San Juan 1:51 - Dibshon Mengi-kan Ni Pansigshan

⁵¹ Kinapodpodno to iya ikowan ko son si‐kam. Asen jo i dangit ja medo‐katan, jet asen jon ẃaray anghil nen Apo Shiyos ja ondespag ali son si‐kak jet on‐oli mowan shi dangit, ta si‐kak sota kowan sha ey Anak ni Too.”

San Juan 1:51 Iomraidhean Croise

San Mateo 25:31

Kowan to pay ey, “Sota timpon idaw mowan ali nonta kowan ni para padto ey Anak ni Too, ondaw ali ja inges tos Apo Shiyos. Emin sota anghil, may‐odop ali son si‐kato, jet isaad toy pantoshay to ja enshiy to kay‐ingesan.

San Mateo 26:24

Si‐kak sota kowan ni para padto ey Anak ni Too jet kenshat ta metongpal sota padto ja naysolat nonta bayag da ni maypangkep son si‐kak. Nem kaasi met laeng sotan na toon mengibaag son si‐kak, ta meshosen pasiya! No da‐kaman to sotan na shosa, ikowan to shorog shi bakdang to ey, ‘Agpos et nem ekak koma nay‐anak!’ ”

San Mateo 3:16

Idi ebonjagan ma si Jesus, kima‐jat ta shagos nodta shanom et nay‐inshas ngon edo‐katan i dangit. Jet inon‐an toy Ispirito Santo nen Apo Shiyos ali ja singa inges toy itsora ni kalopati ja emandespag alin onsepa son Jesus.

San Mateo 4:11

Idi naksheng nga pineshas nen Satanas si Jesus ja istay piyan ton panbesol, indekjas to ma. Jet sota anghil, dimaw ira di son Jesus ja sha in‐aknan ni kompormin kasapolan to.

San Mateo 8:20

Jet si Jesus, simongbat ja kowan to son si‐kato ey, “Pannemnem ka nin, ta saja obdak, edigat. Onito pay sota atap pa animal, tan titit, ta ẃaray koston shaka pan‐ini. Nem si‐kak, enshiy koston baley ko ja pansalshengan ko.”

San Mateo 9:6

jet no man‐ekad, amta‐en jo ey si‐kak sota kowan nonta para padto nonta bayag da ey Anak ni Too. Amta‐en jo pay ey ẃaray kalintegan kod ja dabaw ni shaga ja memekawan ni basol ni too.” Jet si Jesus inkowan to nonta toon eg man‐ekad ey, “Alam ita amakam, jet akad ka.”

San Marcos 1:10

Idi kima‐jat si Jesus nodta shanom, inon‐an ton shagos ja edo‐katan i dangit, tan inon‐an toy Ispirito Santo nen Apo Shiyos ali ja singa inges toy itsora ni kalopati ja emandespag alin onsepa son si‐kato.

San Marcos 14:62

Simongbat si Jesus ja kowan to ey, “Owen, si‐kak ita kowan mo. Si‐kak sota kowan ni para padto ey Anak ni Too, jet no ekay ali, on‐an jowak ja timongaw nodta apit ni kanawan nen Apo Shiyos ja Manakabalin. Jet asen jowak ali mowan ja metaksholan ni kolpot.”

San Lucas 2:13

Idi naksheng nga inkowan to iyay, shimakel i anghil shi naykayang ja emengikankansiyon ni shayaw sha son Apo Shiyos, ja kowan sha ey,

San Lucas 2:9

Jet nontan, nanpa‐sas i sakey ya anghil nen Apo Shiyos son si‐kara. Jet sota niyal ja edapo son Apo Shiyos, sinilẃan to ira et etakot iren pasiya.

San Lucas 22:43

Waray anghil ja edapod dangit jet to tinodongan si Jesus say onkedsang.

San Lucas 22:69

Nem iyay i ikowan ko son si‐kayo. Si‐kak sota inpadtora nonta bayag da ey Anak ni Too et shanshani men mekitongawak son Apo Shiyos ja Manakabalin, ja nak ngo mantoshay.”

San Lucas 24:4

Jet idi ireka manmodimodi bengat nodtan, ebiglen nanpa‐sas i showen anghil ja singa too i itsora sha nem emeneniliy baro sha.

San Lucas 3:21

Idi sakey ya akew, ja naksheng iren emin sota totoo ja nanpabonjag, nanpabonjag ngos Jesus so nen Juan. Idi naksheng, nanshawat si Jesus son Apo Shiyos, jet idi maramen emansheẃat, edo‐katan i dangit.

