Inpaspasing 6:7 - Dibshon Mengi-kan Ni Pansigshan

⁷ Jet nontan ma, emankaiweshis sota esel nen Apo Shiyos maypangkep son Jesus shi eshom ngon dogad, jet angken shi Jerusalem met laeng, ẃara ni olay i emankai‐shom ja emati so nonta ira sigod ja emati. Tan ẃara pay i eshakel la papashi ni Hodiyos ja emati.

Inpaspasing 6:7 Iomraidhean Croise

San Mateo 19:30

Nem eshakel ira sota kowan sha ey si‐karay mandesin i eẃaten sha, nem ootik kari. Nem ẃara et ngo mowan i kowan ni karakdan ey ootik i eẃaten sha, nem eshakel kari.

San Lucas 2:34

Jet kowan pay nen Simeon ey, “Si Apo Shiyos i onbindisiyon son si‐kayo. Jet iyay i ikowan ko son si‐kam ja ina niya nga‐nga. Sajay ya nga‐nga, shinotokan nen Apo Shiyos et si‐katoy panshoki‐an ni pandilinasin ira ni tood Israel. Eshakel i mengokes son si‐kato, tan eshakel ngoy memati son si‐kato ni pansigshan sha, tep idawdawag toy ngaaw wa nemnem ni eshakel la too. Maydesin ey ẃara son si‐kato si Apo Shiyos, nem bedawen ni eshom. Jet si‐kam ja ineto, sajay ya ibalaw sha di son si‐kato, si‐katoy kesekitan ni posom.”

San Juan 12:42

Nem eshakel met laeng iray toray ja emati son Jesus, nem sajay iren emati, eg sha ipa‐sas ey emati ira, ta entakot sha iray Parisiyo ey a‐kalen sha ira shima sa‐nopan ni Hodiyos, ja eg ma ira mebedin na mekisa‐sa‐nop.

Inpaspasing 12:24

Manipod ma nontan, sota esel nen Apo Shiyos, emankaiweshis shi eshakel la dogad jet emansha‐kel la emansha‐kel i ememati so.

Inpaspasing 13:8

Nem si Ilimas, ja manmantala i olog ni ngaran to, eg to kosto si Bernabe nen Saulo, ta piyan ton say eg memati sota gobinarol son si‐kara.

Inpaspasing 14:22

Jet tinokon sha ira nin sota emati nodtan na dogad ja shinshindan sha, say onkedsang i pamatira. Inkowan sha pay son si‐kara ey, “Karejo ibi‐bi‐jag i pamatiyo angken ngantoy dag‐en ni apil la too son si‐kayo; nemnem jo ey si‐katejon mayda‐kam shi pantoshayan nen Apo Shiyos ket kenshat ta manda‐kam kito ni digat.”

Inpaspasing 19:20

Jet nontan ma, sota esel nen Apo Shiyos ja pangkep so nen Apo Jesus, nayẃaris et eshakel men pasiya i emati so.

Inpaspasing 2:47

Si Apo Shiyos ni olay i shaka ishayshayaw, jet angken sota emin na totoo, kowan sha ey mapteng ira sota emati. Jet si Apo Shiyos, inakew ja ẃaray toka i‐eshom son si‐kara ja maysedakan.

Inpaspasing 21:20

Jet idi intenengan sha iyay ya inkowan nen Pablo, si Apo Shiyos i nan‐iyamanan sha, jet kowan sha son Pablo ey, “Agi, amtam met ey diniboy Hodiyos ja emati son Cristo, nem sota sigod ja bilin na nay‐awat son Moises i shaka on‐onora pay laeng ja pasiya.

Inpaspasing 6:1

Idi emanshekel la pasiya sota ira emati, kepan‐ikotot nonta ira sa‐bon Hodiyos ja Grigo i esel sha sota ira koston Hodiyos. Ta sota ira Grigoy esel sha, kowan sha ey sota nankebalo son si‐kara, ediwayan ja eg ira nay‐aknan nonta mekan ja emankaiweshis ni inakew.

