San Juan 10:25 - Dibshon Mengi-kan Ni Pansigshan

²⁵ Jet si Jesus, simongbat ja kowan to ey, “Inkowan ko la son si‐kayo i maypangkep son si‐kak, nem eg kayo memati. Sota kowan nen Amak ey dag‐en ko, dingkak da, jet sotan met laeng koma i amta‐an jo so ma no si‐kak sota naypadto ono apil.

San Juan 10:25 Iomraidhean Croise

San Juan 10:32

Jet si Jesus kowan to son si‐kara ey, “Eshakel i mapteng nga dingkak ja obda nen Amak ja kowan to ey dag‐en ko. Jet towa nodtan na mapteng nga dingkak i kabol la kowan jo ey kespigan jowak so ni bato?”

San Juan 10:37

No say naka pandag‐a ket aliẃen sota piyan nen Amak, mebedin na angken eg jowak pati‐en.

San Juan 10:38

Nem no eg jowak pati‐en, istay sota obden naka dagdag‐a, si‐kato koma mangoy pati‐en jo, ta sotan na dingkak, si Apo Shiyos i edapo‐an to, jet si‐katoy amta‐an jo so koma ey si‐kak, ẃara‐ak son Apo Shiyos ja Amak, jet si Apo Shiyos, ẃara ngo son si‐kak.” Kowan nen Jesus.

San Juan 11:47

Jet nontan ma, sota ira Parisiyo, tan sota apo ira ni papashi, nanmimiting ira nonta toray ni Timplo, jet kowan sha ey, “Ngantoy pesing tayo aya so nen Jesus? Eshakel ma i dingdingka to ja kaskasshaaw.

San Juan 12:37

Eshakel i kaskasshaaw wa dingka nen Jesus, nem eg patpati‐en ira nonta totoo.

San Juan 14:11

Patiyo ey si‐kak ket ẃara‐ak so nen Amak, jet si Amak, ẃara ngo son si‐kak. Nem no eg jo pay laeng pati‐en, patiyowak koma mango ta inon‐an joy dingdingkak.

San Juan 20:30

No sota maypangkep ni dingka nen Jesus, eshakel i dingka ton kaskasshaaw wa mismon inon‐an nonta ira too to, nem ekak insolat ta emin shiyay ya dibsho.

San Juan 3:2

Sajay ya too, dimaw son Jesus ni edabi, jet kowan to ey, “Maistoro, si‐kam, amta mi ey inbetkag token Apo Shiyos ja menosho son si‐kami, ta angken sipa, enshiy ondaga so nonta dingkam ma kaskasshaaw, no enshis Apo Shiyos son si‐kato.”

San Juan 7:31

Nem sota eshakel la too, ẃara ngoy eshakel la emati so nen Jesus, jet say kowan sha, “Enshiy eshom ma toon tayoka sesseskesha ja ibetkag ali nen Apo Shiyos. Si‐kato iyay ya too, ta no bilang ey ẃaray ondaw ali ja eshom, eg to ingesen i dingdingka niyay ya too.”

San Juan 8:12

Si Jesus, intoloy ton nantoro so nonta ira totoo ja kowan to ey, “Si‐kak i silew wa ondawag so ni nemnem ni tood ja dobong. Sota memati ja on‐onod son si‐kak, may‐eshig ey enshi ired embolinget, ta edawagan may nemnem sha; isonga ẃaray biyag son si‐kara.”

San Juan 8:24

Isonga binanshaanan takejo nonta pilmiro ja kowan ko ey metey kayo ey eg epakaẃanan i basol jo. Ampet memati kayo ey si‐kak sota naypadton mengisedakan ja ibetkag ali nen Apo Shiyos, asan mapakaẃani i basol jo.”

San Juan 8:56

Nontan da, si Abraham, ja amejo, eman‐imdeng ta namnama to ey asen toy akew wa ibetkagan towak so nen Apo Shiyos alid ja dobong, jet eman‐imdeng nga pasiya niman ta inon‐an to.”

San Juan 8:58

Simongbat si Jesus ja kowan to ey, “Kinapodpodno iya ikowan ko son si‐kayo. Nonta eg pay laeng nay‐anak si Abraham, sigod ja ẃara‐ak ngoreshan.”

Inpaspasing 10:38

Jet amtayo met ey si Apo Shiyos, shinotokan tos Jesus ja i‐Nasarit ja si‐katoy pan‐iyanan ni Ispirito Santo to, tan in‐aknan to ni panakabalin to. Jet si Jesus, nan‐aka‐akad say en mandeka ni panmaptengan ni totoo, jet inpamapteng ton emin sota emanpansekit ja kepedigata nen Satanas, ta si Apo Shiyos, ẃara ni olay son si‐kato.

Inpaspasing 2:22

“Si‐kayon kait kon Hodiyos, itnengi jo iya ikowan ko son si‐kayo! Si Jesus ja i‐Nasarit, inpandaga nen Apo Shiyos ni kaskasshaaw wa milagro, ja inon‐an jon mismo, jet si‐katoy pengamta‐an jo ey si‐katoy inbetkag nen Apo Shiyos. Amtayon emin iyay.

Hodiyos 2:3

Jet niman na ẃara iya kaysedakan ja ka‐asan ni ebadeg ga kaasi nen Apo Shiyos, mas pay ya eg medisi‐an i penosa to no baybay‐an tayon eg tayo pati‐en. Jet sajay, inpa‐amta nen Apo Jesus jet sota engitneng son si‐kato, inpa‐amtara ngo son si‐katejo ey agpayso noman.