Inpaspasing 7:51 - Dibshon Mengi-kan Ni Pansigshan

⁵¹ Jet si Esteban, intoloy to ja kowan to so ira nonta esa‐nop pa toray ni Hodiyos ey, “Epalado kayo, etangken i toktok jo! En‐asneng jon itenengan i bilin nen Apo Shiyos! Nay‐inges kayo met laeng so ira nonta appoyo la, ja eg jo kosto ni olay ja ishalan shakejo ni Ispirito Santo!

Inpaspasing 7:51 Iomraidhean Croise

Inpaspasing 6:10

Nem eg sha posi‐en na songbatan sota pan‐ikowan nen Esteban tep inshalan ni Ispirito Santo nen Apo Shiyos jet sota Ispirito Santo i engi‐kan ni daing ton onsongbat son si‐kara.

Inpaspasing 7:27

Nem sota sakey ja engigepo ni bakal, si‐katoy engitolshon son Moises ja kowan to ey, ‘Sipay engikowan son si‐kam ey itorayan jokami? Sipay engikowan ey si‐kam i mengigsheng ni maypangkep son si‐kami?

Inpaspasing 7:35

“Nonta eg pay laeng namtik si Moises shi Egypt, eg ineẃat ni kait ton i‐Israel ja inkowan sha nontan son si‐kato ey, ‘Sipay engikowan ey si‐kam i mengitoshay son si‐kami tan mengigsheng ni maypangkep son si‐kami?’ Nem si Apo Shiyos, si‐katoy engibetkag son si‐kato ja mengitoshay tan mengisedakan son si‐kara shi anongosto met laeng, isonga sota anghil ja inon‐an tod apoy nonta nan‐esel si Apo Shiyos, si‐katoy timolong son Moises,

Inpaspasing 7:39

“Nem sota appo tayo da, inbiyang sha ja eg sha pinati si Moises, jet inpa‐agpos sha et ja on‐oli ira shi Egypt.

Inpaspasing 7:9

“Sajay iren san‐a‐akin annak nen Jacob ja daleki, inepalan sha si Jose ja agi sha jet indako sha so nonta i‐Egypt. Nem si Apo Shiyos, eg to binaybay‐an si Jose,

I-Roma 2:25

No sota maypangkep ni kina‐Hodiyos, istay ẃaray pandesinan sha, no shaka koma onora sota bilin nen Apo Shiyos. Nem no eg sha onoren, enshi met laeng i silbi nonta kina‐Hodiyos sha, enshi may singa kaydesinan sha so nonta ira aliẃen Hodiyos.

I-Ipiso 4:30

Aliẃen kayo mandeka ni ngaaw ja kesekitan ni Ispirito Santo nen Apo Shiyos. Sota Ispirito Santo ja ẃara son si‐kayo, si‐katoy may‐eshig ey malka nen Apo Shiyos son si‐kayo. Si‐katoy ka‐asan to ey kokowa shakejo ma et si‐katoy amta‐an so ey enayen to ali sota inkaysalakan jo.

I-Pilipos 3:3

ta say toro sha, kowan sha ey sota ogadi ni Hodiyos ja kogit, si‐katoy ka‐amta‐an ni toon Apo Shiyos. Nem si‐katejo kari i podnon too nen Apo Shiyos, ta sota Ispirito Santo nen Apo Shiyos i emengitoshong son si‐katejo ni tayoka panshedjaw son si‐kato. Sota pamati son Cristo Jesus i tayoka panshindi; eg kito manshinel bengat nodta toro ni kait tayon too.

I-Kolosas 2:11

Si‐kayo, niman na emati kayo son Cristo, too kayo ma nen Apo Shiyos. Sota ira eshom, kowan sha ey too ira nen Apo Shiyos ta ekogit ira, nem aliẃen sotan sota kayda‐kaman ni too son Cristo. Say kaydesinan tayo ja too nen Cristo shima eshom, sota eg tayo ma pandeka nonta pipiyan ni bakdang tayon dag‐en ja ngaaw, aliẃen sota kogit.