San Juan 10:35 - Dibshon Mengi-kan Ni Pansigshan

³⁵ Sotan na inkowan nen Apo Shiyos ja naysolat, eg mebedin na mesa‐datan ta si Apo Shiyos i engikowan. No inkowan nen Apo Shiyos nonta bayag da ey singa shiyos ngo ira sotan na inkowanan to so,

San Juan 10:35 Iomraidhean Croise

San Mateo 24:35

Sama naykayang tan saja dobong, mebedin na ma‐enshi, nem saja esel la inkowan ko, kenshat ta metongpal, ja eg ma‐enshi.

San Mateo 27:35

Jet indansara ma shi koros. Idi indansara ma, nanbobonot ira sota solsharo no sipay ontompong so nonta baro nen Jesus, asan shaka panbibingayi.

San Mateo 5:18

Ikowan ko et i podno son si‐kayo. No ẃara pay laeng iya dangit tan dobong, eg mepokaw i angken sakey ya ko‐nit shima dinteg ja in‐awat nen Moises ingkatod metongpal la emin.

San Lucas 16:17

Nem enshiy mepokaw wa bilin nen Moises. No ẃara pay laeng iya dangit tan dobong, eg mepokaw i angken sakey ya naysolat ta bilin nonta bayag da.

San Juan 10:34

Simongbat si Jesus ja kowan to ey, “Wara met i naysolat shi dinteg tayo ja kowan nen Apo Shiyos pangkep so nonta ira pangolo nonta bayag da, ja kowan to ey si‐kara, singa shiyos ngo ira.

San Juan 10:36

apay nga kowan jo ey basol ko no ikowan ko ey Anak towak nen Apo Shiyos, ey agpayso met ja si‐katoy mismon shimotok son si‐kak, jet inkowan to ey ondawak alid ja dobong?

San Juan 19:28

Jet nontan ma, amta nen Jesus ey nontan ma i kepospos nonta obda to, jet inkowan to ey, “Na‐keẃak ni shanom.” Ta piyan ton metongpal sota inkowan ni padto ja naysolat nonta bayag da ja pangkep son si‐kato.

Inpaspasing 1:16

ja kowan to ey, “A‐akik shi pamati, sota insolat nen Ari David nonta bayag da ja inshalan ni Ispirito Santo nen Apo Shiyos, etongpal da nonta inpangdo nen Judas Iskariote sota ira makakontra son Jesus ni in‐eshel sha so. Jet sajay ya si Judas i istay sakey son si‐kamin pinidi nen Jesus ja meki‐obda son si‐kamin apostol to nontan. Sajay i edaga ta mesepol la metongpal sota naypadto.

I-Roma 13:1

Angken sipa, mesepol la pati‐en sha sota toray ni gobirno. Ta enshiy nganton toray ja mansaad no eg inpalobos nen Apo Shiyos. Emin na toray, si Apo Shiyos i engisaad so.