San Juan 1:49 - Dibshon Mengi-kan Ni Pansigshan

⁴⁹ Jet si Natanael, simongbat ja kowan to ey, “Maistoro, amtak ma ey si‐kam sota Anak nen Apo Shiyos! Si‐kam i Ari ni tood Israel!”

San Juan 1:49 Iomraidhean Croise

San Mateo 14:33

Jet nontan, sota ira too to nodta bangka, nantalimokod ira ja nanshayaw son si‐kato, jet kowan sha son si‐kato ey, “Agpayson si‐kam sota Anak nen Apo Shiyos!”

San Mateo 2:2

Jet sha inbaga ey, “Towa sota nga‐ngen nay‐anak ja ari ali ni Hodiyos? Inon‐an miy inbo‐day nonta talaw shi bedalan et si‐katoy engamta‐an mi so ey nay‐anak. Dimaw kami di say kami manshedjaw so nontan na nay‐anak ka ari.”

San Mateo 21:5

“Ikowan mo so nonta ira tood Jerusalem ey eg ira koma ontakot tep sota ari sha, ondaw alin mengi‐kan ni talna. Isonga nankabajo ali shi kilaw ni donkey ja para obda.”

San Mateo 23:7

Pipiyan sha pay ya rispito‐en ni totoo ira ja semsemano‐an shima malkaro ja karakdan ni too, tan pipiyan shen eẃagan ira ni too ni ‘Maistoro’.

San Mateo 23:8

“Nem si‐kayo, karejo itolok ja ‘Maistoro’ i awag sha son si‐kayo, ta sakey bengat i maistoro jo, tan sakey pay, san‐a‐aki kayo shi pamati.

San Mateo 27:11

Jet nonta ẃares Jesus shima sango‐an nen Gobinarol Pilato, sota gobinarol, inbag‐an tos Jesus ja kowan to ey, “Jet agpayso ja si‐kam sota ari ni Hodiyos?” Simongbat si Jesus ja kowan to ey, “Sota inkowan mo, si‐kato.”

San Mateo 27:42

ja kowan sha ey, “Insalakan to konoy eshom nem eg to met isalakan i bakdang to shorog! Kowan to ey si‐kato kono sota ari ni Israel. Tiga, asen tayo noman no ondespag alid ma koros to say memati kito son si‐kato!

San Mateo 4:3

Jet si Satanas, dimaw ja kowan to so nen Jesus ey, “No agpayson anak toka nen Apo Shiyos, ikowan mo iren ja bato ey manbedin ira ni tinapay.”

San Marcos 15:32

Kowan to ey si‐kato kono sota naypadton ibetkag ali nen Apo Shiyos ja mengisedakan, kowan to ey si‐kato kono sota ari ni Israel. Tiga, asen tayo noman no kaba‐dan ton ondespag alid ma koros to, say memati kito son si‐kato!” Jet sota kait ton showa ja inpakibitay sha son si‐kato, nan‐esel ngo ira ni ngaaw so nen Jesus.

San Lucas 1:35

Kowan nonta anghil ma ey, “Sota Ispirito Santo nen Apo Shiyos i maka‐amta. Sota panakabalin nen Apo Shiyos, ẃara di son si‐kam. Isonga sajay alin nga‐nga, esanto‐an ja enshiy to di panbesolan, jet maykowan ali ey Anak nen Apo Shiyos.

San Lucas 19:38

ja kowan sha ey, “Bindisiyonan koma nen Apo Shiyos iya arin inbetkag to di. Si‐katoy en ali mengi‐kan ni talna ja edapo son Apo Shiyos! Shayaw son Apo Shiyos ja Kangeto‐an!”

San Juan 1:18

Angken sipa, enshiy en engasas son Apo Shiyos, nem eg sota sesakey bengat ja Anak to. Sajay ya Anak to pay i engipa‐amta ni maypangkep son Apo Shiyos ja Ameto.

San Juan 1:34

Jet sajay ya naka pan‐ikowan na inon‐an ko, sajay sota Anak nen Apo Shiyos.” Kowan nen Juan.

San Juan 1:38

Si Jesus, ẃiningi to ira ja eman‐onod ali son si‐kato, jet kowan to ey, “Ngarantoy ibaga jo?” Jet kowan sha son si‐kato ey, “Maistoro, toway moka pan‐iyani?”

San Juan 1:50

Jet si Jesus, simongbat ja kowan to ey, “Kaka memati ta inkowan ko ey inon‐an taka ja nansirom shi kadasan. Jet mas ẃara pay i asen mo ali ja kaskasshaaw ey say sajay.

San Juan 18:37

Jet si Pilato, inbag‐an to pay mowan si Jesus, ja kowan to ey, “Jet ari ka ngarod?” Simongbat si Jesus ja kowan to ey, “Si‐katoy inkowan mo, ey ari‐ak. Si‐kak, dimawak alid ja dobong ja nay‐anak, say nak ali ikowan i maypangkep ni podno. Jet emin ira sota makakosto ni podno, shaka pati‐a i naka ikowan.”

San Juan 4:31

Idi enshi mala sota bii, inkowan ngo nonta ira too nen Jesus son si‐kato ey, “Apo, pangan ka!”