San Juan 13:29 - Dibshon Mengi-kan Ni Pansigshan

²⁹ Say ẃared nemnem ni eshom, kowan sha ey inbetkag nen Jesus si Judas ja en menongkal ni mesepol sha ta timpo ni piyasta, ono inbetkag to ja en mengi‐kan ni pilak so nonta ira nankebiteg. Ta si Judas i para egshi nonta pilak sha.

San Juan 13:29 Iomraidhean Croise

San Juan 13:1

Shanshani ja manshoki sota piyasta ni Hodiyos ja kowan sha ey Paskowa, jet si Jesus, amta to ey sotan may timpo ja idekjasan to so niya dobong, ja on‐oli ma so nen Ameto shi dangit. Nontan na timpo i pengipa‐sas to ey enshiy kolang ni semek to so ni totoo ton ẃared ja dobong, ta sigod ja ensemek to ngoreshan ira.

San Juan 13:28

Jet sota eshom ma apostol nen Jesus, ja nandilikob, eg sha ineẃatan iya inkowan nen Jesus so nen Judas.

I-Galasia 2:10

jet nontan ma, say inbilin sha son si‐kami bengat, kowan sha ey eg mi koma dibkan sota ira Hodiyos sa enshiy mebedin to, no diket mengi‐kan kami ni alos ja para son si‐kara. Nem si‐kato met laeng i ẃared nemnem ko ja naka dagdag‐a ni olay.

I-Ipiso 4:28

No ẃaray makibot ja naykait son si‐kayo, ibi‐jag to komen mengibot. Man‐obda et koma ni kosto say makatolong so nonta ira makasapol ni tolong.