San Juan 11:28 - Dibshon Mengi-kan Ni Pansigshan

²⁸ Idi enaksheng iyay ya inpantabtabal nen Jesus nen Marta, nay‐oli si Marta shima baley jet idi naydasin ira nen Maria nodta eshakel la too, inkowan to son si‐kato ey, “Wara sota Maistoro jet tokaka pan‐ibaga.”

San Juan 11:28 Iomraidhean Croise

San Mateo 26:18

Simongbat si Jesus ja kowan to son si‐kara ey, “Daw kayo so nen iman na polano shi Jerusalem jet no sebi‐en jo, ikowan jo son si‐kato ey, ‘Kowan ali nen Maistoro ey mengan konod ja baley mo niman na piyasta, pati si‐kamin too to, tep shanshani kono sota timpo to.’ ”

San Marcos 10:49

Kimi‐neng si Jesus et kowan to ey, “Tawal jo alid jay.” Jet tina‐ẃal sha sota ekorab, ja kowan sha ey, “Pan‐imdeng ka, ta tokaka panta‐ẃala. Etan ka.”

San Marcos 14:14

jet nodta baley ja seskepan to, ikowan jo iyay so nonta makabaley: ‘Kowan ali nen Maistoro son si‐kam ey towa konoy kowadton penganan to tan si‐kamin too to niman na ma‐shem, tep Paskowa?’

San Lucas 22:11

jet ikowan jo iyay so nonta makabaley: ‘Kowan ali nen Maistoro ey towa konoy kowadton penganan to tan si‐kamin too to niman na ma‐shem, tep Paskowa?’

San Juan 1:41

Si Andres, dimaw wa shagos, ja to simbi si Simon ja agi to, jet kowan to son si‐kato ey, “Simbi mi sota tayoka sesseskeshen ibetkag ali nen Apo Shiyos!” (Say piyan ton a‐seden, simbira sota naypadton ibetkag nen Apo Shiyos ja mengisedakan.)

San Juan 1:45

Jet si Felipe, simbi tos Natanael, jet inkowan nen Felipe son si‐kato ey, “Wara ma niman sota inpadto nen Moises ja insolat tod dinteg tan insolat nonta ira para padto. Jet inaspol mi! Say ngaran to, Jesus. Si‐kato ket i‐Nasarit ja potot nen Jose.”

San Juan 10:3

jet si‐katoy idokatan nonta emanbantay nodta sakepan nonta koral ni kalniro. Onsekep, jet sota kalniro, amtaray esel to ja shaka imatoni. Jet sa‐sa‐keyen ton ingadnan i ngaran nonta kalniro to, jet ibo‐day to ira.

San Juan 11:20

Idi inamta‐an nen Marta ey emanmotok si Jesus, bimo‐day jet to inaspol si Jesus, nem si Maria, si‐katoy ebay‐an shima baley.

San Juan 11:29

Idi inkowan nen Marta iyay son Maria, dimayat ta shagos jet dimaw shima kawad‐an nen Jesus.

San Juan 11:30

Si Jesus, eg pay laeng simabi nodta kawad‐an ni baley nen Maria, no diket ẃara pay laeng nodta dogad ja en inaspolan so nen Marta.

San Juan 13:13

Sota awag jo son si‐kak ja kowan jo ey Maistoro tan Apo jo ket agpayso; jet anam to ta agpayson si‐kak sotan.

San Juan 20:16

Jet si Jesus, inngadnan toy ngaran nen Maria, jet si Maria, timangkak ta inimatonan toy esel, ey si Jesus sotan, jet kowan to ma ey, “Raboni.” (Say olog ni Raboni shi esel ni Hodiyos, Maistoro.)

San Juan 21:7

Jet sota sakey ya apostol ja ensemek nen Jesus, inimatonan to ey si Jesus sota imesel, jet kowan to ey, “Si Apo Jesus met iman!” Idi intenengan nen Simon Pedro sota kowan to, insikkot to sota baro tod bakdang to, tep nandabos ni toka pannikay, jet imabtok da shima shanom ja nimangoy.

1 I-Tisalonika 5:11

Isonga niman ma, say dag‐en jo, pakedsang jo ngoy nemnem ira nonta eshom ma kait jo, pantitinolong kayo, ja inges to met laeng sota joka dagdag‐a niman.

Hodiyos 12:12

Isonga emin kayo, mesepol la mantitinolong kayon mandeka ni banag ga kedsangan ni pamatiyo. Ipekat joy kabaalan jon mengilteg ni nankolangan jo, say angken sota ira ekapoy i pamati to, balang nem eg to et ibolos sota pamati to. May‐eshig kayo shi toon emekilongba ja mesepol la ikalikatan ton pekedsang i takday to tan sedi to, say kamon sota ekapoy ya sedi to, eg mema‐men onkapoy, no diket onkedsang et pay.