San Juan 13:18 - Dibshon Mengi-kan Ni Pansigshan

¹⁸ “Sajay ya naka pan‐ikowan, aliẃen na para son si‐kayon emin, ta amtak i itsora jon apostol ko ja pinidik. Nem mesepol la metongpal sota padto nonta bayag da ja naysolat ja kowan to ey, ‘Sota pinekan ko, si‐kato et ngo mowan i nanbalin na makakontra son si‐kak.’

San Juan 13:18 Iomraidhean Croise

San Mateo 10:36

Jet say ẃa‐ẃa‐sha ja mengontra so ni too, sota ẃara met laeng nodta pamilja to.

San Mateo 26:21

Idi maramen ireka emengan, kowan nen Jesus ey, “Agpayso iya ikowan ko son si‐kayo. Waray sakey son si‐kayo ja mengibaag son si‐kak so nonta ira makakontra son si‐kak!”

San Mateo 26:23

Simongbat si Jesus ja kowan to ey, “Sota nay‐okob son si‐kak shi sakey ya pingkan, si‐katoy mengibaag son si‐kak.

San Marcos 14:17

Idi mama‐shem mala, si Jesus tan sota sampolo tan showen apostol to, dimaw iren mengan nodtan.

San Marcos 14:18

Jet idi maramen ireka mengan, kowan nen Jesus ey, “Agpayso iya ikowan ko son si‐kayo. Waray sakey son si‐kayon ekilikob son si‐kak niman ja mengibaag son si‐kak so nonta ira makakontra son si‐kak!”

San Marcos 14:20

Simongbat si Jesus ja kowan to ey, “Say ondaga niyay, agpayso ey sakey son si‐kayon sawal ni showa. Sota nay‐okob son si‐kak shi sakey ya pingkan, si‐kato sotan.

San Lucas 22:21

Jet intoloy ton kowan to ey, “Nem niman, ẃaren ekilikob son si‐katejo sota mengibaag son si‐kak so nonta ira makakontra son si‐kak!

San Juan 13:21

Idi enaksheng nga inkowan nen Jesus iyay, naykel‐eẃan et kowan to so nonta ira apostol to ey, “Kinapodpodno iya ikowan ko son si‐kayo. Waray sakey son si‐kayo ja si‐katoy mengibaag son si‐kak so nonta ira toon makakontra son si‐kak.”

San Juan 13:22

Jet sota apostol to, nansisini‐ning bengat ira, ta eg sha amta no sipa sotan na too ja toka pan‐ikowan son si‐kara.

San Juan 13:26

Jet si Jesus, simongbat ja kowan to ey, “Sota pengi‐kanan ko nonta tinapay ya i‐eneng ko, si‐kato sotan na too.” Jet si Jesus, engala ni tinapay jet in‐eneng to, asan toka i‐kan so nen Judas Iskariote.

San Juan 15:16

Aliẃen si‐kayoy emili son si‐kak ja maistoro jo, nem si‐kak i emili son si‐kayo. Jet ibetkag takejo so ni totoo ja en mengikowan ni maypangkep son si‐kak, jet sota dag‐en jo, ebadeg i panbenagan to, ja eg mepokaw. Jet no ngantoy sheẃaten jo son Amak, pangkep ni joka pengi‐edagey son si‐kak, i‐akan to son si‐kayo.

San Juan 15:19

No si‐kayo ket inges jo ira ja tood ja dobong ja eg emati, istay ensemek shakejo koma. Nem si‐kayo, aliẃen inges jo ira, ta pinidi takejo ja maydesin son si‐kara; isonga en‐oges shakejo.

San Juan 15:25

Nem sajay i ketongpalan nonta naysolat shi dinteg sha, ja kowan to ey, ‘Kinontra sha‐ak ey enshiy kabol.’

San Juan 17:12

Nonta ẃara‐ak son si‐kara, inajowanan ko ira iya in‐awat mo son si‐kak, jet inosal koy panakabalin mo. Ekak ira in‐oway, jet enshiy en epokaw son si‐kara, malaksig bengat sota sakey ya si Judas. Sajay ya too, kenshat ta epokaw, ta mesepol la metongpal sota naysolat ja esel mo nonta bayag da.

San Juan 18:32

(Sajay i ketongpalan nonta inkowan met laeng nen Jesus pangkep son si‐kato shorog ey say itsora ni ketey to ket maydansed koros.)

San Juan 19:24

Jet sota ira solsharo, nantatabalan sha ey eg sha pi‐pi‐katen, no diket manbibinonot ira, no sipay ontompong so. Jet sajay ya inpasing sha, sajay i tongpal nonta naysolat ja kowan to ey, “Sota barok, bingbingayen sha, tan sota dopot ja naka ita‐kep, panbibinonotan sha.”

San Juan 19:36

Eg kinetdo ira nonta solsharo i sedi nen Jesus, ta naypadto nonta bayag da ey angken sakey ya pokel to ket enshiy en ma‐an‐ano.

San Juan 21:17

Jet nonta maykepintedo, kowan nen Jesus mowan so nen Pedro ey, “Simon, ja anak nen Juan, ẃaray semek mo son si‐kak?” Si Pedro, nandaringit ma, ta emintedo ja inbaga nen Jesus iyay son si‐kato, jet si Pedro, simongbat ja kowan to ey, “Apo, amtam ma emin, angken nganto. Amtam ey ensemek taka.” Jet si Jesus, kowan to ma son Pedro ey, “Ajowanim sota ira emati son si‐kak ta si‐kara, may‐eshig ey singa kalnirok.

San Juan 6:70

Jet si Jesus, simongbat ja kowan to ey, “Say pinidik, sampolo tan showa, nem ẃaray sakey son si‐kayo ja dimonyo.”

Inpaspasing 1:16

ja kowan to ey, “A‐akik shi pamati, sota insolat nen Ari David nonta bayag da ja inshalan ni Ispirito Santo nen Apo Shiyos, etongpal da nonta inpangdo nen Judas Iskariote sota ira makakontra son Jesus ni in‐eshel sha so. Jet sajay ya si Judas i istay sakey son si‐kamin pinidi nen Jesus ja meki‐obda son si‐kamin apostol to nontan. Sajay i edaga ta mesepol la metongpal sota naypadto.

Inpaspasing 1:2

ingkato nonta akew wa indaw to la shi dangit. Nonta aneng nin i idaw to led dangit, inshalan ni Ispirito Santo jet inkowan toy pesing ira nonta pinidi ton too to ja apostol.

2 I-Korinto 4:5

si‐katoy etopog ga mika pan‐itoro; aliẃen sota maypangkep ni bakdang mi. Mika ikowan ey si Jesucristo, Apo tayon emin. Jet say mika ikowan bengat pangkep ni bakdang mi shorog, kowan mi ey inbaba miy bakdang min mandeka ni pansigshan jo, ta ensemek mis Jesus.

Hodiyos 4:13

Isonga angken nganton palsowa, eg mebedin na i‐emotan to si Apo Shiyos. Singa dabos ira, ta toka asa i emin, angken nganto ja shaka dagdag‐a, jet no ngantoy dingkara, si‐katoy songbatan sha di son si‐kato.

Inpa-Amta Nen Jesucristo 2:23

Tan angken sota ira annak to, shosa‐en ko, et metey ira. Sajay i dag‐en ko say sota emin na emati son si‐kak, amta‐en sha ey si‐kak ket amtak i emin na ẃared nemnem tan poso ni too, tan say amta‐en sha ey si‐kak i onsobadit ni dingka ni sanseskey son si‐kayo.