San Juan 1:11 - Dibshon Mengi-kan Ni Pansigshan

¹¹ Dimaw pay shi mismon ili to, nem sota kaidiyan tod man, eg sha ineẃat.

San Juan 1:11 Iomraidhean Croise

San Mateo 15:24

Si Jesus simongbat ja kowan to ey, “Say inbetkagan towak so bengat nen Apo Shiyos, sota ira Hodiyos ja may‐eshig ey kalniron imaraẃi, jet enshiy biyang ko shiya tood jay ya aliẃen Hodiyos.”

San Lucas 19:14

Nem sota ira totoo nodtan na dogad ja edapo‐an to, eg sha koston si‐katoy mengitoshay koma son si‐kara; isonga engibetkag ira ni en manriri nodta kowan to ey daẃan to ja eẃatan to so ni kina‐ari to, ja kowan sha ey, ‘Eg mi koston si‐katoy mengitoshay son si‐kami.’

San Juan 1:10

Si‐katoy kabol la epalsowa‐an ni dobong, nem idi dimaw ali, eg binigbig ni tood ja dobong ey si‐kato sotan.

San Juan 1:12

Nem sota emin na too ja engawat son si‐kato, ono emati son si‐kato, inkowan to ey nebeng shen maybidang ey annak ma nen Apo Shiyos.

San Juan 19:27

Jet inkowan to ngo so nonta apostol ey, “Si‐kato may inam!” Jet nontan ma ja akew, inodop nonta apostol sota ina nen Jesus shi baley to ja meki‐iyan ma shiman.

San Juan 3:32

say toka pan‐ikowan, sota maypangkep ni inon‐an to tan sota intenengan to shi dangit. Emin na too, istay memati ira koma, nem ootik met i memati ni toka pan‐ikowan.

Inpaspasing 13:26

“Si‐kayon kait kon Hodiyos ja poli nen Abraham, tan si‐kayon aliẃen Hodiyos ja etod‐an na manshedjaw son Apo Shiyos, naytoro son si‐katejon emin sota esel nen Apo Shiyos ja si Jesus i Mengisedakan!

Inpaspasing 13:46

Nem si Pablo nen Bernabe, mas timoled ira ja man‐a‐sel, jet kowan sha ey, “Mesepol la si‐kayon Hodiyos nin i kaykowanan ni esel nen Apo Shiyos, nem niman ta binedaw jo, ja endedamsis jo sota biyag ja enshiy to engintegan ja eg jo koston eẃaten, ondaw kami ma shi toon aliẃen Hodiyos jet si‐kara may pengitosho‐an mi.

Inpaspasing 21:6

Kami nandogan nodta barko ey si‐kara, nay‐oli ired baley sha ngo.

I-Roma 15:8

Karejo dibkan ey aliẃen sakey bengat i pangkep nen Cristo nonta inbetkag nen Apo Shiyos ja en mengitosho so nonta ira Hodiyos. Dimaw ali say ipa‐sas to ey si Apo Shiyos ket agpayson tongpalen to sota kari to nonta bayag da so nonta ira apo sha.

I-Roma 9:1

Si‐kak, emati‐ak so nen Cristo, isonga agpayso iya ikowan ko di; aliẃen na naka man‐o‐owap. Amtak ey aliẃen o‐owap iya ikowan ko tep sota Ispirito Santo nen Apo Shiyos i emengitoshong niya nemnem ko. Say kowan ko, sajay: ebadeg i naka pengisekit ni kait kon Hodiyos. Naka mandeshingit ta pasiya ni olay kabol son si‐kara ja karada‐an ko. No mebedin koma, angken si‐kak et ngo i shosa‐en nen Apo Shiyos ingkatod ingka, jet angken maysi‐janak son Cristo, basta si‐katoy pemati‐an ni kait kon Hodiyos son Cristo. Nem eg met mebedin.

I-Roma 9:5

Si‐karay poli nonta mismon sampolo tan showen annak nen Israel, jet si Cristo ja inbetkag ali nen Apo Shiyos, no maypangkep ni kinatoo to, edapo met laeng shi poli nen Israel; isonga kait sha met laeng si Cristo. Jet si Cristo, ja Shiyos met laeng, si‐katoy Kangeto‐an so ni emin, tan si‐kato pay i mayshedjaw ingkatod ingka! Siya, satan da.

I-Galasia 4:4

Nem idi simabi ma sota koston timpo, inbetkag nen Apo Shiyos ali sota Anak to. Jet sajay ya Anak to, in‐anak ni bii jet sinekopan nonta bilin ni Hodiyos manipod nonta inkay‐anak to.