San Juan 11:52 - Dibshon Mengi-kan Ni Pansigshan

⁵² jet aliẃen si‐kara bengat, no diket angken pay sota ira emin na annak nen Apo Shiyos ja nayẃaris shi intiron dobong, say manseksekey ira ja memati son Jesus.)

San Juan 11:52 Iomraidhean Croise

San Lucas 15:8

“Kaspangarigan mowan ey ẃaray bii ja ẃaray sampolon palata to jet ma‐etiw i sakey, ngantoy pesing to? Eg to aya enapen ja silẃan shima emin na shogo? Si‐si‐an to pay i baley to, jet singpeten toy anap ingkatod sepolen to.

San Lucas 2:32

Si‐katoy may‐eshig ga silew ja ondawag ni toon eg maka‐amta son si‐kam Apo Shiyos, tan si‐katoy mengi‐kan ni kayshedjawan ni toom ja Israel.” Sajay i iyaman nen Simeon.

San Juan 1:12

Nem sota emin na too ja engawat son si‐kato, ono emati son si‐kato, inkowan to ey nebeng shen maybidang ey annak ma nen Apo Shiyos.

San Juan 1:29

Idi nonta eẃa‐ẃa, si Juan, inon‐an tos Jesus ja emandaw son si‐kato, jet kowan to ey, “Sajay sota mengikesho ni basol ni totood dobong ni ketey to di. Si‐katoy may‐eshig ey singa kalniron in‐akan nen Apo Shiyos ja maydeton.

San Juan 10:16

Waray eshom ma kalnirok ja apil i naykoralan sha, jet mesepol la si‐kak met laeng i mengikasakey son si‐kara so nonta sigod ja kalnirok. No itenengan shay esel ko, ondaw ira di jet maykasakey ma ira, jet sota mengajowan son si‐kara, sakey ngo bengat ma.

San Juan 12:32

No meksheng nga maykedjangak ja maydansa, si‐kak met laeng i mengeẃis ni toon ondaw ali son si‐kak ja memati.”

Inpaspasing 18:10

Ta ẃara‐ak ja maykadẃa son si‐kam; enshid jay i mengan‐ano son si‐kam, ta shiyay ya ili, eshakel i emati son si‐kak.” Kowan nen Jesus.

I-Roma 3:29

Jet nan‐i‐inges i Hodiyos tan aliẃen Hodiyos ja kosto‐an nen Apo Shiyos maypangkep ni pamatira. Ta si Apo Shiyos, abos ton Shiyos ja podno, jet aliẃen sota Hodiyos bengat i maka‐Shiyos so, no diket Shiyos ngo met laeng ira nonta aliẃen Hodiyos.

I-Roma 4:17

Owen, si‐katoy ametayon emin ja emati, jet naytotop iyay nodta naysolat nonta bayag da ja kowan to ey, “Si‐kam Abraham i panbedin kon ama ni tood ka‐ili‐ili.” Si Apo Shiyos i makakowan niyay, isonga amta tayo ey si‐katejon emati, shakitoka ibilang ey poli nen Abraham, ta angken si Abraham, emati son Apo Shiyos ja ememiyag nonta nanketey, tan emengikowan ey mepalsowa i angken nganto, jet siya, emayto‐to‐ẃa.

I-Ipiso 1:5

Si Apo Shiyos, sigod ja ẃaray semek to; isonga ninemnem to ey pidi‐en shakito ja annak to maypangkep so nen Jesucristo. Sajay i dingka to ta piyan to,

I-Ipiso 3:11

Sajay i sigod ja plano nen Apo Shiyos ngo eshan nonta pilmiro, jet etongpal iyay nonta indaw ali nen Cristo Jesus ja Apo tayo.

Santiago 1:1

Si‐kak si Santiago ja makasolat niyay, ja mismon inbetkag nen Apo Shiyos tan si Apo Jesucristo ja mansilbi son si‐kara, jet sajay ya solat ko, para son si‐kayon emin na too nen Apo Shiyos ja nayẃaris shiya intiron dobong. Sapay koma ta mapteng kayon emin.

1 San Pedro 1:1

Si‐kak si Pedro ja makasolat niyay jet sajay ya solat ko, para son si‐kayon emin na too nen Apo Shiyos ja engilekjas ni ili sha, ja nayẃaris shita Ponto, Galasia, Kapadosia, Asiya, tan Bitinia.

1 San Juan 2:2

Si‐katoy engikesho ni basol tayon emati son si‐kato ni inkatey to shi koros jet aliẃen si‐katejo bengat, no diket angken sota basol ni emin na totood ja dobong.

1 San Juan 3:1

Iyay i nemnemen jo koma. Say semek nen Apo Shiyos son si‐katejon annak to, ebadeg ga pasiya, isonga mayngadnan kito ey annak to. Aliẃen awag bengat, no diket podnon naykari kito ey annak to. Sota toon eg memati son si‐kato, eg sha eẃatan i kasesaad tayo ta angken si Apo Shiyos, eg sha pati‐en.

1 San Juan 3:10

Isonga sajay den inkowan ko la, sajay i pengamta‐an ni toon anak nen Apo Shiyos tan toon ẃara ngo so nen Satanas. Sota toon ngaaw i toka dagdag‐a, ono enshiy semek to ni kait to, aliẃen si Apo Shiyos i kawad‐an to.

1 San Juan 3:2

Si‐kayon kait kod pamati ja ensemek ko, amta tayo ey annak shakito nen Apo Shiyos, nem niman, eg to pay inpa‐amta son si‐katejo no ngantoy panbedinan tayo di. Nem amta tayo ey no onmotok alis Cristo, asen tayon mismo, jet ingesen tayo may itsora to.

Inpa-Amta Nen Jesucristo 5:9

Jet sajay ira, nankansiyon ira ni badon kansiyon, ja kowan sha ey, “Si‐kam i anam ton mengeda nonta ekopikop pa solat et si‐kam i anam ton on‐okas so nonta bedbed to, ta si‐kam, inkoros shaka et sota shalam ja imayos nontan, sotan i engi‐sop ni totoo so nen Apo Shiyos, say too to ma ira, jet angken sipen kalasin too, enshiy to dinabsan.