San Juan 12:25 - Dibshon Mengi-kan Ni Pansigshan

²⁵ Sota toon toka kaẃani i biyag to, mepokaw et ngo mowan; nem sota toon eg to kaẃanan i biyag to shiya dobong pangkep son si‐kak, meẃad‐an ni biyag ja enshiy to engintegan.

San Juan 12:25 Iomraidhean Croise

San Mateo 10:39

Sota mengaẃan ni biyag to, mepokaw son si‐kato et ngo mowan. Nem sota mepokaw i biyag to maypangkep son si‐kak, odi‐en to met laeng sotan na biyag to ingkatod ingka.

San Mateo 16:25

Sota toon entapi toy biyag to ja kowan to ey ensikshal la metey maypangkep son si‐kak, si‐kato et ngo mowan i mepokaw i biyag to. Nem sota toon eg to kaẃanan i bakdang to maypangkep son si‐kak ja angken metey ni toka pansilbi, si‐kato et ngo mowan i i‐aknan nen Apo Shiyos ni biyag ja enshiy to engintegan.

San Mateo 19:29

Jet ikowan ko son si‐kayo, no sipay engilekjas ni baley to, a‐aki to, annak to, bo‐day to, ono sota maka‐anak son si‐kato, kabol ni inpamati to ni bilin ko, ebadbadeg ga pasiyay eẃaten to ja angken mansandasos, tan kon‐oren to pay i biyag ja enshiy to engintegan.

San Marcos 8:35

Sota toon entapi toy biyag to ja kowan to ey ensikshal la metey maypangkep son si‐kak, si‐kato et ngo mowan i mepokaw i biyag to. Nem sota toon eg to kaẃanan i bakdang to maypangkep son si‐kak, ono sota mapteng nga shamag ja maypangkep son si‐kak, si‐kato et ngo mowan i i‐aknan nen Apo Shiyos ni biyag ja enshiy to engintegan.

San Lucas 14:26

“Sota toon ondaw ali ja kowan to ey manbedin ni took, mesepol la si‐kak i ẃa‐ẃa‐shen patkan to, ja aliẃen si ameto, ineto, aseẃa to, annak to, a‐aki to, ono sota bakdang to shorog. No sota eshom i ẃa‐ẃa‐shen patkan to, eg maykeshin took.

San Lucas 17:33

Sota toon entapi toy biyag to ja kowan to ey ensikshal la metey, si‐kato et ngo mowan i mepokaw i biyag to. Nem sota toon itolok toy bakdang ton metey, odi‐en to met laeng sotan na biyag to ingkatod ingka.

Inpaspasing 20:24

Nem si‐kak, say biyag ko, ekak ibilang ey epateg ono ebanol son si‐kak. Say ẃared nemnem ko, piyan kon meksheng sota obda ja in‐awat nen Apo Jesus son si‐kak ja mengitosho ni mapteng nga shamag pangkep ni kaasi nen Apo Shiyos.

Inpaspasing 21:13

Nem si Pablo, say kowan to et, “Ngantoy joka pannengisi? Joka pansekiti et bengat i nemnem ko. Si‐kak, aliẃen na sota kaybedod ko bengat i emansessesked son si‐kak, no diket esagana‐ak pay ja angken metey shi Jerusalem, pangkep ni naka pansilbi son Apo Jesus.”

Hodiyos 11:35

Jet sota ira bibii, tep emati ira, nanpawil la ebiyag ira sota etey ya partidos sha, jet nay‐oli ira met laeng son si‐kara. Sota ira eshom, eg sha koston mebodos; insikal shay shangkas, ja kowan sha ey angken metey ira ta amtara ey mebiyag met laeng ira di, jet mapmapteng pay sotan na biyag ja maysa‐dat ali.

Inpa-Amta Nen Jesucristo 12:11

Inebak nonta a‐aki tayod pamati si Satanas et say kabol la inebakan sha so, sota shala nonta Kalniro ja imayos nonta inkatey to, tan sota esel nen Apo Shiyos ja inkowan sha. Sajay i edaga ta eg sha tinepi i biyag sha ja angken metey ira.