San Juan 10:24 - Dibshon Mengi-kan Ni Pansigshan

²⁴ Jet sota ira pangolo ni Hodiyos, binongolan shes Jesus, jet kowan sha ey, “Apay mebedjag pay aya i pengikowanan mo son si‐kami, no si‐kam sota naypadton mengisedakan ja ibetkag ali nen Apo Shiyos? No si‐kam sotan, ikowan mo son si‐kami say amta‐en mi.”

San Juan 10:24 Iomraidhean Croise

San Mateo 11:3

no si‐kato sota inkari nen Apo Shiyos nonta bayag da ey ibetkag to di ja mengisedakan. Jet inbaga sha pay ey, “Si‐kam sota naypadton ibetkag ali nen Apo Shiyos, ono ẃaray apil la seskeshen mi?”

San Marcos 8:32

Indiritso ton inkowan na emin ira jay; enshiy polibas to. Jet nontan ma, si Pedro, to indasin si Jesus et inseg‐ang to tep inkowan to ey mebono.

San Lucas 3:15

Sota ira totoo, idi intenengan shay kowan nen Juan, kowan shen shorog shi nemnem sha ey, “Sigosho sajay emo sota inkari nen Apo Shiyos nonta bayag da ja ibetkag to din mengisedakan.” Jet shaka sesseskeren pasiya nem ngaranto pay i ikowan to.

San Juan 1:19

Sota ira pangolo ni Hodiyos shi Jerusalem, engibetkag ira ni papashi tan sota ira kaontolong so nonta papashi, ja en mengiro‐pet son Juan nem ngarantoy koston saad to.

San Juan 10:31

Idi intenengan ira nonta Hodiyos iyay, engala ira ni bato ja kowan sha ey kespigan sha si Jesus.

San Juan 10:33

Sota ira Hodiyos, simongbat ira ja kowan sha ey, “Aliẃen sota obden mapteng i kespigan mika so, no diket sota moka pengikokowani so ey si‐kam ket inges mos Apo Shiyos, ey anta nga too ka ngo met bengat ja inges mi. Satan i ebadeg ga basol mo.”

San Juan 16:25

“Nontan da, say naka pengitosho son si‐kayo, arig ni olay; nem ẃaray timpon onsabi ja aliẃa men arig i pengitoshok, no diket idiritsok ma ja ikowan son si‐kayo i maypangkep son Amak.

San Juan 8:25

Nem sota ira Parisiyo, inbag‐an sha ja kowan sha ey, “Jet sipa ka?” Simongbat si Jesus ja kowan to ey, “Inkowan ko met son si‐kayo nonta pilmiro no sipa‐ak jet ingkato niman si‐kato pay laeng iya naka pan‐ikowan son si‐kayo.

San Juan 8:53

Si Abraham ja ametayo ket etey met, tan pati pay sota ira para padto nen Apo Shiyos nonta bayag da. Apay engatngato ka aya ey say si Abraham? Apay sipa ka aya ja satan i nemnem mo?”

San Juan 9:22

(Sajay i insongbat sha, ta entakot ira so nonta pangolo ni Hodiyos, ta say nantotodagan ira nonta pangolo ni Hodiyos, kowan sha ey no sipay too ja mengikowan ey si Jesus sota naypadton mengisedakan ja ibetkag ali nen Apo Shiyos, a‐kalen sha shima sa‐nopan ira ni Hodiyos ja eg ma mebedin na mekisa‐sa‐nop son si‐kara.

2 I-Korinto 3:12

Jet niman, ta ẃara iyay ya namnama mi, marinel kamin mengikowan ni koskosto;