Inpaspasing 9:40 - Dibshon Mengi-kan Ni Pansigshan

⁴⁰ Nem si Pedro, inpabo‐day to iren emin, jet nantalimokod ja nanshawat son Apo Shiyos. Idi naksheng nga nanshawat, ẃiningi to sota etey jet kowan to ey, “Tabita, bangon ka!” Jet sota etey, nay‐agpayson binikat toy mateto. Idi inon‐an tos Pedro, imekẃas.

Inpaspasing 9:40 Iomraidhean Croise

San Mateo 6:6

No mansheẃat ka so nen Apo Shiyos, say pesing mo, daw ka shima kowadtom et pandekeb ka, asan ka manshawat so nen Apo Shiyos ja Amam. Jet si‐kato, ẃara nodtan na kowadtom ni moka pansheẃat ni abos mo, jet si‐katoy mengi‐kan ni konkonam.

San Mateo 9:25

Nem idi kimi‐nan ira sota eshakel la too, simekep si Jesus et inegni‐an to sota takday nonta biin nga‐nga, jet nanbiyag mowan.

San Marcos 9:25

Idi inon‐an nen Jesus ja emankai‐sop sota eshakel la totoo son si‐kato, sinelkag to sota dimonyo, ja kowan to ey, “Si‐kam ma dimonyo ja kabol la eg pantetnengan tan eg pan‐a‐selan niya nga‐nga, ikowan ko son si‐kam, betik ked ta nga‐nga, jet kareka ma on‐oli‐oli son si‐kato!”

San Lucas 22:41

Idi inkowan to iyay, bintawan to ira ni ootik et nantalimokod ja nanshawat son Apo Shiyos,

San Lucas 8:54

Idi simekep si Jesus, inegni‐an toy takday nonta nga‐nga et inkedsang toy esel to, ja kowan to ey, “Bangon ka anak!”

Inpaspasing 20:36

Idi naksheng den inkowan nen Pablo iyay son si‐kara, nantalimokod, jet pati sota totoo, nanshawat ira son Apo Shiyos.

Inpaspasing 21:5

Jet idi enaksheng sota akew ja pan‐iyan mid man, intoloy min ondaw shi daẃan mi, jet sota ira emati, pati sota aseẃara tan annak sha, shakami intolod ingkatod ineshawi‐an mi sota siyodad ni indaw mi nodta kilig ni baybay. Jet nodta kilig ni baybay, nantalimokod kamin emin ja nanshawat son Apo Shiyos, asan kamika mansisinodsod ey ondaw kami mala.

Inpaspasing 28:8

Nontan na timpo, naytompong nga emansekit sota ama nen Poblio, ja empetang nga pasiyay bakdang to, tan emantai ni shala. Jet si Pablo, dimaw, ja to inon‐an, jet nanshawat nin son Apo Shiyos asan toka isakpal i takday to so nontan na emansekit, jet na‐kal i sakit to.

Inpaspasing 7:60

Nantalimokod jet inkedsang toy shawat to ja kowan to pay ey, “Apo, pakaẃanim ira jay ya totoo ni sajay ya dingkara son si‐kak.” Sajay i shawat to asan matey mala.