Inpaspasing 8:16 - Dibshon Mengi-kan Ni Pansigshan

¹⁶ Ta nontan, enshi pay nin i Ispirito Santo ja nan‐iyan so ni angken sakey son si‐kara; ebonjagan bengat ira ja si‐katoy ka‐asan to ey too ma ira nen Apo Jesucristo.

Inpaspasing 8:16 Iomraidhean Croise

San Mateo 28:19

Isonga ikowan ko son si‐kayo ey daw kayo shi emin na ili shiya dobong, jet itoshoyo i maypangkep son si‐kak say memati ira. Bonjagi jo ira shi ngaran nen Apo Shiyos ja Amak, shi ngaran ko ja Anak to, tan shi ngaran ni Ispirito Santo.

Inpaspasing 19:2

Jet inbag‐an to ira no ineẃat sha i Ispirito Santo nen Apo Shiyos nonta emati ira. Nem say songbat sha, kowan sha ey, “Ayshi, niman bengat i intenengan mi so nita kowan mo ey Ispirito Santo.”

Inpaspasing 2:38

Si Pedro, simongbat ja kowan to ey, “Panbebawi kayo et emin kayo, panpabonjag kayo ja si Jesucristo i toshongen jon pati‐en ni olay, say mepekawanan i basol jo. Jet eẃaten jo sota Ispirito Santo nen Apo Shiyos ja i‐akan to.

I-Roma 6:3

Amtayo met ey nonta ebonjagan kito ja nayda‐kam son Cristo Jesus ket ebonjagan kito ngo ja nayda‐kam ni inkatey to.

I-Galasia 3:27

Ta sota emin son si‐kayon ebonjagan, ja ẃara ma son Cristo, nanbalin kayon inges nen Cristo ja annak nen Apo Shiyos.