Inpaspasing 9:21 - Dibshon Mengi-kan Ni Pansigshan

²¹ Sota ira toon engitneng ni inkowan to, ireka messhaaw, ja kowan sha ey, “Aliẃa ayen sajay sota toon ẃared Jerusalem ja toka panbono‐a sota ira emati so nen Jesus? Istay sajay met i kabol la dinaẃan to did jay; kowan to ey to ira a‐shelen sota emati son Jesus jet idaw to ira so nonta ira apo ni papashi.”

Inpaspasing 9:21 Iomraidhean Croise

Inpaspasing 2:12

Jet emin ira, ireka messhaaw ta eg sha eẃatan iyay, jet kowan sha ey, “Ngaranto emo iya emankepasemak niman?”

Inpaspasing 2:6

Idi itenengan ira nonta totoo sota emanbongog ja edapo alid naykayang, dimaw ira ja sha inon‐an, jet enasshaaw iren pasiya ta idi intenengan sha sota esel ira nonta emati, sota mismon esel ni sakey tan sakey son si‐kara i bolikas nontan na esel.

Inpaspasing 3:10

Inimatonan sha ey si‐kato sota kaontongtongaw ni olay shima Memapteng nga Sakepan ni Timplo ja emankekeshaw ni pilak, jet enasshaaw iren pasiya ta eg sha eẃatan no ngarantoy edaga son si‐kato.

Inpaspasing 4:13

Jet idi inon‐an sha ey etoled si Pedro nen Juan ja man‐a‐sel, nasshaaw iren pasiya ta amtara ey sajay iren too, ootik i ashal sha. Nem ninemnem sha ey si‐kara gayam sota eki‐odo‐odop so nen Jesus.

Inpaspasing 7:59

Nonta marama ja shaka pankespigi ni bato si Esteban, nanshawat, ja kowan to ey, “Apo Jesus, awat mo ngo iya biyag ko.”

Inpaspasing 8:3

Jet si Saulo, pinedigat ton pasiya sota emati son Cristo; toka solsolsola pay i kebalebaley ja toka pan‐a‐shela ira sota emati son Jesus ja daleki, angken pay sota ira bibii. Jet toka pan‐ibalod ira.

Inpaspasing 9:22

Nem si Saulo, mas kimedsang i toka pengitosho ni pangkep so nen Jesus, ey si‐katoy tongpal nonta padto nonta bayag da ja ẃaray ibetkag ali nen Apo Shiyos ja mengisedakan. Jet sota ira Hodiyos shi Damasko, eg ira maka‐abak son si‐kato ni songbat.

2 I-Tisalonika 1:10

No timpo alin imotok to, ishayaw ira nonta emin na too ton emati et si‐kayo i sakey pay son si‐kara tep pinatiyo sota inkowan mi son si‐kayo.

1 San Juan 3:1

Iyay i nemnemen jo koma. Say semek nen Apo Shiyos son si‐katejon annak to, ebadeg ga pasiya, isonga mayngadnan kito ey annak to. Aliẃen awag bengat, no diket podnon naykari kito ey annak to. Sota toon eg memati son si‐kato, eg sha eẃatan i kasesaad tayo ta angken si Apo Shiyos, eg sha pati‐en.