San Juan 13:8 - Dibshon Mengi-kan Ni Pansigshan

⁸ Si Pedro, kowan to ey, “Ekak itolok ja odsan moy sedik.” Jet si Jesus, kowan to ey, “No ekak odsan i sedim, enshi may biyang mo son si‐kak.”

San Juan 13:8 Iomraidhean Croise

San Mateo 16:22

Jet nontan ma, si Pedro, to indasin si Jesus et sinelkag to ja kowan to ey, “Enshi! Eg medeka itan son si‐kam Apo! Eg itolok nen Apo Shiyos!”

San Mateo 21:29

Nem sotan na anak to, kowan to ey, ‘Ensikshalak.’ Nem idi nannemnemnem, dimaw met laeng ja en nan‐obda.

San Mateo 26:33

Nem si Pedro, kowan to ey, “Angken ibaing shaka ni emin na kait ko, eg taka mango ibaing.”

San Mateo 26:35

Nem si Pedro, kowan to ey, “Angken na pekibono sha‐ak son si‐kam, ekak ikowan ey eg taka am‐amta!” Jet sota ira kait to, sotan ngoy inonoran shen inkowan.

San Juan 13:6

Idi onsabi so nen Simon Pedro, kowan nen Pedro ey, “Apo, apay, odsan mo ngoy sedik?”

San Juan 13:9

Jet si Simon Pedro, timolok ja kowan to ey, “No kasta Apo, aliẃen saja sedik bengat i odsan mo, no diket pati saja takday ko, tan saja toktok ko.”

San Juan 3:5

Si Jesus simongbat, ja kowan to ey, “Kinapodpodno iya ikowan ko son si‐kam. Angken sipa, eg mebedin na mayda‐kam shi pantoshayan nen Apo Shiyos, no eg may‐enak mowan, ta say kedepo‐i niya biyag, shanom tan Ispirito Santo nen Apo Shiyos.

Inpaspasing 22:16

Jet niman, enshiy eshom ma mo seskeshen. Dayat ka et panpabonjag ka. Sota basol mo, mepekawanan no si Jesucristo i panshindan mo.’ Sajay i inkowan nen Ananias son si‐kak.

1 I-Korinto 6:11

Waray eshom nontan da son si‐kayo ja inges niyay i aramid to. Nem niman ma, ta emati kayo son Apo Jesucristo, tan ẃara sota Ispirito Santo nen Apo Shiyos son si‐kayo, epakaẃanan ira jay den aramid jet may‐eshig ey edinis kayo ma. Too kayo ma nen Apo Shiyos, ja para mansilbi son si‐kato, jet si Apo Shiyos, kinosto‐an tokejo ngo.

I-Ipiso 5:26

Sajay i dingka nen Jesus, say sota emati son si‐kato, ẃara ma ira so nen Apo Shiyos. Jet nonta ineẃat to ira, dininisan to ira ni basol sha nonta esel to met laeng, tan singa dininisan to pay ira ni shanom nonta inkabonjag sha.

I-Kolosas 2:18

Isonga karejo pati‐en sota kowan ni eshom ma too ey eg kayo mebedin na maysedakan no eg kayo mankombaba ja manshedjaw so nonta ira anghil. Sajay iren too, kowan sha ey ẃaray inpa‐amta nen Apo Shiyos son si‐kara, nem karejo kari pati‐en. Sajay, dastog sha bengat, ey enshiy kabol, ta saja kowan sha, edapo bengat shi nemnem sha; aliẃen edapo son Apo Shiyos.

I-Kolosas 2:23

Sajay ya toro sha, singa mapteng ta emengi‐kan ni pankombaba‐an, tan kowan sha ey mapteng i itoled tayo so ni digat, tan singa mapteng ira tep masi‐met iren mengiredjaw, nem enshiy silbi to tep sota on‐onod so, ka‐onong sota ngaaw wa nemnem sha.

Tito 3:5

ni insalakan tokito so. Jet sajay ya dingka to son si‐katejo, aliẃen sobadit ni kompormin mapteng ja dingdingka tayo, no diket dingka to iyay ta ebadeg i kaasi to son si‐katejo. Inomas toy basol tayo, tan inpan‐iyan to pay sota Ispirito Santo to son si‐katejo; isonga ẃara ma son si‐katejo i badon biyag, ja singa ikay‐anak kito.

Hodiyos 10:22

Isonga niman ma, manshinel kito komen on‐esop so nen Apo Shiyos, ta singa edinisan i nemnem tayo et mapteng ma, jet singa na‐odsan kito pay ni inpanbonjag tayo. Isonga niman ma, no on‐esop kito son Apo Shiyos ja manshedjaw son si‐kato, enshi koma i showashowa tayo, ja makedsang tan podno i pamati tayo son si‐kato.

Inpa-Amta Nen Jesucristo 7:14

Simongbatak ja kowan ko ey, “Apo, ekak amta. Isonga ikowan mo son si‐kak.” Jet kowan to son si‐kak ey, “Sajay iray nansilbi son Apo Shiyos ja enganos nonta ebadeg ga digat ja marama niman. Empoti ma niman i baro sha tep inbel‐ak sha nodta shala ni Kalniro.