San Juan 12:42 - Dibshon Mengi-kan Ni Pansigshan

⁴² Nem eshakel met laeng iray toray ja emati son Jesus, nem sajay iren emati, eg sha ipa‐sas ey emati ira, ta entakot sha iray Parisiyo ey a‐kalen sha ira shima sa‐nopan ni Hodiyos, ja eg ma ira mebedin na mekisa‐sa‐nop.

San Juan 12:42 Iomraidhean Croise

San Mateo 10:32

“Sota toon mengikowan so ni kait ton too ey si‐kato ket took, ikowan ko ngo son Amak shi dangit ey sotan na too ket took ka emepiyal.

San Lucas 12:8

“Iyay pay i ikowan ko son si‐kayo. Sota toon mengikowan so ni too ey ẃara son si‐kak, si‐kak ja kowan sha ey Anak ni Too, ikowan ko ngo shi sango‐an ira ni anghil nen Apo Shiyos shi dangit ey sotan na too ket took ka emepiyal.

San Lucas 23:13

Idi mimotok ira shi kad‐an nen Pilato, sina‐nop to iray apo ni papashi, tan sota eshom iren toray ni ili, tan sota karakdan na totoo,

San Lucas 6:22

Mebindisiyonan kayo no okesen shakejo ono eg sha ikarin kait shakejo, ono bebaingan shakejo, ono ikowan sha ey ngaaw kayo tep too takejo.

San Juan 11:45

Sota ira Hodiyos ja bisita nen Marta nen Maria, inon‐an sha sota inpasing nen Jesus ja emiyag son Lazaro, isonga eshakel son si‐karay emati son Jesus.

San Juan 12:11

ta eshakel iray Hodiyos ja emati son Jesus nonta inon‐an sha ja inpanbiyag to si Lazaro, jet eshakel malay eg memati so nonta ira papashi.

San Juan 16:2

Ta a‐kalen shakejo pay shima dogad ja sa‐nopan ni Hodiyos, ja eg shakejo ma ipalobos ja mekisa‐sa‐nop son si‐kara. Aliẃen sotan bengat: sota pay ira memono son si‐kayo, say ẃared nemnem sha, kowan sha ey sotan na dag‐en sha, aliẃen basol, no diket shaka pandag‐a ja para son Apo Shiyos.

San Juan 19:38

Idi naksheng ma ja dingka ira nonta solsharo son Jesus iyay, si Jose ja i‐Arimatia, dimaw ngo so nen Pilato, jet to inbag‐an no mebedin na a‐den toy bakdang nen Jesus nodta koros. Jet intolok nen Pilato. Jet si Jose, impas to sota bakdang nen Jesus shi koros. Sajay ya too, emati son Jesus, nem eg to ipa‐sas so nonta ira toray ni Hodiyos i inpamati to, ta entakot to ira.

San Juan 3:2

Sajay ya too, dimaw son Jesus ni edabi, jet kowan to ey, “Maistoro, si‐kam, amta mi ey inbetkag token Apo Shiyos ja menosho son si‐kami, ta angken sipa, enshiy ondaga so nonta dingkam ma kaskasshaaw, no enshis Apo Shiyos son si‐kato.”

San Juan 7:13

Nem sajay iren too, eg sha inkowan shi karakdan i maypangkep son Jesus, tep entakot ira so nonta pangolo ni Hodiyos.

San Juan 7:31

Nem sota eshakel la too, ẃara ngoy eshakel la emati so nen Jesus, jet say kowan sha, “Enshiy eshom ma toon tayoka sesseskesha ja ibetkag ali nen Apo Shiyos. Si‐kato iyay ya too, ta no bilang ey ẃaray ondaw ali ja eshom, eg to ingesen i dingdingka niyay ya too.”

San Juan 9:22

(Sajay i insongbat sha, ta entakot ira so nonta pangolo ni Hodiyos, ta say nantotodagan ira nonta pangolo ni Hodiyos, kowan sha ey no sipay too ja mengikowan ey si Jesus sota naypadton mengisedakan ja ibetkag ali nen Apo Shiyos, a‐kalen sha shima sa‐nopan ira ni Hodiyos ja eg ma mebedin na mekisa‐sa‐nop son si‐kara.

San Juan 9:34

Jet sota ira pangolo ni Hodiyos, kowan sha ey, “Sesi‐kam, kowan mo ey tod‐an mokamin maka‐amta ni dinteg, ey inba‐deg may basol!” Idi enaksheng iyay ya inkowan sha, ingkal sha nodta sa‐nopan ja kowan sha ey eg ma mekisa‐sa‐nop.

Inpaspasing 5:41

Jet sota ira apostol, indekjas sha ira sota esa‐nop pa toray ja ireka eman‐imdeng nga pasiya tep si Jesus i kabol ni ebebaingan sha. Ninemnem sha ey sajay i ka‐asan to ey kinosto‐an ira nen Apo Shiyos.

I-Roma 10:10

Ta no mismon si Cristoy ẃared nemnem mo ja pinatim, kosto‐an toka nen Apo Shiyos; jet no mismon pa‐amtam ngo shi eshom i inpamatim, maysedakan ka.

1 San Juan 4:15

Jet no sipay toon ememati ey si Jesus ket Anak nen Apo Shiyos, si‐karay kawad‐an nen Apo Shiyos, tan ẃara ngo ira son si‐kato.

1 San Juan 4:2

Nem sajay i amta‐an jo so no agpayson ẃara sota Ispirito Santo nen Apo Shiyos son si‐kara ono ayshi: sota ira mengitosho ey si Jesus, si‐kato sota inbetkag ali nen Apo Shiyos, ja nay‐anak ja too, si‐karay podnoy toro sha, ja ẃaray Ispirito Santo nen Apo Shiyos son si‐kara.