Inpaspasing 7:10 - Dibshon Mengi-kan Ni Pansigshan

¹⁰ no diket tinodongan to shi emin na digat to, jet in‐aknan to pay ni daing; isonga kinosto‐an nen Paro ja ari shi Egypt si Jose. Jet si Paro, shinotokan to si Jose ja gobinarol shi intiron Egypt, tan si‐katoy emengimanshal ni emin na ẃared baley nen Ari Paro.

Inpaspasing 7:10 Iomraidhean Croise

2 Timoteo 4:18

Amtak ey ngaaw aliy dagdag‐en ira nonta makakontra son si‐kak, nem si Apo Jesus, eg towak i‐olay; idisi towak ni olay shiya maramen biyag ko niman jet al‐en towak da shi dangit ja toka pantoshayi. Si‐katoy mayshedjaw ni olay ingkatod ingka. Siya, satan da.

Santiago 5:11

Wara sota kowan tayo ey, “Sota toon eg to tinengdawan i digat ket mayshedjaw.” Kaspangarigan sota too nonta bayag da ja si Job; eg na‐opay ni pamati to, et amtayo ey mapteng i nanbanagan to, ja si‐katoy ka‐asan to ey si Apo Shiyos ket eg medokod i semek tan kaasi to.

Inpa-Amta Nen Jesucristo 7:14

Simongbatak ja kowan ko ey, “Apo, ekak amta. Isonga ikowan mo son si‐kak.” Jet kowan to son si‐kak ey, “Sajay iray nansilbi son Apo Shiyos ja enganos nonta ebadeg ga digat ja marama niman. Empoti ma niman i baro sha tep inbel‐ak sha nodta shala ni Kalniro.