San Juan 1:45 - Dibshon Mengi-kan Ni Pansigshan

⁴⁵ Jet si Felipe, simbi tos Natanael, jet inkowan nen Felipe son si‐kato ey, “Wara ma niman sota inpadto nen Moises ja insolat tod dinteg tan insolat nonta ira para padto. Jet inaspol mi! Say ngaran to, Jesus. Si‐kato ket i‐Nasarit ja potot nen Jose.”

San Juan 1:45 Iomraidhean Croise

San Mateo 10:3

si Felipe nen Bartolome; si Tomas, si Mateo ja istay para singil ni bowis; si Santiago ja anak nen Alpio, si Tadio,

San Mateo 13:55

Sajay emo met sota anak nonta kalapintiro! Aliẃa ayen si Maria i ineto? Amta tayo met sota ira a‐aki to ja si Santiago, Jose, Simon, tan si Judas.

San Mateo 2:23

Jet siya, dimaw ired man et nan‐iyan ired ma siyodad ja kowan sha ey Nasarit. Sajay i edaga say metongpal sota naypadto nonta bayag da ja kowan to ey, “Si‐kato, mayngadnan ey i‐Nasarit.”

San Mateo 21:11

Jet sota ira totoo ja nay‐olop son si‐kato, kowan sha ey, “Sajay sota para padto nen Apo Shiyos ja si Jesus i ngaran to. Too did Nasarit ja sakop ni Galilia!”

San Marcos 14:67

jet inon‐an tos Pedro ja emenangshang nodta apoy. Inningning tos Pedro et kowan to ey, “Angken si‐kam met, eki‐od‐odop ka so nonta i‐Nasarit ja si Jesus i ngaran to.”

San Marcos 6:3

Sajay emo met sota anak nonta kalapintiro! Aliẃa ayen si‐kato sota anak nen Maria? Amta tayo met sota ira a‐aki to ja si Santiago, Jose, Judas, tan si Simon. Tan iyay pay ired jay sota bibiin a‐aki to!” Jet sotan iren kaidiyan to, dinamsis sha si Jesus.

San Lucas 18:37

Kowan sha son si‐kato ey, “Si Jesus ja i‐Nasarit, ondabas alid jay.”

San Lucas 2:4

Isonga si Jose, dima‐jat ngo shi baley tod Nasarit ja ilin Galilia et dimaw shi Bitlihim ma ilin Jodia, ja kawad‐an nen Ari David nonta bayag da. Shiman i dinaẃan nen Jose ja nanpalista‐an tep poli nen Ari David. Nan‐olop ira nen Maria, ja naykarin esaw‐en to et naytompong ngon malokon nontan si Maria.

San Lucas 2:48

Si Maria tan si Jose, nasshaaw ngo ira ni in‐asas sha so et kowan nen ineto ey, “Anak ko, apay nga dingkam iyay son si‐kami? Si amam tan si‐kak, eshanagan kamin pasiya ni ana‐anap mi son si‐kam.”

San Lucas 24:27

Jet si Jesus, in‐olog ton emin son si‐kara sota naysolat nonta bayag da maypangkep son si‐kato, manshoki shi dibsho ira nen Moises tan emin na insolat ni para padto nen Apo Shiyos nonta bayag da.

San Lucas 24:44

Jet kowan to son si‐kara ey, “Say inkowan ko nonta ẃara‐ak pay laeng son si‐kayo, emin sota naysolat ja maypangkep son si‐kak nonta bayag da shi bilin nen Moises tan shi solat ira nonta para padto, tan shi dibsho pay ni Salmo, mesepol la metongpal.”

San Lucas 3:23

Si Jesus, ẃaray tedon tawen to nonta inshogi ton engitosho. Jet say pangkep ira ni karakdan, kowan sha ey anak nen Jose. Iyay i ngarangaran iren makapoli so nen Jose. Say ama nen Jose, si Eli;

San Lucas 4:22

Jet sota toon engitneng, shaka kosto‐is Jesus, nem nasshaaw iren emin nonta kalaing ton man‐a‐sel, ja kowan sha ey, “Aliẃen sajay aya sota anak nen Jose?”

San Juan 12:21

Jet sajay iren totoo, dimaw ira so nen Felipe ja i‐Bitsaida ja sakop ni Galilia, jet kowan sha ey, “Apo, piyan min asen si Jesus.”

San Juan 14:8

Si Felipe, kowan to ey, “Apo, ipa‐sas mo son si‐kami si Ama say mepnek kami.”

San Juan 18:5

Simongbat ira ja kowan sha ey, “Si Jesus ja i‐Nasarit.” Jet si Jesus, kowan to ey, “Si‐kak sotan na too.” (Wara nontan na mismo si Judas ja engibaag son Jesus, ja eki‐odop son si‐kara.)

San Juan 18:7

Jet si Jesus, inpinshowa to ja kowan to ey, “Sipay joka pan‐enapa?” Jet kowan sha mowan ey, “Si Jesus ja i‐Nasarit.”

San Juan 19:19

Jet si Pilato, ẃaray inpaisolat to ja kowan to ey, “Sajay si Jesus, ja i‐Nasarit, ja ari ni Hodiyos.” Sajay ya inpaisolat to, sha inpakpak shima koros nen Jesus.

San Juan 21:2

Si Simon Pedro, si Tomas ja inbeshay sha ey Epin, si Natanael ja i‐Kana ja sakop ni Galilia, tan sota san‐agin potot nen Sibidi, nan‐o‐odop ira, pati sota showen too met laeng nen Jesus.

San Juan 6:42

ja kowan sha ey, “Sajay met si Jesus; amta tayo met iray maka‐anak son si‐kato! Angsan i to ikowan ey si‐kato ket edapod dangit.”

San Juan 6:5

Idi ẃimingi si Jesus, inon‐an to ali ira sota eshakel la toon emandaw son si‐kato, jet kowan to ey, “Felipe, toway pengal‐an ni mekan ja on‐anay ya kenen ira niman na totoo?”

San Juan 6:7

Jet si Felipe, simongbat ja kowan to ey, “Sajay ya karakel sha, angken pigen dasos i itongkal tayo ni tinapay, eg pay on‐anay son si‐kara, angken ko‐ko‐tiken tayo.”

Inpaspasing 10:38

Jet amtayo met ey si Apo Shiyos, shinotokan tos Jesus ja i‐Nasarit ja si‐katoy pan‐iyanan ni Ispirito Santo to, tan in‐aknan to ni panakabalin to. Jet si Jesus, nan‐aka‐akad say en mandeka ni panmaptengan ni totoo, jet inpamapteng ton emin sota emanpansekit ja kepedigata nen Satanas, ta si Apo Shiyos, ẃara ni olay son si‐kato.

Inpaspasing 2:22

“Si‐kayon kait kon Hodiyos, itnengi jo iya ikowan ko son si‐kayo! Si Jesus ja i‐Nasarit, inpandaga nen Apo Shiyos ni kaskasshaaw wa milagro, ja inon‐an jon mismo, jet si‐katoy pengamta‐an jo ey si‐katoy inbetkag nen Apo Shiyos. Amtayon emin iyay.

Inpaspasing 22:8

Simongbatak ja kowan ko ey, ‘Sipa ka apo?’ Waray simongbat mowan ja kowan to ey, ‘Si‐kak si Jesus ja i‐Nasarit ja maybidang ey moka panpedigata, ta epaladoy moka pesing so ira nonta emati son si‐kak.’

Inpaspasing 26:9

“Si‐kak nonta pilmiro, kowan ko ngo ey mapteng no kontra‐en kon emin sota banag ja maypangkep so nen Jesus ja i‐Nasarit.

Inpaspasing 3:6

Nem si Pedro, kowan to ey, “Enshiy pilak ko, nem ẃaray itolong ko son si‐kam ja medepo so nen Jesucristo ja i‐Nasarit. Isonga niman, pan‐akad ka!”