San Juan 1:34 - Dibshon Mengi-kan Ni Pansigshan

³⁴ Jet sajay ya naka pan‐ikowan na inon‐an ko, sajay sota Anak nen Apo Shiyos.” Kowan nen Juan.

San Juan 1:34 Iomraidhean Croise

San Mateo 11:27

Jet inkowan to pay ey, “Si‐kak bengat i inpiyalan so nen Amak ni emin. Si‐kak bengat i maka‐amta ni emin na maypangkep son si‐kato, tan si‐kato ngo bengat i maka‐amta son si‐kak ka Anak to. Isonga sota piyan kon pengitosho‐an maypangkep ni pantoshayan nen Apo Shiyos, si‐katoy itoro‐an ko so.”

San Mateo 16:16

Si Simon Pedro, simongbat ja kowan to ey, “Si‐kam sota inpadtora nonta bayag da ey ibetkag ali nen Apo Shiyos ja mengisedakan. Si Apo Shiyos, ẃaray biyag to ingkatod ingka jet si‐kam i Anak to.”

San Mateo 17:5

Jet nonta marama pay laeng ja eman‐a‐sel si Pedro, ebiglen ẃaray kolpot ta emenenili ja dimespag ali son si‐kara ja dinikopan to ira. Jet ẃaray esel ja edapo nodtan ja intenengan sha ja kowan to ey, “Sajay i Anak ko jet ensemek ko. Si‐katoy naka kosto‐i, isonga patiyon emin i ikowan to.” Kowan nonta esel alid kolpot.

San Mateo 26:63

Nem si Jesus, imeg‐eket. Jet sota kangeto‐an na pari, kowan to ey, “Ipodnom no agpayson si‐kam sota Anak nen Apo Shiyos ja inkari to nonta bayag da ey ibetkag to alin mengisedakan! Si Apo Shiyos, ẃara ni olay ingkatod ingka jet si‐katoy pansangba‐an mo!”

San Mateo 27:40

ja kowan sha ey, “Towa! Kowan mo ey Anak toka nen Apo Shiyos, tan kowan mo pay ey sheshalen moy Timplo jet bengonen mo mowan ni tedon akew! Apay nga eg mo isalakan i bakdang mo shorog ja ondespag alid ta koros mo?”

San Mateo 27:43

Si Apo Shiyos konoy toka panshindi, jet asen tayo noman ka, no isalakan nen Apo Shiyos niman? Kowan to ey Anak nen Apo Shiyos, jet ma‐sas ka no ensemek nen Apo Shiyos!”

San Mateo 27:54

Sota kapitan ni solsharo, tan sota kait ton emanbantay son Jesus ja naykoros, dineknara sota jegjeg jet mismon inon‐an shay epasemak. Eta‐kot iren pasiya jet kowan sha ey, “Agpayso gayam ey sajay ya too ket anak ni Shiyos!”

San Mateo 3:17

Jet nontan met laeng, ẃara aliy esel nen Apo Shiyos ja edapod dangit ja kowan to ey, “Si‐kam i Anak ko jet ensemek taka, tan si‐kam i naka pandadsaki.”

San Mateo 4:3

Jet si Satanas, dimaw ja kowan to so nen Jesus ey, “No agpayson anak toka nen Apo Shiyos, ikowan mo iren ja bato ey manbedin ira ni tinapay.”

San Mateo 4:6

Jet kowan to so nen Jesus ey, “No agpayson anak toka nen Apo Shiyos, pan‐ekas ka. Say kowan met ni naysolat nonta bayag da, kowan to ey, ‘Ibilin nen Apo Shiyos so nonta anghil to ey ajowanan shaka.’ Isonga eg ka mesekitan. Tan say kowan to pay, ‘Egni‐an shaka ni takday sha, say eg mesekitan i sedim ni bato.’ ”

San Mateo 8:29

Jet pimekis ira ja kowan sha ey, “Anak nen Apo Shiyos! Nganto may pesing mo son si‐kami? Apay dimaw ka din jokami shosa‐en, ey aneng nin i timpo to?”

San Marcos 1:1

Sota mapteng nga shamag maypangkep son Jesucristo ja Anak nen Apo Shiyos,

San Marcos 1:11

Jet si Apo Shiyos, imesel alid dangit ja kowan to ey, “Si‐kam i Anak ko et ensemek taka, tan si‐kam i naka pan‐imdengi.”

San Lucas 1:35

Kowan nonta anghil ma ey, “Sota Ispirito Santo nen Apo Shiyos i maka‐amta. Sota panakabalin nen Apo Shiyos, ẃara di son si‐kam. Isonga sajay alin nga‐nga, esanto‐an ja enshiy to di panbesolan, jet maykowan ali ey Anak nen Apo Shiyos.

San Lucas 3:22

Jet dimespag aliy Ispirito Santo nen Apo Shiyos son si‐kato, ja na‐sas ja singa inges toy itsora ni kalopati. Jet si Apo Shiyos, imesel alid dangit ja kowan to ey, “Si‐kam i Anak ko et ensemek taka, tan si‐kam i naka pan‐imdengi.”

