Inpaspasing 9:3 - Dibshon Mengi-kan Ni Pansigshan

³ Nem idi eman‐ekad nodta shalan na nay‐esop shi Damasko, ebigla ja ẃaray silew alid dangit, jet dinikmot tos Saulo.

Inpaspasing 9:3 Iomraidhean Croise

Inpaspasing 22:6

“Nem nonta naka eman‐ekad ja nay‐esopak ma shi Damasko, nankawa nontan i akew, jet bigla ja ẃaray makedsang alin similew shi dangit ja emenenili, jet diniktob towak.

Inpaspasing 9:17

Jet si Ananias, dimaw, ja tinongpal to sota inkowan nen Jesus. Simekep nodta kad‐an nen Saulo, jet to insakpal i takday to son si‐kato, jet kowan nen Ananias ey, “Agi Saulo, si Apo Jesus, ja nanpa‐sas son si‐kam ni indaw mo alid jay, si‐kato met laeng i engibetkag ali son si‐kak shiyay, say man‐esas ka mowan, tan say man‐iyan son si‐kam i Ispirito Santo nen Apo Shiyos.” Kowan nen Ananias.

Inpaspasing 9:27

Nem si Bernabe, inodop to si Saulo jet indaw to so nonta ira apostol, jet inistoriya to son si‐kara i itsora ni in‐asas so nen Saulo son Jesucristo shi kalsara, tan inistoriya to pay sota inkowan nen Jesus son Saulo, pati sota katoded ton mengitosho ni maypangkep so nen Jesucristo shi Damasko.

1 I-Korinto 15:8

Shi ka‐onoran, nanpa‐sas ngo son si‐kak. Si‐kak, singa nay‐anakak shi aliẃen timpo to, ta nanbalinak ni apostol nen Jesus jey ekak nin nay‐olo‐olop son si‐kato.

1 I-Korinto 9:1

Angken si‐kak, palobos met ja dag‐en koy pansigshan ko, nem ekak inpakat. Ẃaray nandasinan ko met so ni eshom ma emati, tep apostolak; inon‐an ko met ta mismo si Apo Jesus! No kowan ni eshom ey aliẃen apostolak, istay amtayo koma mango, ta si‐kak i kabol la emati‐an jo son Apo Jesus. Jet sotan i ka‐asan to ey si‐kak, agpayson apostolak.

1 Timoteo 6:16

Si‐kato bengat i Shiyos ja eg metey, jet shima mismon kawad‐an to, angken sipa, enshiy toon en onshanon so, ta emenenilin pasiya. Angken sipen too, enshiy en engasas son si‐kato, ono mengesas so. Jet si‐katoy mayshedjaw ja toray ja Manakabalin ingkatod ingka. Siya, satan da!

Inpa-Amta Nen Jesucristo 21:23

Jet sotan na siyodad, eg to mesepol i sekit ono bolan na onsilew so, ta si Apo Shiyos ja emenenili tan sota Kalniro, si‐karay onsilew so nontan na siyodad.

Inpa-Amta Nen Jesucristo 22:5

Jet nodtan na siyodad, ka‐akawan ni olay, eg mesepol i silew, ono kingki, ono sekit, ta si Apo Shiyos ja emenenili i mismon silew nodtan na siyodad. Jet mekitoshay ira son si‐kato ingkatod ingka.