Inpaspasing 8:1 - Dibshon Mengi-kan Ni Pansigshan

¹ Si Saulo i sakey ya makapiyan ey angken bono‐en sha si Esteban. Nontan na timpo, epaladoy shaka pesing so nonta ira emati shi Jerusalem, isonga ebokal ira ja nayẃaris shi emin na ili ni Jodia, tan shi Samaria, nem sota ira apostol, si‐kara bengat i ebay‐an ja eg nansisi‐jan.

Inpaspasing 8:1 Iomraidhean Croise

San Mateo 22:6

Sota ira eshom ngo so nonta ira na‐awis, inshel sha et sota inbetkag nonta ari jet binebaingan sha ira, asan shaka ira bono‐a.

San Mateo 23:34

Jet niman, mengibetkagak da ngo son si‐kayo ni toon mengikowan ni esel nen Apo Shiyos, tan mengibetkagak ni eshom ma toon edaing nga mantosho ja ondaw son si‐kayo. Nem bono‐en jo ira sota eshom ja idansa shi koros, jet sota eshom son si‐kara, sepsepdaten jo ira shima sa‐nopan jo. Jet emin sota mebay‐an ja eg jo bono‐en, osilen jo pay ira shi ka‐ili‐ili.

San Mateo 5:13

“May‐eshig kayo ey asin ja emengi‐kan ni mapteng shiya dobong. Nem no ma‐omas i pait ni asin, ja entamnay ma, eg maymowan. Jet enshi may silbi to, may‐ibong sotan ja angken kegkegtinan ni too.

San Juan 15:20

Karejo dibdibkan sota inkowan ko la son si‐kayo, ey say baga‐en, aliẃen si‐kato et ngo mowan i ibaingan ni totoo ey say sota apo to. Jet si‐kak ja apo jo, pedikaten sha‐ak; isonga angken si‐kayo, sigoradon pedigaten shakejo ngo ali pangkep ni pamatiyo son si‐kak. Nem no pinatiray esel ko, pati‐en sha ngoy ikowan jo.

San Juan 16:2

Ta a‐kalen shakejo pay shima dogad ja sa‐nopan ni Hodiyos, ja eg shakejo ma ipalobos ja mekisa‐sa‐nop son si‐kara. Aliẃen sotan bengat: sota pay ira memono son si‐kayo, say ẃared nemnem sha, kowan sha ey sotan na dag‐en sha, aliẃen basol, no diket shaka pandag‐a ja para son Apo Shiyos.

Inpaspasing 1:8

Nem iyay i ikowan ko son si‐kayo. Sota Ispirito Santo nen Apo Shiyos, man‐iyan so ni sakey tan sakey son si‐kayo say ẃaray panakabalin jon mengikowan ni maypangkep son si‐kak shi totoo, manshoki shi Jerusalem, Jodia, Samaria, tan shi emin na sakop niya dobong.”

Inpaspasing 13:1

Shima Antiok ja kawad‐an ira nonta emati, ẃara son si‐kara sota emengipa‐amta ni panpa‐amta nen Apo Shiyos son si‐kara, tan sota eshom ma para toro, jet sajay iray ngaran sha: si Bernabe, si Simeon ja Tolingan i sakey ya ngaran to, si Lucio ja i‐Sirini, si Manaen ja tagibi ni ama nen Hirodis ja gobinarol shi Galilia, tan ẃara son si‐kara si Saulo.

Inpaspasing 13:36

Sajay ya inkowan nen David, aliẃen si‐kato met laeng ja engikowan i kaytoshongan to, ta si David, idi enaksheng nga nansilbi son Apo Shiyos nonta ẃared biyag, etey ja to simbiy ap‐apo to la, jet sota bakdang to, eboyok.

Inpaspasing 2:47

Si Apo Shiyos ni olay i shaka ishayshayaw, jet angken sota emin na totoo, kowan sha ey mapteng ira sota emati. Jet si Apo Shiyos, inakew ja ẃaray toka i‐eshom son si‐kara ja maysedakan.

Inpaspasing 22:20

Angken pay nonta inbono sha so nen Esteban pangkep nonta toka pengitosho ni maypangkep son si‐kam, ẃara‐ak nontan jet kowan ko ey kosto sota shaka pandag‐a son si‐kato, tan si‐kak pay i nanbantay ni ta‐kep ni baro ira nonta bimono son si‐kato.’ Sajay i inkowan ko son Apo.

