐kato, jet i‐akan to son si‐kayo i sheẃaten jo, say mepno kayo ni imdeng.

1 I-Korinto 1:4

Naka man‐iyaman ni olay son Apo Shiyos, ta ebadeg i kaasi to son si‐kayo, niman na ẃara kayo ma so nen Cristo Jesus. Jet kabol nonta kaasi nen Apo Shiyos son si‐kayo, eshakel may mebedin na dag‐en jo. Isonga mebedin men eẃatan jo i toro nen Jesus, tan mebedin pay ja itoro jod eshom.