San Juan 1:50

Jet si Jesus, simongbat ja kowan to ey, “Kaka memati ta inkowan ko ey inon‐an taka ja nansirom shi kadasan. Jet mas ẃara pay i asen mo ali ja kaskasshaaw ey say sajay.

San Juan 10:1

Si Jesus, intod‐an to ira ni arig ja kowan to ey, “Kinapodpodno iya ikowan ko son si‐kayo. Waray koral ni kalniro, jet sota toon onkalab shi alad, ja eg manshedan shi pasbol, si‐kato sota tolisan, ono makibot.

San Juan 10:7

Isonga si Jesus, inkowan to may olog nonta arig son si‐kara, ja kowan to ey, “Kinapodpodno iya ikowan ko son si‐kayo, ey say kay‐eshigan nonta sakepan, si‐kak.

San Juan 13:16

Kinapodpodno iya ikowan ko son si‐kayo. Sota baga‐en, aliẃen si‐kato et ngo mowan i ibaingan ni totoo ey say sota apo to. Jet inges niyay sota emaybetkag. Sota emaybetkag, aliẃen engatngato ey say sota emengibetkag son si‐kato.

San Juan 13:38

Nem si Jesus, simongbat ja kowan to ey, “Jet agpayson angken metey ka ja mengibediw son si‐kak? Ikowan koy podno son si‐kam: memintedo ja ikowan mo ey eg mowak am‐amta asan ketekok sota kawitan.” Sajay i kowan nen Jesus son Pedro.

San Juan 14:12

“Kinapodpodno iya ikowan ko son si‐kayo. Sota memati son si‐kak, dag‐en to ngoy inges ni dingdingkak ja kaskasshaaw. Jet sotan na dag‐en to, ebadbadeg ey say sota dingkak, ta si‐kak, on‐oli‐ak son Amak.

San Juan 16:20

Kinapodpodno iya ikowan ko son si‐kayo. Saja ira tood ja dobong nga eg emati son si‐kak, man‐imdeng ira; nem si‐kayo, mandeshingit kayon pasiya. Nem sota daringit jo, mesa‐datan met laeng ali ni imdeng.

San Juan 16:23

No onsabi sotan alin akew, aliẃen si‐kak may pansheẃatan jo, no diket si Amak. Jet no ẃaray sheẃaten jo son si‐kato, pangkep ni joka pengi‐edagey son si‐kak, i‐akan to son si‐kayo.

San Juan 21:18

Ikowan ko son si‐kam i kinapodpodno. Nonta nga‐nga ka, si‐kam ngoy emengi‐mag shorog ni balkes mo, jet sota piyan mon daẃan, si‐katoy toshongen mo. Nem no ma‐ema ka ali, apil ngo. Onshepa ka jet bedoren shaka, asan idaw shaka shima dogad ja eg mo koston daẃan.”

San Juan 3:3

Jet si Jesus, simongbat ja kowan to ey, “Kinapodpodno iya ikowan ko son si‐kam. Angken sipa, eg mebedin na asen toy pantoshayan nen Apo Shiyos, no eg may‐enak mowan.”

San Juan 3:5

Si Jesus simongbat, ja kowan to ey, “Kinapodpodno iya ikowan ko son si‐kam. Angken sipa, eg mebedin na mayda‐kam shi pantoshayan nen Apo Shiyos, no eg may‐enak mowan, ta say kedepo‐i niya biyag, shanom tan Ispirito Santo nen Apo Shiyos.

San Juan 5:19

Jet si Jesus, kowan to so nonta ira Hodiyos ey, “Kinapodpodno iya ikowan ko son si‐kayo. Si‐kak ja Anak to, enshiy kabedinan kon mandeka ni angken nganto, no a‐abos ko bengat; jet say mebedin bengat ja dag‐en ko, sota inon‐an ko ja obda nen Amak. Sota obdak, inges toy obda nen Amak.

San Juan 5:27

tan in‐aknan towak pay ni kanebengan kon mengigsheng no sipay maysedakan, tep si‐kak, nanbalinak ni too.

San Juan 6:26

Si Jesus, simongbat ja kowan to ey, “Kinapodpodno iya ikowan ko son si‐kayo. Amtak ey jowakka en‐enapa ta engan kayo nontan ni tinapay, jet nanpesel kayon kosto; aliẃen sota kaskasshaaw wa dingkak i jowaksoka en‐enapi so.

San Juan 6:32

Si Jesus, simongbat ja kowan to ey, “Kinapodpodno iya ikowan ko son si‐kayo. Sota tinapay ya kinan sha, ja edapod dangit, si Apo Shiyos ja Amak i engi‐kan son si‐kara; aliẃen si Moises. Jet si Amak met laeng i emengi‐kan ni koston tinapay son si‐kayo ja medepod dangit.

