San Juan 11:55 - Dibshon Mengi-kan Ni Pansigshan

⁵⁵ Shanshani ma sota timpo ni piyasta ni Hodiyos ja kowan sha ey Paskowa jet eshakel iray toon dimaw shi Jerusalem ja edapod dogadogad ja nay‐esop shiman, say sha dag‐en sota sigod ja ogadi ni Hodiyos ja shaka dagdag‐a asan ireka makipiyasta.

San Juan 11:55 Iomraidhean Croise

San Mateo 26:1

Idi enaksheng nga inkowan nen Jesus iyay ya emin, ẃaray inkowan to so nonta ira too to, ja kowan to ey,

San Mateo 26:2

“Amtayo, no ondabas i showen akew, medeka sota piyasta tayon Hodiyos ja kowan tayo ey Paskowa, jet si‐kak ja kowan ni para padto ey Anak ni Too, may‐eẃatak so ni toray say maydansa shi koros.”

San Marcos 14:1

Showen akew pay et onsabi sota piyasta ni Hodiyos ja kowan sha ey Paskowa, tan sota piyasten pengan sha ni tinapay ja enshiy daok ton para debag. Jet nontan, nantatabtabal ira sota apo ni papashi ni Hodiyos tan mamaistoro ni dinteg no ngantoy pesing shen memono son Jesus, jet ninemnem sha ey olboren sha kono say ma‐shel et mebono.

San Lucas 22:1

Shanshani nontan sota timpo ni piyasta ni Hodiyos ja kowan sha ey Paskowa.

San Juan 12:1

Waray enem ma akew pay nin asan kesabi sota piyasta ni Hodiyos ja kowan sha ey Paskowa, jet dimaw si Jesus shi Bitania ja nanbaljan nen Lazaro ja istay etey nem inpanbiyag nen Jesus.

San Juan 13:1

Shanshani ja manshoki sota piyasta ni Hodiyos ja kowan sha ey Paskowa, jet si Jesus, amta to ey sotan may timpo ja idekjasan to so niya dobong, ja on‐oli ma so nen Ameto shi dangit. Nontan na timpo i pengipa‐sas to ey enshiy kolang ni semek to so ni totoo ton ẃared ja dobong, ta sigod ja ensemek to ngoreshan ira.

San Juan 18:28

Nonta palbangon ma, indara si Jesus shima baley nen Kaipas, jet indaw sha so nen Gobinarol Pilato shima baley to. Nem sota ira Hodiyos, eg ira simekep shima naydaem ni baley, ta say ninemnem sha, kowan sha ey say eg ira seskigen ni kait shen Hodiyos, ta no onsekep i Hodiyos shi baley ni aliẃen Hodiyos, maypeshit may pekipengan sha nonta naysagana ja mekan no timpo ni piyasta ni Paskowa.

San Juan 2:13

Nontan na timpo, shanshani ma sota piyasta ni Hodiyos ja kowan sha ey Paskowa, jet si Jesus, dimaw shi Jerusalem.

San Juan 2:6

Jet nodtan, ẃaray enem ma salaw ja epat ono dimen daten shanom i ka‐iyana ni sakey. Sajay i shaka pan‐oshasi ni shaka pengonod ni ogadira ja shaka pesing nin asan ireka mangan.

San Juan 5:1

Idi enshiy bayag to, ẃaray piyasta ni Hodiyos, jet si Jesus, dimaw shi Jerusalem.

San Juan 6:4

Nontan na timpo, shanshani ma sota piyasta ni Hodiyos ja kowan sha ey Paskowa.

Inpaspasing 21:24

Kay‐eshom ka so ira niyay ya too. Shanshanin meksheng sota kari sha; say aneng bengat, sota ka‐onoran na ogadin maybidang ey mengkal ni shaka kebedawi, tan sota pengileton sha ni animal son Apo Shiyos. Si‐kam komay onbayad so ni emin na kastos sha, jet no meksheng, mebedin men pekoskos joy toktok jo. No dag‐en mo iyay, si‐kato may amta‐an so ira nonta totoo ey sota shamag pangkep son si‐kam, o‐owap kari, ta asen sha met laeng ey si‐kam ket moka met onora sota sigod ja bilin nen Moises.

Inpaspasing 21:26

Jet siya, inowen nen Pablo sota kowan sha jet inodop to ira sota epat ta too. Nonta eẃa‐ẃa, dingkara sota ka‐onoran na ogadi ja ka‐kalan ni shaka kebedawi. Jet idi naksheng sotan, dimaw ma ira shima Timplo, say sha ipa‐amta no pigan i kepospos ni kari sha, tep sotan i dag‐anan sha so nonta pengileton ni sanseskey son si‐kara ni animal.

Inpaspasing 24:18

Nem idi marama ja naka pandag‐a iyay, say simabi son si‐kak shima Timplo, sota Hodiyos ja edapod Asiya. Naksheng nga dingkak sota ogadi mi say enshiy kebedawan ko shi kait kon Hodiyos, jet nontan na timpo, aliẃa met ta naka manngedawngaw, enshi met i eshakel la kait ko!

1 I-Korinto 11:28

Isonga mesepol la nemnemen nin ni tooy itsora to shorog no toka met laeng patki sotan na penginemneman so nen Apo Jesus, asan mangan niyay ya tinapay tan menginom nonta ẃared tasa.

Santiago 4:8

Si Apo Shiyos komay nemnemnemen jo, jet si‐kato ngoy ẃara son si‐kayo ni olay. Nem mesepol la ibi‐jag jon mandeka ni ngaaw, say onmapteng i nemnem jo, tep sigod ja ẃaray basol jo, tan nanshoway nemnem jo maypangkep son Apo Shiyos.