San Juan 12:21 - Dibshon Mengi-kan Ni Pansigshan

²¹ Jet sajay iren totoo, dimaw ira so nen Felipe ja i‐Bitsaida ja sakop ni Galilia, jet kowan sha ey, “Apo, piyan min asen si Jesus.”

San Juan 12:21 Iomraidhean Croise

San Mateo 11:21

Jet kowan to ey, “Kakaasi kayo di ja toon i‐Korasin, tan si‐kayon tood Bitsaida. Eshakel i dingkak ka milagro shi ili jo jet inon‐an jo, nem eg kayo nanbebawi. No sajay komen milagro ja inpa‐sas ko son si‐kayo ket inon‐an ni tood Tira tan tood Sidon, angken aliẃen too ira nen Apo Shiyos, sigoradon nanbebawi ira nonta mismon inon‐an sha sota milagro, tan ẃara pay i ka‐on‐anan to ey ireka mandeshingit maypangkep ni basol sha.

San Mateo 2:2

Jet sha inbaga ey, “Towa sota nga‐ngen nay‐anak ja ari ali ni Hodiyos? Inon‐an miy inbo‐day nonta talaw shi bedalan et si‐katoy engamta‐an mi so ey nay‐anak. Dimaw kami di say kami manshedjaw so nontan na nay‐anak ka ari.”

San Juan 1:48

Jet si Natanael, inbag‐an tos Jesus ja kowan to ey, “Ita et mangon amtamak?” Si Jesus, simongbat ja kowan to ey, “Nonta ẃara ka pay laeng ja nansirom shi kadasan, ja eg toka pay laeng inodop nen Felipe, inon‐an taka.”

San Juan 6:40

Say piyan pay nen Amak, emin ira sota toon eẃatan toy maypangkep son si‐kak, jet memati, may‐aknan ira ni biyag ja enshiy to engintegan, tan panbiyag ko ira di shi ka‐onoran na akew.” Kowan nen Jesus.