I-Roma 1:5

Si Cristo i kabol la engaasi‐an towak so nen Apo Shiyos; isonga shinotokan towak ja en mengikowan ni maypangkep son si‐kato so nonta ira totoon eg maka‐amta, say si‐katoy pati‐en sha, tan say si‐katoy mayshedjaw shi emin na ili.

I-Roma 16:26

Nem niman ma sotan na istay eg tayo amta, naypa‐amta ma son si‐katejo jet emankaitosho shi intiron dobong, say amta‐en sha, tan say si‐katoy onoren sha. Jet mika ibatay ni olay nodta insolat ni para padto nonta bayag da. Si Apo Shiyos ja ẃara ni olay ingkatod ingka, sajay i inbilin ton medeka.

I-Galasia 1:23

Say amtara bengat pangkep son si‐kak, intenengan sha bengat sota kowan ni eshom ey, “Sota kono emaligat son si‐katejo nontan da, ja si Pablo, toka pan‐itoro sota maypangkep ni pamati son Cristo niman. Kaskasshaaw iyay tep istay pineshas ton pokawen sota pamati nontan da!”

I-Galasia 6:10

Isonga mesepol la ishingan tayo ni olay ja mandeka ni mapteng so ni emin na too, agdalo so nonta ira a‐aki tayod pamati.

I-Kolosas 1:6

Jet sota esel nen Apo Shiyos pangkep so nen Jesucristo, ja simabi son si‐kayo, si‐katoy emankaiweshis shi emin na dogad shiya dobong. Jet ẃaray nanbanagan to ni olay, ja inges to son si‐kayo, manshoki nonta pilmiron akew wa inamta‐an jo ey sota podnon kaasi, medepo son Apo Shiyos.

2 I-Tisalonika 1:8

Jet shosa‐en to ira sota toon makadedamsis son Apo Shiyos, tan eg memati pay ni toro pangkep son Apo Jesus,

2 Timoteo 2:9

Jet sota naka pengitosho niyay ya mapteng nga shamag maypangkep so nen Jesucristo, si‐katoy kabol la naka da‐da‐kami so ni digat niman, tan si‐katoy kabol la naybaloshan ko pay ja singa bimasolak et ngo mowan. Nem angken inpokok sha‐ak, eg mebedin na ipokok ni angken sipen too iya esel nen Apo Shiyos; maykowan ngo eshan shi totoo.

Hodiyos 11:8

Jet si Abraham ngo, tep emati son Apo Shiyos, pinati to sota inkowan nen Apo Shiyos ey ondaw nodta dogad ja inkari ton i‐akan to. Jet dimaw nga agpayso ja indekjas to sota sigod ja dogad to, ey eg to pay nin amta no toway ikowan nen Apo Shiyos ey dogad ja daẃan to.

Hodiyos 5:9

Jet nontan ma, enshiy kolang to, jet mebedin ma ja si‐katoy mengisedakan ingkatod ingka ni emin na memati son si‐kato.

San Judas 1:20

Nem si‐kayon ensemek ko, say kowan ko son si‐kayo, pantitinolong kayo say onkedsang i pamatiyo ja in‐awat nen Apo Shiyos. Panshawat kayo ni olay son si‐kato jet i‐onod jo i pesing ni Ispirito Santon mengitoshong son si‐kayo ni joka pansheẃat.

San Judas 1:3

Si‐kayon ensemek ko, istay piyan kon pasiya ja mansodat son si‐kayo pangkep nonta inkaysalakan tayo ja pineshasan tayon emin ja emati. Nem niman, binediwan koy piyan kon isolat. Epilitanak ka mengadok son si‐kayo ey mesepol la eg jo i‐onod ja mesa‐datan i pamatiyo. Ta saja pamati tayo, in‐akan nen Apo Shiyos son si‐katejon too to, jet eg mesepol la ma‐shoman ta kompliton sigod, ẃaren emin.