San Juan 11:47 - Dibshon Mengi-kan Ni Pansigshan

⁴⁷ Jet nontan ma, sota ira Parisiyo, tan sota apo ira ni papashi, nanmimiting ira nonta toray ni Timplo, jet kowan sha ey, “Ngantoy pesing tayo aya so nen Jesus? Eshakel ma i dingdingka to ja kaskasshaaw.

San Juan 11:47 Iomraidhean Croise

San Mateo 26:3

Jet nontan met laeng nga akew, sota ira apo ni papashi, tan sota ira pangolo ni Hodiyos, esa‐nop ira shima ebadeg ga baley nonta kangeto‐an na pari, ja si Kaypas.

San Mateo 5:22

Nem say kowan ko son si‐kayo, angken sota toon mengibonget bengat ni kait to, ẃaray ikaro to son Apo Shiyos. Jet sota toon memebaing ni kait to, mas embelbel‐at pay i ikaro to. Jet sota toon kowan to so ni kait to ey maypowisha koma son Apo Shiyos, dilikaroy kasesaad to, ta shi impiyarno i toshongen to.

San Marcos 14:1

Showen akew pay et onsabi sota piyasta ni Hodiyos ja kowan sha ey Paskowa, tan sota piyasten pengan sha ni tinapay ja enshiy daok ton para debag. Jet nontan, nantatabtabal ira sota apo ni papashi ni Hodiyos tan mamaistoro ni dinteg no ngantoy pesing shen memono son Jesus, jet ninemnem sha ey olboren sha kono say ma‐shel et mebono.

San Lucas 22:2

Sota apo ira ni papashi ni Hodiyos tan mamaistoro ni dinteg ni Hodiyos, piyan shen pasiya ja bono‐en si Jesus, nem entakot ira nonta totoon eshakel ja na‐awis son si‐kato. Isonga ireka mengenap nontan ni pesing shen memono son si‐kato.

San Juan 11:57

Nontan, sota ira apo ni papashi, tan sota ira Parisiyo, inkowan sha so nonta ira totoo ey no sipa son si‐kara i maka‐amta ni kawad‐an nen Jesus, ikowan sha son si‐kara say sha a‐shelen.

San Juan 12:19

Isonga sota ira Parisiyo, kowan sha ni tabtabal sha ey, “Asas jo kari, enshi may pesing tayo, ta emin malen too ket imonod ira son si‐kato!”

San Juan 2:11

Sajay ya dingka nen Jesus shi Kana, si‐katoy pilmiron dingka ton milagro. Inpa‐sas toy kina‐Shiyos to et sota ira too to, emati ma iren koskosto son si‐kato.

San Juan 6:2

Jet eshakel la pasiyay toon imonod son si‐kato, ta inon‐an sha sota kaskasshaaw wa dingka to, ni inmapteng ira nonta emanpansekit.

San Juan 7:32

Sota ira Parisiyo, intenengan sha iyay ya inkowan ira nonta totoo pangkep son Jesus jet sajay iren Parisiyo, tan sota ira apo ni papashi, engibetkag ira ni kowadja ja en mengshel so nen Jesus.

San Juan 7:45

Sota kowadja ja istay en mengshel son Jesus, nay‐oli ira so nonta engibetkag son si‐kara ja Parisiyo, tan apo ni papashi, jet kowan ira niyay so nonta ira kowadja ey, “Apay nga eg jo di inshel?”

Inpaspasing 5:21

Jet sota ira apostol, pinatira sota inkowan nonta anghil, jet dimaw ira nonta agsapen pasiya shi Timplo ja sha intoro i maypangkep son Jesus. Jet nontan na agsapa met laeng, sota kangeto‐an na pari, tan sota ira kait to, sina‐nop sha iren emin sota pangolo ni Hodiyos, jet engibetkag ira ni en mengodop nonta apostol shi badoran.

Inpaspasing 5:24

Jet idi intenengan nonta apo ni kowadja ni Timplo tan sota apo ni papashi sota kowan sha, nasshaaw iren pasiya, tan ireka emanshanag no ngarantoy panpa‐pa‐no‐an niyay ya epasemak.