San Juan 11:24 - Dibshon Mengi-kan Ni Pansigshan

²⁴ Jet si Marta, simongbat ja kowan to ey, “Amtak ey no timpo ali ni panbiyag mowan ni nanketey, manbiyag ngo si Lazaro.”

San Juan 11:24 Iomraidhean Croise

San Lucas 14:14

kosto may imdeng mo. Tep sajay ira, eg sha kabaalan na onsobadit son si‐kam ni inges nonta inpasing mo, isonga si Apo Shiyos i onsobadit son si‐kam no timpo alin panbiyag mowan nonta ira totoon emati nonta bilin nen Apo Shiyos nontan den ẃara ired biyag pay laeng.”

San Juan 11:23

Simongbat si Jesus ja kowan to ey, “Si agim da, manbiyag mowan.”

San Juan 6:39

Jet say piyan nonta engibetkag son si‐kak ja dag‐en ko, emin ira sota toon in‐awat to son si‐kak, ja emati, isingpet ko iren emin, jet shi ka‐onoran alin akew, panbiyag ko ali ira shi patey.

San Juan 6:40

Say piyan pay nen Amak, emin ira sota toon eẃatan toy maypangkep son si‐kak, jet memati, may‐aknan ira ni biyag ja enshiy to engintegan, tan panbiyag ko ira di shi ka‐onoran na akew.” Kowan nen Jesus.

Inpaspasing 24:15

Jet ẃaray namnamak son Apo Shiyos ey sota ira nanketey ya maronong ono makedsel, manbiyag mowan ira, jet angken saja ira nansharom son si‐kam, sajay met laeng i pamatira.

Hodiyos 11:35

Jet sota ira bibii, tep emati ira, nanpawil la ebiyag ira sota etey ya partidos sha, jet nay‐oli ira met laeng son si‐kara. Sota ira eshom, eg sha koston mebodos; insikal shay shangkas, ja kowan sha ey angken metey ira ta amtara ey mebiyag met laeng ira di, jet mapmapteng pay sotan na biyag ja maysa‐dat ali.