San Juan 12:29 - Dibshon Mengi-kan Ni Pansigshan

²⁹ Jet sota eshom ma totoon nay‐esop son Jesus, kowan sha ey kimirol, nem sota eshom, kowan sha ey, “Waray inkowan ni anghil son Jesus.”

San Juan 12:29 Iomraidhean Croise

Inpaspasing 9:7

Sota inodop nen Saulo, kimeneng iren dimayat, ja nasdengan, ta intenengan sha sota esel, nem enshiy sha inon‐an na too.

Inpa-Amta Nen Jesucristo 11:19

Jet sota Timplo nen Apo Shiyos shi dangit, edo‐katan et sota kakon ja naytalo‐an nonta naysolat ta bilin ton nay‐awat son Moises, ma‐sas ja ẃara nodta Timplo. Jet nontan ma, ẃara iray makedsang nga bagidat, tan makedsang nga oni ni kirol, tan jegjeg, tan nandanti pay ni kakambaleg.

Inpa-Amta Nen Jesucristo 14:2

Jet ẃaray intenengan kon esel ja edapod dangit ja singa bongog ni eshakel la shanom, tan singa makedsang nga kirol. Nem sotan na intenengan ko, singa mosiko met laeng ja janget ni kalshang.

Inpa-Amta Nen Jesucristo 6:1

Nontan met laeng, inon‐an ko sota Kalniro ja inokas to sota sakey ya bedbed nonta ekopikop pa papil et nontan, sota sakey so nonta ira epat ta palsowa, imesel ja singa kirol i kedsang to, ja kowan to ey, “Kala!”

Inpa-Amta Nen Jesucristo 8:5

Jet sota anghil, inda to sota kepemooli ni insinso et pinno to ni apoy ya edapo nodta altar asan toka ikespig shi dobong. Jet nontan, ẃaray intenengan kon makedsang nga kirol, tan bongog, jet ẃara pay i bagidat tan jegjeg.