Inpaspasing 6:11 - Dibshon Mengi-kan Ni Pansigshan

¹¹ Jet say inpasing sha, nandagbo ira ni toon mengikowan ni aliẃen podno. Jet sotan na toon dinagbo‐an sha, inkowan sha ey, “Intenengan mi i inkowan nen Esteban, jet emaykontra i toka ikowan shi dinteg nen Moises, tan emaykontra pay so nen Apo Shiyos!”

Inpaspasing 6:11 Iomraidhean Croise

San Juan 1:17

Siya, si‐kato si Jesucristo et inpawasha toy semek shiya dobong. Jet si Moises ngo nonta bayag da, inpawasha to sota sigod ja bilin nen Apo Shiyos, nem si Jesucristo i engitosho ni podnon olog nontan na bilin.

San Juan 16:3

Jet sajay i dag‐en sha son si‐kayo, ta eg sha‐ak amta, tan eg sha pay amta si Amak.

San Juan 9:29

Ta amta mi ey si Moises, tinabtabal nen Apo Shiyos, nem eg mi pay amta no toway edapo‐an nita kowan mo ey enolong son si‐kam!”

Inpaspasing 15:21

Ta sota bilin ja inpateẃid nen Moises son si‐katejon Hodiyos, sigod ja emaybasbasa no akew wa ngilin tayon Hodiyos shi emin na sa‐nopan tayod ka‐ili‐ili. Jet no eg onoren ni toon aliẃen Hodiyos iyay ja inkowan ko la, kenshat ta ngaaw i dekna ira nonta Hodiyos ja kait shen emati son Cristo.” Kowan nen Santiago.

Inpaspasing 18:6

Nem sota ira too nodtan, eg sha kosto ja itenengan i kowan nen Pablo, tan ngaaw pay i shaka ikokowan son si‐kato. Jet say inpasing ma nen Pablo, pinokpok to sota depok shi baro to ja si‐katoy banshaan son si‐kara, jet kowan to ey, “Niman, no shosa‐en shakejo nen Apo Shiyos, enshiy nak kaybiyangan son si‐kayo! Ta eg jo kosto iya naka pan‐itoro. Ondawak ma ja en mantosho so ni toon aliẃen Hodiyos.” Kowan nen Pablo.

Inpaspasing 21:28

Kimeljaw ira ja kowan sha ey, “Si‐kayon kait min Hodiyos, tolong kayo! Sajay sota too ja eman‐eka‐ekad shi emin na dogad ja emantosho ni emaykontra son si‐katejon Hodiyos, maykontra shi dinteg tayo, tan emaykontra pay so niyay ya Timplo! Tan ẃara pay konoy inta‐jon ton aliẃen Hodiyos shiya Timplo, jet nakol ni edo‐shis ma iyay ya Timplo!”

Inpaspasing 25:3

ey i‐oli to koma son si‐kara si Pablo shi Jerusalem, ta say ẃared nemnem sha, kowan sha ey seskeren shed shalan et bono‐en sha.

Inpaspasing 25:7

Jet idi nontan na ẃara ma si Pablo, sota ira Hodiyos ja edapod Jerusalem, dimayat iren emin ja diniktob sha si Pablo, jet eshakel i inkowan shen basol to konon embel‐at, nem eg sha met kari peneknekan.

Inpaspasing 26:11

Jet sota ira emati son Jesus, eminshakel la ẃaray shinosak son si‐kara shima balbaley ya sa‐nopan tayon Hodiyos shi kedogadogad, ta piyan kon piditen iren mengibi‐jag ni pamatira son Jesus. Ebadeg i bonget ko son si‐kara nontan; dimawak pay shima ira nay‐araẃin siyodad ja kawad‐an ira nonta emati son Jesus ja nak ira pinedigat.”

Inpaspasing 6:10

Nem eg sha posi‐en na songbatan sota pan‐ikowan nen Esteban tep inshalan ni Ispirito Santo nen Apo Shiyos jet sota Ispirito Santo i engi‐kan ni daing ton onsongbat son si‐kara.

Inpaspasing 6:12

Sajay i kabol la binongetan ira nonta karakdan na totoo, pati sota ira pangolo ni Hodiyos, tan sota mamaistoro ni dinteg ni Hodiyos. Dimaw ira so nen Esteban, jet inshel sha, jet inodop shen in‐ilaw so nonta ira toray ni Hodiyos.

Inpaspasing 6:13

Jet indara di sota toon sistigo ja o‐owap i kowan sha maypangkep so nen Esteban, jet si‐karay engikowan ey, “Sajay ya too, emaykontra ni olay i toka ikokowan maypangkep niya Timplo tayo, tan dinteg tayon Hodiyos.

I-Roma 3:8

Singa kowan sha ey angken mandeka kito ni basol ta say panbenagan to, panmaptengan met laeng. Say kowan kono ni eshom, sotan i mismon mika pan‐itoro, nem angkena. Ta si Apo Shiyos, esaganen menosa nonta ira totoon maledamsis, jet sotan i anam ton mepesamak son si‐kara.

1 Timoteo 1:13

Nonta pilmiro ja enshi pay laeng i pamatik son Apo Jesus, ngaaw i inkokowan ko pangkep son si‐kato, eshakel i pinedigat kon too to, tan binebaingan ko pay ira. Nem kinaasi‐an towak, ta ekak amta ey ngaaw sotan na dingdingkak.