San Juan 11:11 - Dibshon Mengi-kan Ni Pansigshan

¹¹ Jet si Jesus, intoloy ton kowan to ey, “Si Lazaro ja kajem tayo, na‐ogip mala, jet ondawak ta nak bengonen.”

San Juan 11:11 Iomraidhean Croise

San Mateo 27:52

tan angken sota ira naydiyangan ni etey, edo‐katan ira. Jet nanbiyag ngo ira sota eshakel la too nen Apo Shiyos ja nanketey.

San Mateo 9:24

Jet si Jesus, kowan to son si‐kara ey, “Ki‐nan kayod jay, eg etey itan na nga‐nga, na‐ogip bengat.” Nem sota ira totoo, inbi‐ẃisan sha si Jesus.

San Marcos 5:39

Simekep si Jesus et kowan to son si‐kara ey, “Ngantoy? Kayoka mannoteng ni nangis jo? Eg etey itan na nga‐nga; na‐ogip bengat.”

San Juan 11:10

Nem sota man‐ekad ni medebi, mebedin na maysokbab, ta eg to asen i panshandan to, tep enshiy onsilew son si‐kato.”

San Juan 11:12

Jet kowan nonta ira too to son si‐kato ey, “Apo, mapteng no na‐ogip, say onpesed.”

San Juan 11:13

(Sajay i insongbat sha tep kowan sha ey kenshat ta na‐ogip bengat si Lazaro, nem say piyan na a‐selen nen Jesus gayam, etey da si Lazaro.)

San Juan 11:3

Si Maria nen Marta, engibetkag ira ni en mengikowan son Jesus ey, “Apo, si Lazaron ensemek mo ket emansekit.”

San Juan 3:29

Say kay‐eshigan to, singa si‐kak i mengisekana ni mesepol nonta kajem kon mengesawa. Jet niman, en simbi nonta daki sota esaw‐en ton bii, jet naka man‐imdeng men pasiya, ta si‐katoy talaken on‐aseẃa nontan na bii; isonga ekak ma‐epal. Niman, ta intenengan koy esel to, mas naka man‐imdeng.

Inpaspasing 7:60

Nantalimokod jet inkedsang toy shawat to ja kowan to pay ey, “Apo, pakaẃanim ira jay ya totoo ni sajay ya dingkara son si‐kak.” Sajay i shawat to asan matey mala.

1 I-Korinto 15:18

Angken pay sota ira emati ja nanketey da, may‐inges met laeng ira so nonta eshom ja shosa‐en nen Apo Shiyos.

1 I-Korinto 15:51

Jet niman ipa‐amtak iya plano nen Apo Shiyos ja medeka ali son si‐katejo. Eg kitejo metey ya emin, nem emin kito, mesa‐datan iya bakdang tayo ni sankakimshatan. Magenon pasiya ja singa kimkim ni mata. Onjanget nin sota trompita ja amta‐an so ey tapos ma ni dobong. No onjanget sotan na trompita, sota ira nanketey, manbiyag ira jet eg ira ma metmetey. Jet angken si‐katejon ẃared biyag, mesa‐datan ngoy bakdang tayo ja eg ma metmetey.

I-Ipiso 5:14

Sajay i kaytoshongan nonta kowan to ey, “Si‐kam ma may‐eshig ey na‐ogip, bangon ka, panpawil ka did patey, jet si Cristo, deẃagan toka.”

Santiago 2:23

Isonga say kowan nonta naysolat nonta bayag da, kowan to ey, “Si Abraham, emati son Apo Shiyos jet sotan i kinosto‐an nen Apo Shiyos son si‐kato ja naybilangan to ey singa enshiy basol to.” Jet etongpal iyay nonta pinati to sota kowan nen Apo Shiyos ey dag‐en to. Isonga kowan sha nonta bayag da ey si‐katoy kajem nen Apo Shiyos.