San Juan 1:13 - Dibshon Mengi-kan Ni Pansigshan

¹³ Say itsora ni kaybidangan ni totoo ey annak nen Apo Shiyos ket kabol nonta panakabalin nen Apo Shiyos; aliẃen inges toy itsora ni kay‐enak ni too so ni maka‐anak so, tep say too, ẃaray nemnem sha ey man‐enak koma ira, tan sakey pay, shaka i‐onod i dekna ni bakdang sha; isonga sotan i kabol la kay‐enaki ni too.

San Juan 1:13 Iomraidhean Croise

San Mateo 3:9

Karejo panshindan sota kowan jo ey si‐kayo ket poli shakejo nen Abraham. Enshi, eg on‐anay iyay! Tep si Apo Shiyos, mebedin ton osalen i bato ja palsowa‐en ni too jet ikowan to ey poli nen Abraham.

San Juan 3:3

Jet si Jesus, simongbat ja kowan to ey, “Kinapodpodno iya ikowan ko son si‐kam. Angken sipa, eg mebedin na asen toy pantoshayan nen Apo Shiyos, no eg may‐enak mowan.”

1 I-Korinto 3:6

Sajay i kay‐eshigan ni obda mi: si‐kak i singa engimoda nonta botil, jet si Apolos i singa simibog so. Nem sotan na mola, eg onba‐deg no eg peba‐deg nen Apo Shiyos.

I-Pilipos 2:13

Ta angken si Apo Shiyos, eman‐obda ngo ja emengitoshong son si‐kayo, say mapiyal kayo ja mandeka ni piyan to.

Tito 3:5

ni insalakan tokito so. Jet sajay ya dingka to son si‐katejo, aliẃen sobadit ni kompormin mapteng ja dingdingka tayo, no diket dingka to iyay ta ebadeg i kaasi to son si‐katejo. Inomas toy basol tayo, tan inpan‐iyan to pay sota Ispirito Santo to son si‐katejo; isonga ẃara ma son si‐katejo i badon biyag, ja singa ikay‐anak kito.

Santiago 1:18

Isonga nemnem to ngon inpanbalin shakiton annak to, jet say inosal to, sota esel to shorog ja podno ja naytoro son si‐katejo. Jet siya, singa si‐katejo may kapatkan so ni emin na palsowa to.

1 San Pedro 1:23

Niman, ẃaray badon biyag jo, jet sajay ya badon biyag jo, edapo so nen Apo Shiyos. Aliẃen na inges to sota biyag ga ẃara son si‐kayo nonta inkay‐anak jo. Sajay ya biyag ja ẃara son si‐kayo niman, biyag ja enshiy to engintegan, ja in‐akan nen Apo Shiyos son si‐kayo nonta emati kayo nonta esel to ja intenengan jo nontan da. Manakabalin iyay ya esel tep si Apo Shiyos ja edapo‐an to, ẃara ni olay shi biyag ingkatod ingka.

1 San Pedro 1:3

Man‐iyaman kito ni olay so nen Apo Shiyos ja Ama nen Jesucristo ja Apo tayo, ta ebadeg ga pasiyay kaasi to son si‐katejo. Isonga in‐aknan shakito ni biyag ja bado kabol ni inpamati tayo son Cristo. Jet niman ma, ebadeg i namnama tayo ey man‐ongal kito ali tep si Jesucristo, si‐katoy epangdon nan‐ongal nontan da.

1 San Pedro 2:2

Say pipiyan jo koma ket sota ketod‐an jo ni koston pannemnem, ja inges to sota nga‐ngen ikaybo‐day to ja say pipiyan to ket sota menoso. No metod‐an kayon kosto, onba‐deg i pamatiyo ingkatod ka‐enayan ni kaysedakan jo.

1 San Juan 3:9

No sipay toon si Apo Shiyos i Ameto, eg ma mandeka ni ngaaw, ta nan‐inges i ogadiren san‐ama, jet eg ma mebedin na itoloy ton manbesol ni olay, tep anak ma nen Apo Shiyos.

1 San Juan 4:7

Si‐kayon ensemek ko, mesepol la ẃaray semek tayo ni olay so ni kait tayo. Ta say edapo‐an ni semek, si Apo Shiyos. Isonga sota ensemek toy kait to, si‐karay podnon maka‐amta son Apo Shiyos jet si‐karay annak to.

1 San Juan 5:1

Sota ira ememati ey si Jesus, si‐kato sota inbetkag ali nen Apo Shiyos shiya dobong, si‐karay podnon annak nen Apo Shiyos, jet sota ira ẃaray semek to son Apo Shiyos ja Maka‐anak son si‐kara, ẃara ngoy semek sha so nonta kait shen annak to.

1 San Juan 5:18

Amta tayo ey si‐katejon annak nen Apo Shiyos, inbi‐jag tayon manbesol ma, ta si Jesucristo ja Anak nen Apo Shiyos, si‐katoy emengitoshong son si‐katejo shi mapteng. Jet si Satanas, enshiy pesing ton onsharal son si‐katejo.

1 San Juan 5:4

ta si‐katejon annak nen Apo Shiyos, si Apo Shiyos i ontolong son si‐katejo tep ẃaray pamati tayo son Cristo. Isonga eg kito ontolok ja ma‐ebak ja mandeka ni ngaaw ja inges toy kedagdag‐a ni karakdan na tood ja dobong.