San Juan 1:4 - Dibshon Mengi-kan Ni Pansigshan

⁴ Si‐katoy engi‐kan ni biyag jet sota biyag ja in‐akan to, si‐katoy dimawag so ni nemnem ni totoo.

San Juan 1:4 Iomraidhean Croise

San Mateo 4:16

jet shiman, sota ira too ja may‐eshig ey edabi‐an ja imekok shima embolinget ta shalan, singa ẃaray on‐an sha alin maniyal la silew ja menidew son si‐kara. Jet angken sota ira toon patey i istay toshongen sha, singa eẃa‐ẃa‐an ira.”

San Lucas 2:32

Si‐katoy may‐eshig ga silew ja ondawag ni toon eg maka‐amta son si‐kam Apo Shiyos, tan si‐katoy mengi‐kan ni kayshedjawan ni toom ja Israel.” Sajay i iyaman nen Simeon.

San Juan 11:25

Simongbat si Jesus mowan, ja kowan to ey, “Si‐kak i panbiyag so ira nonta nanketey, tan mengi‐kan ni biyag sha; isonga sota memati son si‐kak, angken na metey, manbiyag met laeng.

San Juan 12:35

Simongbat si Jesus, ja kowan to son si‐kara ey, “Sota may‐eshig ey silew ja ondawag ni nemnem jo, entikey ya timpoy kawasha to son si‐kayo. Isonga niman ta ẃara pay laeng son si‐kayo, iringan jon man‐ekad; ta no medebi‐an kayo, eg jo amtay toshongen jo.

San Juan 12:46

Dimawak alid jay ya may‐eshig ey silew ni tood ja dobong, say medeẃagan i nemnem sha. Jet sota ira memati son si‐kak, may‐eshig ey enshi ma ira shi embolinget.

San Juan 14:6

Jet si Jesus, simongbat ja kowan to ey, “Si‐kak i may‐eshig ja shalan, si‐kak i podno, si‐kak i mengi‐kan ni biyag. Enshiy angken sipa ja maka‐edaw so nen Amak, no eg nin manshedan son si‐kak.

San Juan 3:19

Jet say kabol la keshosa‐an sha, sota eg sha kosto‐an so nonta inbetkag ali nen Apo Shiyos ja ondawag so ni nemnem sha. Say piniyan ni too et ngo mowan, sota pandegdeka ni ngaaw, ja angken eg medeẃagan i nemnem sha.

San Juan 5:21

Si Amak, si‐katoy ememiyag nonta nanketey, jet angken si‐kak ja Anak to, mengi‐kanak ni biyag so nonta toon piyan kon pengi‐kanan.

San Juan 5:26

Ta si Amak, si‐katoy kedepo‐i ni biyag, jet si‐kak ja Anak to, in‐aknan towak ni kanebengan kon mengi‐kan ni biyag,

San Juan 8:12

Si Jesus, intoloy ton nantoro so nonta ira totoo ja kowan to ey, “Si‐kak i silew wa ondawag so ni nemnem ni tood ja dobong. Sota memati ja on‐onod son si‐kak, may‐eshig ey enshi ired embolinget, ta edawagan may nemnem sha; isonga ẃaray biyag son si‐kara.”

San Juan 9:5

Niman ta ẃara‐ak pay laeng shiya dobong, si‐kak i may‐eshig ey silew wa ondawag so ni nemnem ni tood ja dobong.”

1 I-Korinto 15:45

Naytotop shiyay met laeng sota naysolat nonta bayag da ja kowan to ey, “Si Adan ja pilmiron too, nay‐aknan ni biyag.” Si Cristo, singa paris nen Adan, jet si‐kato ngoy emengi‐kan ni biyag, nem sajay ya biyag, anam ton man‐iyan shi dangit.

I-Ipiso 5:14

Sajay i kaytoshongan nonta kowan to ey, “Si‐kam ma may‐eshig ey na‐ogip, bangon ka, panpawil ka did patey, jet si Cristo, deẃagan toka.”

I-Kolosas 3:4

Si Cristo i koston kawad‐an ni biyag jo, jet no man‐odi ali mowan, mesa‐datan i bakdang tayon may‐inges son si‐kato; onniyal, ja inges toy ẃared dangit.

1 San Juan 1:1

Iyay i isolat ko para son si‐kayo, ta piyan kon ikowan son si‐kayo sota maypangkep son Cristo ja emengipa‐amta ni maypangkep son Apo Shiyos, tan emengi‐kan ni biyag. Si Cristo, sigod ja ẃara ngoreshan nonta eg pay laeng epalsowa iya dobong jet nonta indaw to did ja dobong, mismon intenengan miy inkowan to, inon‐an miy dingka to, tan pinishat mi pay i bakdang to.

1 San Juan 1:2

Si‐katoy kawad‐an ni biyag ja enshiy to engintegan jet sigod ja ẃara ngoreshan son Apo Shiyos ja Ameto. Jet si Apo Shiyos, inbetkag to di son si‐kami, jet inon‐an min mismo sotan na biyag ja ẃara son si‐kato. Isonga niman, mesepol ngon sota inon‐an mi tan intenengan mi, ikowan mi son si‐kayo, say maykait kayo ngo son si‐kami ni inpakikadẃa mi son Apo Shiyos ja Ama, tan si Jesucristo ja Anak to.

1 San Juan 5:11

Jet sotan na kowan nen Apo Shiyos, ja mesepol la pati‐en, kowan to ey ẃaray in‐akan ton biyag son si‐katejo ja enshiy to engintegan, jet sajay ya biyag, may‐ekan bengat so nonta ira memati son Jesus ja Anak to.

Inpa-Amta Nen Jesucristo 22:1

Sota anghil, inpa‐sas to son si‐kak sota shanom ma emengi‐kan ni biyag et sajay ya shanom, emandining ja singa sota kowan sha ey kristal. Edapo ali sotan na shanom nodta tongawan nen Apo Shiyos, tan nodta kad‐an ni Kalniro.

Inpa-Amta Nen Jesucristo 22:16

Jet kowan nen Jesus son si‐kak ey, “Si‐kak si Jesus ja engibetkag ni anghil ko ja mengikowan niyay son si‐kam et isodat mo ngo so nonta ira emati son si‐kak ja ẃared ma ka‐ili‐ili. Si‐kak, say polin edapo‐an ko, si Ari David nonta bayag da. Si‐kak sota may‐eshig ey talaw wa mamowas ja maniyal.” Kowan nen Apo Jesus.