San Juan 6:47

Kinapodpodno iya inkowan ko son si‐kayo. Sota memati son si‐kak, may‐aknan ni biyag ja enshiy to engintegan.

San Juan 6:53

Isonga si Jesus, kowan to son si‐kara ey, “Kinapodpodno iya ikowan ko son si‐kayo. No eg jo kenen iya bakdang ko, tan eg jo inomen sota shalak, enshi son si‐kayo i biyag.

San Juan 8:34

Jet si Jesus, simongbat ja kowan to ey, “Kinapodpodno iya ikowan ko son si‐kayo. Sota toon ngaaw i aramid to, may‐eshig ey baga‐en ni basol.

San Juan 8:51

Kinapodpodno iya ikowan ko son si‐kayo. Sota memati niya naka pan‐ikowan, eg sha da‐kaman i patey, no diket ẃaray biyag sha ingkatod ingka.”

San Juan 8:58

Simongbat si Jesus ja kowan to ey, “Kinapodpodno iya ikowan ko son si‐kayo. Nonta eg pay laeng nay‐anak si Abraham, sigod ja ẃara‐ak ngoreshan.”

Inpaspasing 10:11

Inon‐an toy dangit ja edo‐katan, jet ẃara aliy ekalbot ja nay‐oy‐oy son si‐kato, ja epat i nay‐iket ta ẃanet nodta shogo to.

Inpaspasing 7:56

Jet kowan to ey, “Tangkak kayo! Inon‐an kon edo‐katan i dangit, jet sota kowan sha ey Anak ni Too, dimayat shi apit ni kanawan nen Apo Shiyos!”

2 I-Tisalonika 1:7

Jet si‐kayon nandigat, si Apo Shiyos aliy mengi‐kan ni pannam‐ayan jo, kasta met son si‐kami. Sajay i pesing to ni imotok mowan ali nen Apo Jesus ja medepod dangit. Odopen to ali sota anghil to et ma‐on‐an na mismo sota ebadeg ga panakabalin to tan ẃara pay i apoy ya emanshedang.

2 I-Tisalonika 1:9

jet say shosa sha, maysi‐jan ira son Apo Jesus et eg sha asen i mismon kinashiyos ton emenenili. Eg ira may‐aknan ni biyag ja enshiy to engintegan, no diket meshosa ira ingkatod ingka.

1 Timoteo 3:16

Mapteng noman nga agpayso i pamati ja inpa‐amta nen Apo Shiyos son si‐katejo pangkep so nen Cristo Jesus, ta si Jesus nontan, nay‐anak shi too et tinongpal ton emin sota inpangitorong ni Ispirito Santo nen Apo Shiyos son si‐kato, jet inon‐an ira ni anghil. Jet niman, emankaitoron emin i maypangkep son si‐kato shi emin na sakop ni dobong, jet eshakel iray emati. Jet nay‐oli ja dimaw shi dangit ja kad‐an nen Apo Shiyos.

Hodiyos 1:14

Ta say koston obda nonta ira anghil bengat ket si‐karay kaibetbetkag nen Apo Shiyos ja eg ma‐sas, ja para tolong so nonta ira totoon maysedakan ja mayda‐kam ali son Apo Shiyos.

San Judas 1:14

Si Inok ja maykapiton apo nen Adan ja pilmiron too nonta bayag da, ẃaray inpadto to jet sajay iren too i kaytoshongan to. Kowan nonta padto to ey, “Asas jo, ondaw ali si Apo Shiyos jet odopen to aliy dinibon anghil to.

Inpa-Amta Nen Jesucristo 19:11

Jet nontan, inon‐an kon singa edo‐katan i dangit et ẃaray inon‐an kon empotin kabajo. Jet ẃaray nankabajo nodtan, jet say ngaran nonta nankabajo, si Podno, ono si Panshindan. Jet say kabol ni toka pekikobati, tan sota toka pengowis, say meẃesha ni olay sota koskosto ono podno.

Inpa-Amta Nen Jesucristo 4:1

Idi enaksheng mala iyay, tinangkak koy naykayang et inon‐an koy emankepasemak shi dangit, ja singa ẃaray dowangan na edo‐katan. Jet nontan, intenengan ko mowan sota esel la singa trompitay kedsang to, ja kowan to ey, “Kaled jay et ipa‐sas ko son si‐kam sota medeka ali shi ma‐onod ja timpo.” Kowan to,