Inpaspasing 7:49 - Dibshon Mengi-kan Ni Pansigshan

⁴⁹ ‘Say dangit, si‐katoy naka tongawi, jet say dobong, si‐katoy kaketketini ni shapan ko; isonga angken nganton kalasin baley ya dag‐en jo para son si‐kak ja kowan jo ey pan‐inan ko, eg mansilbi.

Inpaspasing 7:49 Iomraidhean Croise

San Mateo 23:22

Jet sota mansangba ja i‐esel toy dangit, say nansangba‐an to kari, sota tongawan nen Apo Shiyos, tan angken pay si Apo Shiyos.

San Mateo 24:2

Nem si Jesus, simongbat son si‐kara ja kowan to ey, “Owen, bisnayo niman. Tep ikowan ko son si‐kayo ey ẃara aliy timpon onsabi ja sajay ya Timplon joka i‐et‐etek ey mapteng, mesheshal, jet angken sakey so ira nima baton mapteng i inkay‐amag to, enshiy en mebay‐an shima nay‐amagan to; mesheshal la emin.”

San Juan 4:21

Jet si Jesus kowan to so nonta bii ey, “Patim iya naka pan‐ikowan. Waray timpon onsabi ali ja say panshedjaw son Apo Shiyos, aliẃen sota idaw nodta shontog shiyay, ono shi Jerusalem.

Inpa-Amta Nen Jesucristo 3:21

Sota mengenos ni digat, ja eg ma‐ebak, si‐karay ikowan ko ey mayda‐kam ja mekitongaw son si‐kak shima pantoshayan ko. Ta angken si‐kak, inenosan koy digat et nayda‐kamak ngo ja mekitongaw so nen Amak shi pantoshayan to.