Inpaspasing 26:10

Jet mismon dingkak iyay shi Jerusalem. Sota kangeto‐an na pari, in‐aknan towak ni palobos, jet eshakel i inbalod kon emati son Jesus shiman, jet sota ira eshom ma kowan sha ey mebono, naka owena ey mapteng sotan na kowan sha ey dag‐en sha.

Inpaspasing 5:18

Jet say inpasing sha ma son si‐kara, inshel sha jet inbalod sha ira.

Inpaspasing 5:20

“Daw kayo shima Timplo, jet jo itosho so ira nima totoo i maypangkep son Jesucristo, ey si‐katoy kedepo‐i nonta biyag ja inkari nen Apo Shiyos.”

Inpaspasing 5:33

Jet idi intenengan ira nonta toray ni Hodiyos iyay ya inkowan nen Pedro, epaladoy bonget sha so nonta ira apostol, ja piyan sha iren bono‐en.

Inpaspasing 5:40

Inpaskep sha mowan sota apostol, jet inpasepdat sha nin ira asan shaka ikowan son si‐kara ey kenshat ta eg sha ma itorotoro i maypangkep son Jesus shi totoo, asan shaka ma ira ibodos.

Inpaspasing 7:38

Jet saja si Moises, si‐kato sota eki‐od‐odop so nonta i‐Israel ja appo tayo da ni inpan‐ak‐akad sha shima shinshindan sha, tan si‐kato pay i ekitbal so nonta anghil shi shontog ni Sinai ja engi‐ẃat nonta naysolat ja bilin nen Apo Shiyos son si‐kato say itawid to ngo son si‐katejo.

Inpaspasing 7:54

Jet idi intenengan ira nonta toray ni Hodiyos sota inkowan nen Esteban, dimeshang ira ja emanngedetnget i sangi sha ni bonget sha son si‐kato.

Inpaspasing 7:58

Inbo‐day sha nodta ili jet nan‐a‐atangan shen kineskespigan ni bato. Jet sota ira engikowan ni kowan sha ey basol nen Esteban, si‐kara i epangdon engikespig ni bato son si‐kato. Jet sota ira engespig, insepara sota ta‐kep ni baro sha shi sango‐an nonta balodaki ja manngeshan ni Saulo, ja kowan sha ey bantayan to.

Inpaspasing 8:14

Jet sota ira apostol ja ẃared Jerusalem, idi inamta‐an sha ey ineẃat ni i‐Samaria i esel nen Apo Shiyos maypangkep so nen Jesucristo, inbetkag sha si Pedro nen Juan shi Samaria.

Inpaspasing 8:2

Nem ẃaray eshom ma ebay‐an ja makedsang i pamatira, jet si‐kara i en engibka so nen Esteban. Epaladoy shaka pannengis ni daringit sha pangkep son si‐kato.

Inpaspasing 8:4

Jet sota ira emati ja nayẃaris, dimaw iren en mengitosho ni esel nen Apo Shiyos ni maypangkep so nen Jesus shi emin na dinaẃan sha.

Inpaspasing 8:5

Jet si Felipe, dimaw shi siyodad ni Samaria ja to itoro i maypangkep so nen Jesus. Intoro to ey si Jesus sota tongpal nonta padto nonta bayag da ey mengisedakan ali.

Inpaspasing 9:31

Jet nontan ma, sota ira emati shi intiron Jodia, Galilia, tan shi Samaria, eg ira medigdikatan. Jet sajay ira, kimedsang i pamatira, tan shimakel pay ira. Nontan, si Apo Jesus ni olay i shaka nemnemnemen panshedjawan, tan tinodongan pay ira ni Ispirito Santo nen Apo Shiyos.

I-Roma 1:32

Angken amtaren pasiya ey inkowan nen Apo Shiyos ey sota mandeka niyay ya ngaaw wa aramid ket anam shen meshosa ingkatod ingka, si‐kato pay laeng i shaka dagdag‐a, jet shaka pay ikowan ey “siya kosto”, no onoran ni eshom.

I-Pilipos 1:12

Si‐kayon a‐aki shi pamati, piyan kon amta‐an jo ey emin sota digat ja epasemak son si‐kak, ẃaray mapteng nga nanbanagan to. Ta sota mapteng nga shamag maypangkep so nen Jesucristo, eshakel i engitneng.

Hodiyos 11:27

Jet emati pay laeng son Apo Shiyos; isonga indekjas toy Egypt. Eg to tinekotan sota bonget ni ari, no diket emasig ja engilekjas ni Egypt, ta toka sigorado‐a ey ẃara si Apo Shiyos ja emay‐od‐odop ni olay son si‐kato, ja singa inon‐an ton mismo.