San Juan 1:9 - Dibshon Mengi-kan Ni Pansigshan

⁹ Sajay ya dimaw alid ja dobong, si‐katoy podnon kaondawag ni nemnem ni emin na totoo.

San Juan 1:9 Iomraidhean Croise

San Mateo 6:23

Nem no ngaaw i moka pengesas nontan na kokowa, ja piyan mon sinopen ja para son si‐kam bengat, may‐eshig ey emin na parti ni bakdang mo ket ẃared embolinget. Jet no ma‐enshiy istay dawag ni nemnem mo, may‐eshig ey embolinget ngon emin i kawad‐an mo.

San Lucas 11:36

Isonga no napno i emin na parti ni bakdang mo ni dawag, ja enshiy parti ton embolinget, napno ka ngo ni kinamapteng, ja singa inges toy silew ja sinilẃan toka.”

San Juan 1:4

Si‐katoy engi‐kan ni biyag jet sota biyag ja in‐akan to, si‐katoy dimawag so ni nemnem ni totoo.

San Juan 1:7

Sajay ya too, si‐katoy inbetkag nen Apo Shiyos ja en mengikowan so ni totoo maypangkep nonta ondaw alin toon may‐eshig ey emansidew shi embolinget ja ondawag ni nemnem ni totoo, say emin na mengitneng ni kowan nen Juan, memati ira nonta toon ondaw ali.

San Juan 12:46

Dimawak alid jay ya may‐eshig ey silew ni tood ja dobong, say medeẃagan i nemnem sha. Jet sota ira memati son si‐kak, may‐eshig ey enshi ma ira shi embolinget.

San Juan 14:6

Jet si Jesus, simongbat ja kowan to ey, “Si‐kak i may‐eshig ja shalan, si‐kak i podno, si‐kak i mengi‐kan ni biyag. Enshiy angken sipa ja maka‐edaw so nen Amak, no eg nin manshedan son si‐kak.

San Juan 15:1

“Si‐kak i koskoston may‐eshig ey sengeg ni mola, jet si Amak i emengajowan nontan na mola.

San Juan 6:32

Si Jesus, simongbat ja kowan to ey, “Kinapodpodno iya ikowan ko son si‐kayo. Sota tinapay ya kinan sha, ja edapod dangit, si Apo Shiyos ja Amak i engi‐kan son si‐kara; aliẃen si Moises. Jet si Amak met laeng i emengi‐kan ni koston tinapay son si‐kayo ja medepod dangit.

San Juan 7:12

Jet nontan na timpon piyasta, ẃaray toon na‐olnong, jet say kowan ira nonta eshom, kowan sha ey, “Mapteng i ogadi nen Jesus.” Nem sota ira eshom son si‐kara, kowan sha ey, “Enshi, si‐katoy kaon‐awis so ni toon mandeka ni ngaaw.”

1 San Juan 1:8

No kowan tayo ey enshiy basol tayo, naytopo sotan na nemnem, jet enshi son si‐katejo i podno.

1 San Juan 2:8

Jet siya, ẃara ngo son si‐kayo i semek ja inges toy kawasha to son Cristo nontan da. Nem singa bado iyay ya bilin tep emanka‐omas ma niman shiya dobong sota may‐eshig ey embolinget. Jet emankaisa‐dat ma sota podno ja edapo son Apo Shiyos, ja may‐eshig ey niyal.

1 San Juan 5:20

Jet amta tayo pay ey sota Anak nen Apo Shiyos, dimaw ali shiya dobong jet engi‐kan son si‐katejo ni koston pannemnem say eẃatan tayo i maypangkep son Apo Shiyos, ey si‐kato i podno. Jet say kawad‐an tayo ma niman, sota podnon Shiyos, tan si Jesucristo ja Anak to. Sajay i podnon Shiyos, ja emengi‐kan ni biyag ja enshiy to engintegan.