San Juan 1:18

Angken sipa, enshiy en engasas son Apo Shiyos, nem eg sota sesakey bengat ja Anak to. Sajay ya Anak to pay i engipa‐amta ni maypangkep son Apo Shiyos ja Ameto.

San Juan 1:49

Jet si Natanael, simongbat ja kowan to ey, “Maistoro, amtak ma ey si‐kam sota Anak nen Apo Shiyos! Si‐kam i Ari ni tood Israel!”

San Juan 10:30

Si‐kamin Amak, saksakey kami.”

San Juan 10:36

apay nga kowan jo ey basol ko no ikowan ko ey Anak towak nen Apo Shiyos, ey agpayso met ja si‐katoy mismon shimotok son si‐kak, jet inkowan to ey ondawak alid ja dobong?

San Juan 11:27

Si Marta, simongbat ja kowan to ey, “Naka memati ey si‐kam sota naypadton mengisedakan ja Anak nen Apo Shiyos ja ibetkag to alid ja dobong!”

San Juan 19:7

Jet sota ira toray ni Hodiyos, simongbat ira ja kowan sha ey, “Waray dinteg min Hodiyos ey sota toon mengikowan ey si‐kato ket Anak kono nen Apo Shiyos, mesepol la mebono, jet satan na too, si‐katoy inkowan to.”

San Juan 20:28

Si Tomas, simongbat ja kowan to ey, “Si‐kam i Apok tan Shiyos ko!”

San Juan 20:31

Nem saja insolat kod jay ya dibsho, insolat ko say memati kayo ey si Jesus ket si‐kato sota naypadton mengisedakan ja ibetkag ali nen Apo Shiyos, tan say memati kayo ey si‐kato sota Anak nen Apo Shiyos. Jet say sakey pay ja insolatan ko so niyay, say no memati kayo, meẃad‐an kayo ni biyag ja enshiy to engintegan.

San Juan 6:69

jet kamika memati son si‐kam, ta amta mi ey si‐kam sota shinotokan nen Apo Shiyos ja inbetkag to did ja dobong.”

2 I-Korinto 1:19

Si Jesucristo ja Anak nen Apo Shiyos, aliẃen emanbinaliw i toro to, no diket sota kowan to, si‐kato. Isonga sota naka pan‐itoro, tan sota pan‐itoro nen Silas nen Timoteo, ja maypangkep son Cristo, inges to ngon aliẃen emanbinaliw.

Hodiyos 7:3

Sajay ya ari, enshiy engistoriya ni ameto, ineto, ono poli to. Isonga enshiy ka‐amta‐an ni inkay‐anak to, ono inkatey to. Sajay ya too, pari ni olay ingkatod ingka, ja singa si Jesus ja Anak nen Apo Shiyos.

1 San Juan 2:23

Nem say nemnemen jo, sajay. No sipay too ja eg memati ey si Cristoy Anak nen Apo Shiyos, eg maybidang ey Ametos Apo Shiyos. Nem no sipay toon ememati ey si Jesus i Anak nen Apo Shiyos, si‐katoy maka‐ama so nen Apo Shiyos.

1 San Juan 3:8

Sota ira ngaaw ni olay i aramid to, ẃara ira son Satanas, ta angken nonta pilmiron timpo ngoreshan, si Satanas, ngaaw ni olay i aramid to. Jet say kabol la dinaẃan ali nen Cristo ja Anak nen Apo Shiyos, say ngawngawen ton emin sota kepengeẃis nen Satanas son si‐katejo ja mandeka ni ngaaw. Isonga tanshaaniyo, ta no may‐a‐shom kayo nodta ngaaw wa aramid nen Satanas, maykontra kayo son Cristo.

1 San Juan 4:9

Say amta‐an tayo so ey ebadeg i semek nen Apo Shiyos son si‐katejo, sajay. Inbetkag to ali sota sesakey ya Anak to shiya dobong, say meẃad‐an kito nonta biyag ja enshiy to engintegan, pangkep nonta inkatey tod koros.

1 San Juan 5:20

Jet amta tayo pay ey sota Anak nen Apo Shiyos, dimaw ali shiya dobong jet engi‐kan son si‐katejo ni koston pannemnem say eẃatan tayo i maypangkep son Apo Shiyos, ey si‐kato i podno. Jet say kawad‐an tayo ma niman, sota podnon Shiyos, tan si Jesucristo ja Anak to. Sajay i podnon Shiyos, ja emengi‐kan ni biyag ja enshiy to engintegan.

2 San Juan 1:9

Sota eg meki‐onod nonta koston toro nen Cristo, ja toka da‐to‐i, enshis Apo Shiyos son si‐kato. Nem sota ka‐onong shi koston pamati son Cristo, ẃara son si‐kato si Apo Shiyos ja Ama, tan si Jesucriston Anak to.

Inpa-Amta Nen Jesucristo 2:18

“Isodat mo ngo iyay para so nonta pangolo ni emati shi Tiyatira: ‘Iyay i esel la kowan nonta Anak nen Apo Shiyos ja say itsora ni mateto, singa shalang ni apoy, tan say itsora ni sedi to, singa dining ni boronsi. Sajay i kowan to: