San Juan 13:17 - Dibshon Mengi-kan Ni Pansigshan

¹⁷ Niman, amtayo ma ira ja inkowan ko la, jet si‐kato komay onoran jo ja dag‐en. Jet say panbenagan to, man‐imdeng kayo.

San Juan 13:17 Iomraidhean Croise

San Mateo 12:50

Tep say naka ikarin innak, tan a‐akik, sota ira mandeka ni piyan nen Amak ja ẃared dangit.”

San Lucas 11:28

Nem kowan nen Jesus ey, “Ebadbadeg i bindisiyon pay nen Apo Shiyos so nonta ira mengitneng ni esel to tan memati ni kowan to!”

San Juan 15:14

Jet niman ma, si‐kayoy kagajem ko, no sota ikowan ko ket si‐katoy pati‐en jo.

I-Roma 2:13

Sotan i pesing nen Apo Shiyos, ta aliẃen sota mengitneng bengat ni bilin to i kosto‐an nen Apo Shiyos so ni too, no diket sota on‐onod ja tongpalen to sota bilin, sotan i kosto‐an nen Apo Shiyos.

I-Galasia 5:6

Jet no memati kito son Cristo, say epateg bengat ja nemnemen tayo, sota pamati son si‐kato. Ta sotan na pamati, si‐katoy kedepo‐i ni semek. No sota maypangkep ni pengonod nonta bilin ni Hodiyos, enshiy to naykamitan shi pamati son Cristo.

Santiago 1:25

Nem sota toon toka singsingpeta i tongpal nonta bilin nen Apo Shiyos ja emengi‐kan ni panmaptengan to, si Apo Shiyos i onbindisiyon so nontan na too shi emin na dag‐en to, tep si‐kato ket aliẃen emantettetneng bengat, no diket toka pati‐a tan toka dag‐a pay i kowan nontan na bilin.

Santiago 4:17

Siya, intod‐an takejo ni kosto maypangkep niyay, jet no amtayoy koston dag‐en jo, nem eg jo met onoren, onbasol kayo.

Inpa-Amta Nen Jesucristo 22:14

Si Apo Shiyos bindisiyonan to sota ira may‐eshig ey mengibel‐ak ni baro sha, tep si‐karay ẃaray nebeng shen mayda‐kam ja mengan nonta dames nonta kadasan ja emengi‐kan ni biyag. Jet si‐kara bengat i maypedobos ja onsekep nodta siyodad.