San Juan 10:29 - Dibshon Mengi-kan Ni Pansigshan

²⁹ Si Apo Shiyos ja Amak, si‐katoy Kangeto‐an ni emin. Isonga sota in‐awat to son si‐kak, angken sipa, enshiy en onpiliw so, ta si Amak i emengajowan son si‐kara.

San Juan 10:29 Iomraidhean Croise

San Juan 10:28

Jet sotan iren kokowak, naka akni ira ni biyag ja enshiy to engintegan, jet eg sha ma da‐kaman i shosa ingkatod ingka, jet enshiy makabaal ja onpiliw son si‐kak ni angken sakey son si‐kara.

San Juan 10:30

Si‐kamin Amak, saksakey kami.”

San Juan 14:28

Intenengan jo met sota inkowan ko la ey angken idekjas takejo, on‐oli‐ak mowan ali son si‐kayo. No ẃara komay semek jo son si‐kak, istay nan‐imdeng kayo koma, ta si Amak ja daẃan ko, engatngato ngo eshan ey say si‐kak.

San Juan 17:11

Niman, idekjas ko iya dobong, jet on‐oli‐ak da son si‐kam. Nem saja ira took ja in‐awat mo son si‐kak, mebay‐an nin ira shiya dobong, jet si‐kam Ama, i maka‐amta ja mengajowan son si‐kara. Si‐kam i napno‐an ni emin na kinamapteng; isonga i‐osal moy panakabalin mo, say manseksekey ira ja inges toy inpansaksakey ta.

San Juan 17:2

Ta si‐kam Ama i engi‐kan son si‐kak ni panakabalin na mengitoshay so ni emin na too, jet si‐kak i mengi‐kan ni biyag ja enshiy to engintegan so nonta totoon piyan mon meẃad‐an ni biyag.

San Juan 17:6

“Sota toom ja ẃared ja dobong ja in‐awat mo son si‐kak, inpa‐amtak son si‐kara sota maypangkep son si‐kam, jet pinatiray esel mo.

San Juan 17:9

“Ama, aliẃen sota eg emati i naka pan‐ishawati, no diket saja toon kokowam ja in‐awat mo son si‐kak ja emati son si‐kak.

San Juan 6:37

Sota ira i‐awat nen Amak son si‐kak, si‐karay memati son si‐kak, jet sajay ira ja ondaw ali son si‐kak, man‐imdengak ja mengeẃat son si‐kara.