San Juan 13:11 - Dibshon Mengi-kan Ni Pansigshan

¹¹ (Ta amta ton sigod no sipa nodta too to sota mengibaag son si‐kato so nonta ira toon makakontra son si‐kato; isonga inkowan to ey ẃaray sakey so nodta too to i aliẃen edinis.)

San Juan 13:11 Iomraidhean Croise

San Juan 13:18

“Sajay ya naka pan‐ikowan, aliẃen na para son si‐kayon emin, ta amtak i itsora jon apostol ko ja pinidik. Nem mesepol la metongpal sota padto nonta bayag da ja naysolat ja kowan to ey, ‘Sota pinekan ko, si‐kato et ngo mowan i nanbalin na makakontra son si‐kak.’

San Juan 13:2

Jet si Satanas, inpannemnem tos Judas Iskariote ja anak nen Simon, ey to ibaag si Jesus so nonta makakontra son si‐kato. Nem si Jesus, amta to ey in‐akan nen Ameton emin i panakabalin son si‐kato. Tan amta to ey say edapo‐an to shorog ket si Apo Shiyos, jet si Apo Shiyos met laeng i odi‐an to. Isonga nonta mama‐shem ja nandilikob ira sota apostol ton emengan, pati si‐kato,

San Juan 13:21

Idi enaksheng nga inkowan nen Jesus iyay, naykel‐eẃan et kowan to so nonta ira apostol to ey, “Kinapodpodno iya ikowan ko son si‐kayo. Waray sakey son si‐kayo ja si‐katoy mengibaag son si‐kak so nonta ira toon makakontra son si‐kak.”

San Juan 13:26

Jet si Jesus, simongbat ja kowan to ey, “Sota pengi‐kanan ko nonta tinapay ya i‐eneng ko, si‐kato sotan na too.” Jet si Jesus, engala ni tinapay jet in‐eneng to, asan toka i‐kan so nen Judas Iskariote.

San Juan 17:12

Nonta ẃara‐ak son si‐kara, inajowanan ko ira iya in‐awat mo son si‐kak, jet inosal koy panakabalin mo. Ekak ira in‐oway, jet enshiy en epokaw son si‐kara, malaksig bengat sota sakey ya si Judas. Sajay ya too, kenshat ta epokaw, ta mesepol la metongpal sota naysolat ja esel mo nonta bayag da.

San Juan 18:4

Si Jesus, amta ton sigod i mepesamak son si‐kato; isonga to inaspol ira jay ya totoo, jet kowan to son si‐kara ey, “Sipay joka pan‐enapa?”

San Juan 2:25

ta amta ton emin i itsora ni too, jet eg mesepol la ẃaray mengikowan son si‐kato ni maypangkep ni too, ta amta to i ẃared nemnem sha.