San Juan 1:10 - Dibshon Mengi-kan Ni Pansigshan

¹⁰ Si‐katoy kabol la epalsowa‐an ni dobong, nem idi dimaw ali, eg binigbig ni tood ja dobong ey si‐kato sotan.

San Juan 1:10 Iomraidhean Croise

San Mateo 11:27

Jet inkowan to pay ey, “Si‐kak bengat i inpiyalan so nen Amak ni emin. Si‐kak bengat i maka‐amta ni emin na maypangkep son si‐kato, tan si‐kato ngo bengat i maka‐amta son si‐kak ka Anak to. Isonga sota piyan kon pengitosho‐an maypangkep ni pantoshayan nen Apo Shiyos, si‐katoy itoro‐an ko so.”

San Juan 1:11

Dimaw pay shi mismon ili to, nem sota kaidiyan tod man, eg sha ineẃat.

San Juan 1:18

Angken sipa, enshiy en engasas son Apo Shiyos, nem eg sota sesakey bengat ja Anak to. Sajay ya Anak to pay i engipa‐amta ni maypangkep son Apo Shiyos ja Ameto.

San Juan 1:3

Jet si‐katoy kabol la edaga‐an ni emin na angken nganto. No enshi sotan, enshi ngoy epalsowen angken nganto.

San Juan 1:5

Emansidew sotan shi embolinget, jet sota embolinget, eg to mebedin na ebaken sota silew.

San Juan 17:25

Si‐kam ja Amak, amtak ey enshiy moka pankodangi. Saja tood ja dobong, eg shaka amta; nem si‐kak, amta taka. Jet sajay iren took, amtara ey si‐kam i engibetkag ali son si‐kak.

San Juan 5:17

Jet si Jesus, inkowan to son si‐kara ey, “Say kowan jo, no timpo ni ngilin tayon Hodiyos, eg kita man‐obda. Nem si Apo Shiyos ja Amak, eg onsalsheng i obda ton mengaasi ni too; isonga mesepol la si‐kato ngoy dag‐en ko.”

Inpaspasing 14:17

Nem angken binaybay‐an to ira, ẃara mangoy amta‐an so ni too ni kina‐Shiyos to. Isonga mapteng i dingdingka to son si‐kayo: inpan‐oran to ali shi dangit, jet sinibogan toy molejo; isonga engapit kayo ma ni kosto, ẃara may kenen jo, tan kayoka eman‐imdeng ma ja pasiya.” Kowan nen Pablo.

1 I-Korinto 1:21

Si Apo Shiyos, amta toy toka dagdag‐a, jet say plano to, angken ngantoy kalaing ni too, eg mebedin na sotan i amta‐an to so nen Apo Shiyos. Nem say inpasing to et ngo mowan, kowan to ey isalakan to ira sota memati nonta mika pan‐itoro maypangkep son Cristo, angken kowan ni nankedaing ey enshiy silbi ton toro.

1 I-Korinto 2:8

nem sajay, angken sakey so nonta ira toray shiya dobong, eg sha ineẃatan iyay. Ta no istay ineẃatan sha koma, eg sha indansa si Apo Jesucristo shi koros, tep si‐katoy Kangeto‐an.

1 I-Korinto 8:6

Nem no si‐katejo, amta tayo ey sakey bengat i Shiyos, jet si‐katoy Ametayo. Si‐katoy engamag ni emin, tan si‐katoy tayoka toshonga ni emin na tayoka dagdag‐a. Amta tayo pay ey sakey bengat i Apo, jet si‐kato si Jesucristo. Si‐katoy kabol la epalshowa‐an ni emin, tan si‐katoy kabol la eẃara‐an ni biyag tayo ingkatod ingka.

I-Kolosas 1:16

Emin na banag ja ẃared dangit, tan shiya dobong — saja ma‐sas, tan saja eg ma‐sas — si Apo Shiyos i emalsowa — angken pay sota ira anghil la kangeto‐an shi dangit, nem si Cristoy kadẃa ton emalsowa iren jay. Si Cristoy kabol la epalsowa‐an sha, say si‐kato met laeng i ishayaw sha.

Hodiyos 11:3

Inges to ngo son si‐katejo: sota pamati tayo i amta‐an tayo so ey saja dobong ket epalsowa nonta inkowan nen Apo Shiyos ey meẃesha. Sotan ey eẃaren to‐to‐ẃa. Agpayson saja ira pinalsowa to ket enshiy eshom ma to edapo‐an, no diket si‐katon mismo; enshi nontan i kompormin banag ja pengal‐an to ni palsowa‐en to.

1 San Juan 3:1

Iyay i nemnemen jo koma. Say semek nen Apo Shiyos son si‐katejon annak to, ebadeg ga pasiya, isonga mayngadnan kito ey annak to. Aliẃen awag bengat, no diket podnon naykari kito ey annak to. Sota toon eg memati son si‐kato, eg sha eẃatan i kasesaad tayo ta angken si Apo Shiyos, eg sha pati‐en.